Salmos 71
71
Díos mé tꞌayakonheni ti kjuaxróxinhña itjeni
Ijnko táda nixje̱he̱ Díos
1Jaha Itꞌéni Díos mé si̱nchekaáni
la í chrókósuèhyani ninkehó.
2Tjinki̱tsani, nchekaáni
kixin jaha la imá jína.
Tjakꞌe tihín ti chrónòahani la tjínki̱tsani.
3Jaha mé éxi ijnko ixro̱ ijié
o̱ éxi ijnko tja̱tꞌo̱ tsíkꞌóna imá noi tsaáxini
mé xi̱kaha jaha tsíndáchrua kixin si̱nchekaáni.
4Díos kuènténi,
nchekaáni kixin ti sin tjenka̱yáxin ti nkehe jínahña
la ko ti sin jie̱he la tjinkaon sin
chrókjuinchekꞌitjáña sin ti jeheni.
5A̱ndá jaha Itꞌéni Díos mé tinkáchónkini ti jaha;
ti na̱xa̱ ntasoáni la xráxín tinkáchónkini ti jaha.
6Kjónté na̱xa̱ tjenkáyani tse̱e ìñéni
la jaha kꞌuayakohéni
la ko jaha kjuínki̱tsa ti kokjíhini.
Méxra̱, tsotjáhani kjuasáya nkochríxín.
7Nchónhña chojni chrakon sin kixin kꞌuíkon sin nkexrín jína itjeni
kixin jaha xráxín kjui̱nchekaáni.
8Kaín ña̱o itsjeni kixin
tinkáchónkini ti jaha.
Kaín ña̱o tjáhani kjuasáya kixin imá ijié ti kjuachaxin kuèntá.
9Jaha chrókui̱to̱éhyani kjónté ó tádani,
kjónté ó kjuéje̱ ti fuerza chóntani
la chrókui̱to̱éhyani.
10Kixin ti sin nínkaon la tjinkaon sin
chrókꞌóñá sin ti jeheni,
la tsíkónkotsé sin tjenka̱yáxin sin
nkehe sichꞌehe sin ti jeheni.
11Ndáchro sin: “Tsochréhe̱ni ti nkexro a
la tsotséni
kixin Díos la ó tsíkito̱he ti jehe chꞌan,
la í kohya nkexro tsaáxin chꞌan.”
12Ti̱to̱éhyani, jaha Díos kuènténi.
¡Xrákia tjoka tjínki̱tsani!,
13kixin chrókósuéhe̱ ti sin nínkakohen ti jeheni,
la chrókꞌuitjáña sin.
¡Chrókósuéhe̱ ti sin xritjeyá ti nkehe jínahña tso̱heni!
14A̱ndá jeheni mé kaín ña̱o tinkáchónkini ti jaha
la ko tsjikosáyahani nkochríxín.
15Kuenté ña̱o ti irꞌuani mé tsochronkaxíni
kixin jína ti jaha la ko kjui̱nchekaáni.
Tíha la ijnko nkehe tjachahyani tienxíni.
16Tsochrónkaxíni ti kjuachaxin ijié kuèntá,
la ko ti nkehe kjui̱chꞌe jaha
la tsochronkani kixin jahuá mé ijnko nkexro imá jína.
17Jaha Díos kuènténi této̱an,
jaha mé kjuákohéni ti na̱xa̱ kꞌuéntasoáni.
A̱ndá ijie la na̱xa̱ tsochronkaxíni ti kjuaxroan ijié kjuáko̱xián.
18A̱ndá kjónté chrókótádani, chrókótjóá ikjani,
la jaha Díos chrókui̱to̱éhyani.
Na̱xa̱ chrókjuákoxian ti kjuachaxin kuèntá
kixin tsihin ti sin tjejó ijie la ko kaín ti sin itsi chrꞌéxi̱n.
19Imá jína jaha la tjetjáko̱xián ti kjuachaxin kuèntá
nkuíxín chjasintajni la ko nka̱jní.
Jaha la nchónhña kjuaxroan kjuásian.
¿Xá nkexro chrókóyóhe̱ ti jaha?
20Jaha kjuánjua kjuachaxin kjuasóteni
la ko nchónhña nkehe náxrjónhña kóheni,
a̱ndá ijie la tsjánjua fuerza ni̱xin
kixin jína tsjakꞌeni ínaá,
la jaha tsjinki̱tsani
kixin tsꞌixenhñani ti tòye̱ imá ni̱nka.
21A̱ndá a̱ntsí tsochóntani kjuachaxin
kixin jaha tsokjan si̱nchechéhéni.
22Ijie la tsotsjeni himno tsjikosáyeheni ti jaha
la itsꞌini arpa la ko salterio tsjikosáyaxiáni,
kixin jaha mé ti Díos kuènté ti sin Israel.
23Tsotsjeni la tso̱chéhe̱ni,
kixin jaha kjui̱nchekaáni.
24Kaín ña̱o tsochronkani
kixin jína jaha,
la tsochronkani kixin jaha kjui̱nchesuéhé
ti sin kꞌuétjinkaon chrókjuinchekꞌitjáña ti jeheni.
Currently Selected:
Salmos 71: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 71
71
Díos mé tꞌayakonheni ti kjuaxróxinhña itjeni
Ijnko táda nixje̱he̱ Díos
1Jaha Itꞌéni Díos mé si̱nchekaáni
la í chrókósuèhyani ninkehó.
2Tjinki̱tsani, nchekaáni
kixin jaha la imá jína.
Tjakꞌe tihín ti chrónòahani la tjínki̱tsani.
3Jaha mé éxi ijnko ixro̱ ijié
o̱ éxi ijnko tja̱tꞌo̱ tsíkꞌóna imá noi tsaáxini
mé xi̱kaha jaha tsíndáchrua kixin si̱nchekaáni.
4Díos kuènténi,
nchekaáni kixin ti sin tjenka̱yáxin ti nkehe jínahña
la ko ti sin jie̱he la tjinkaon sin
chrókjuinchekꞌitjáña sin ti jeheni.
5A̱ndá jaha Itꞌéni Díos mé tinkáchónkini ti jaha;
ti na̱xa̱ ntasoáni la xráxín tinkáchónkini ti jaha.
6Kjónté na̱xa̱ tjenkáyani tse̱e ìñéni
la jaha kꞌuayakohéni
la ko jaha kjuínki̱tsa ti kokjíhini.
Méxra̱, tsotjáhani kjuasáya nkochríxín.
7Nchónhña chojni chrakon sin kixin kꞌuíkon sin nkexrín jína itjeni
kixin jaha xráxín kjui̱nchekaáni.
8Kaín ña̱o itsjeni kixin
tinkáchónkini ti jaha.
Kaín ña̱o tjáhani kjuasáya kixin imá ijié ti kjuachaxin kuèntá.
9Jaha chrókui̱to̱éhyani kjónté ó tádani,
kjónté ó kjuéje̱ ti fuerza chóntani
la chrókui̱to̱éhyani.
10Kixin ti sin nínkaon la tjinkaon sin
chrókꞌóñá sin ti jeheni,
la tsíkónkotsé sin tjenka̱yáxin sin
nkehe sichꞌehe sin ti jeheni.
11Ndáchro sin: “Tsochréhe̱ni ti nkexro a
la tsotséni
kixin Díos la ó tsíkito̱he ti jehe chꞌan,
la í kohya nkexro tsaáxin chꞌan.”
12Ti̱to̱éhyani, jaha Díos kuènténi.
¡Xrákia tjoka tjínki̱tsani!,
13kixin chrókósuéhe̱ ti sin nínkakohen ti jeheni,
la chrókꞌuitjáña sin.
¡Chrókósuéhe̱ ti sin xritjeyá ti nkehe jínahña tso̱heni!
14A̱ndá jeheni mé kaín ña̱o tinkáchónkini ti jaha
la ko tsjikosáyahani nkochríxín.
15Kuenté ña̱o ti irꞌuani mé tsochronkaxíni
kixin jína ti jaha la ko kjui̱nchekaáni.
Tíha la ijnko nkehe tjachahyani tienxíni.
16Tsochrónkaxíni ti kjuachaxin ijié kuèntá,
la ko ti nkehe kjui̱chꞌe jaha
la tsochronkani kixin jahuá mé ijnko nkexro imá jína.
17Jaha Díos kuènténi této̱an,
jaha mé kjuákohéni ti na̱xa̱ kꞌuéntasoáni.
A̱ndá ijie la na̱xa̱ tsochronkaxíni ti kjuaxroan ijié kjuáko̱xián.
18A̱ndá kjónté chrókótádani, chrókótjóá ikjani,
la jaha Díos chrókui̱to̱éhyani.
Na̱xa̱ chrókjuákoxian ti kjuachaxin kuèntá
kixin tsihin ti sin tjejó ijie la ko kaín ti sin itsi chrꞌéxi̱n.
19Imá jína jaha la tjetjáko̱xián ti kjuachaxin kuèntá
nkuíxín chjasintajni la ko nka̱jní.
Jaha la nchónhña kjuaxroan kjuásian.
¿Xá nkexro chrókóyóhe̱ ti jaha?
20Jaha kjuánjua kjuachaxin kjuasóteni
la ko nchónhña nkehe náxrjónhña kóheni,
a̱ndá ijie la tsjánjua fuerza ni̱xin
kixin jína tsjakꞌeni ínaá,
la jaha tsjinki̱tsani
kixin tsꞌixenhñani ti tòye̱ imá ni̱nka.
21A̱ndá a̱ntsí tsochóntani kjuachaxin
kixin jaha tsokjan si̱nchechéhéni.
22Ijie la tsotsjeni himno tsjikosáyeheni ti jaha
la itsꞌini arpa la ko salterio tsjikosáyaxiáni,
kixin jaha mé ti Díos kuènté ti sin Israel.
23Tsotsjeni la tso̱chéhe̱ni,
kixin jaha kjui̱nchekaáni.
24Kaín ña̱o tsochronkani
kixin jína jaha,
la tsochronkani kixin jaha kjui̱nchesuéhé
ti sin kꞌuétjinkaon chrókjuinchekꞌitjáña ti jeheni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.