Salmos 70
70
Xrákia tjoka tsjinki̱tsani, jaha Díos
Salmo kuènté David
1Díos kuènténi, tjinki̱tsani nchekaáni.
Itꞌéni, tjoka xrákia tjinki̱tsani.
2Jaha nchesuéhé#70:2 nchesuéhé sean avergonzados tso̱suéhe̱ sin ti sin tjenka̱yáxin
chrókꞌóñá sin ti jeheni.
Chrókósuéhe̱ ti sin tjenka̱yáxin
ti nkehe jínahña chrókjuíchꞌehe sin ti jeheni.
3Chrokjan sin chrókósuéhe̱ sin
kixin tjanoá sin ti jeheni.
4A̱ndá kaín ti sin xritjeyá ti jaha
la imá chrókóchéhe̱ sin
la ti sin tjinkaon chrókuaá
la nkochríxín tsondáchro sin:
“Jaha Díos, imá ijié ti kjuachaxin kuèntá.”
5A̱ndá jeheni la tꞌáváni la ko nóani.
Díos kuènténi, tjoka xrákia tjínki̱tsani.
Jaha xráxín tjínki̱tsani la ko nchekaáni.
Nchexrjenhña, xrákia tjoka, Itꞌéni Díos.
Currently Selected:
Salmos 70: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
