Salmos 68
68
Díos kjuínki̱tsa ti sin Israel
Salmo kuènté David
1Jaha, Itꞌéni Díos, tihín,
í chrókjuájonhña kjuachaxin chrókꞌuejó ti sin nínkakohen ti jaha;
la ti sin titekakonhña ti jaha la sáchrókjuixin sin ti itjen jaha.
2Éxi chrókꞌuitjáña ti ihnchi sáchrókjuiko xri̱nto̱
o̱ éxi chrókjuatanka ti chi̱nko̱ cera ti ó tso̱sóa,
mé xi̱kaha chrókꞌuitjáña ti sin tjenka̱yáxin ti nkehe jínahña
la chrókꞌuejóhya sin ti itjen jaha, Itꞌéni Díos.
3A̱ndá ti sin jína la chrókóchéhe̱ sin chrókꞌuejó sin
ti itjen jaha Díos,
chróchrika sin la ko chrókóchéhe̱ sin.
4Chrotsjera ti itjen Díos.
Chrotsjera salmo chrókjuíkosáyehéra ihni̱é Díos.
Chrokjuíkosáyehéra ti nkexro tjekjen chritaón ti itji̱.
Jehová mé ihni̱é chꞌan.
Chrókócháhara ti itjen chꞌan.
5Díos mé itjen chꞌan nkaxehen ti ni̱nkué chꞌan
Jehe chꞌan mé Itꞌé ti ixjan nòé
la ko tꞌayakohen chꞌan ti chojni ikꞌán.
6Díos la tsjajon chꞌan nchia
tsꞌejó ti sin chóntahya ndo̱e
la tsakitsje chꞌan ti sin tjejóchjina kixin kjuaxróxin tsꞌejó sin.
A̱ndá ti sin jie̱he la tsꞌáyéhe̱ sin ijnko nonte tꞌónahña ninkehó.
7Jaha Díos, ti ó kjuita̱oan nti̱a
la chréhe̱ ti sin chjasin kuèntá
ti ó sákjuikoá sin nte̱je̱,
8 #
Ex. 19:18. *la kꞌuínki nonte
la ko kja̱xin kꞌuaniá ichrin.
Ti ijna̱ Sinaí la kja̱xin kꞌuínki
kixin ti kjuachaxin kuèntá, jaha Díos, kuènté ti sin Israel.
9Jaha Itꞌéni Díos, imá kjui̱nchekꞌaniá ichrin,
a̱ndá náxrjón kóyoa ti nonte xámá kjuánjua tsꞌejóni.
10Ndá ntiha kꞌuejó ti sin chjasin kuèntá.
Jaha Díos kui̱konoéhé ti sin nóa
la chje̱hé sin kaín ti nkehe kꞌuichánxi̱hin sin.
11Itꞌéni Díos mé kjuajon chꞌan ti itan kuènté chꞌan
la ko kjuajon chꞌan kjuachaxin kixin nchónhña
chojnichjin kjuíchronka sin ti itan
la ndáchro sin:
12“Ti sin rey la ko ti sin soldado sákjuí sin,
la kuíto̱he sin ti nchia kuènté sin”
Ndá kꞌuíxehen ti chojnichjin kuènté Israel
la kuákja sin ti nkehe tsíkeé ti sin soldado
la kꞌóxika̱ye̱he sin ti nkehe a.
13Kꞌuítja sin ka̱ñe̱ñe̱e kontóá
tsíkjimá plata la ko oro náxrjón.
A̱ndá isora tsíkito̱hara ti siín ti kolélo la ntiha ko̱kꞌáhara.
14A̱ndá ti ó Itꞌéni Díos chónta kaín kjuachaxin
kꞌue̱tue̱hen chꞌan ti sin rey la sákjuí sin, kuinká sin,
la tíha yóhe̱ éxi chrintá kꞌuaniá chritaón ti ijna̱ Salmón.
15Ti ijna̱ kuènté Díos mé ti ijna̱ Basán imá noi,
mé imá noi itjen ti ijna̱ Basán.
16Jahara ijna̱ imá noi,
¿nkekuènté tónínkakonhénra komára ti ijna̱
tsíkjeyá Díos tsjakꞌe chꞌan?
Kixin chaxín ntiha tsjakꞌe Díos nkochríxín.
17Itꞌéni Díos mé chónta chꞌan nchónhña carreta
síchóhen kixin sátsji guerra,
la kjui̱ka̱o chꞌan ti carreta ti itjen ti ijna Sinaí
kixin tsꞌixehen chꞌan ti ni̱nkué chꞌan.
18 #
Ef. 4:8. *Jaha Díos ti ó chrìña imá noi
la sákjuikoá ti chojni kꞌuéninka̱kohan
la kꞌuayéhé ti nkehe kjuajon sin.
Kjónté ti sin imá jie̱he la tjáha sin nkehe,
kixin jaha Itꞌéni Díos kꞌuejoko̱a sin ntiha.
19Itꞌéni Díos, jaha imá jína.
Kaín ña̱o tꞌayakonhéni
la ko nchekaáni.
20Jaha mé Díos kuènténi mé si̱nchekaáni.
Jaha mé si̱nchekaáni kixin chrókꞌuenhñani.
21Díos mé tsꞌóchjenka chꞌan ti ikja ti sin nínkakohen ti jehe chꞌan
la ko ikja ti sin na̱xa̱ tjasin ijie̱.
22Itꞌéni Díos ndáchro:
“Janhan tsꞌe̱ya̱ha̱ ti sin nínkakohanra kixin tso̱kja̱nxi̱n sin ti ijna̱ Basán
la ko tso̱kja̱nxi̱n sin ti nda̱ñao imá ni̱nka
23kixin tsꞌo̱nti̱xi̱nra to̱tára ti ijni̱é sin
la ko koni̱ára itsꞌi va ti ijni̱é sin.”
24Jaha Díos mé Rey kuènténi,
tsꞌikon kaín chojni kixin ikjui ti chojni tinkáchónki ti jaha ti ni̱nkuá
kixin tsjikosáyaha sin.
25Ti sin itsje mé tsítaón sin nti̱a,
a̱ndá ti sin itꞌin isón tsochréhe̱ sin nóton
la nko̱siñe mé chrókjui ti sin tjarisoá
xraá sin pandero chjéhe itja sin.
26Chrokjuíkosáyehéra Itꞌéni Díos ti tónkotséra,
jahara kaínra tsíkꞌaxrjeníxinra ti sin Israel.
27Ndá kuitaón nti̱a ti sin kuènté Benjamín, ti chꞌin ntasoá,
la nchónhña ti sin tꞌe̱to̱an kuènté Judá
la ko ti sin tꞌe̱to̱an kuènté Zabulón la ko Neftalí.
28Jaha Díos kuènténi tjáko̱xián ti kjuachaxin kuèntá,
tjinki̱tsani ijie éxi xráxín kꞌuékjínki̱tsani.
29Ti sin rey kjui̱ka̱o sin nkehe tsjajon sin
ti ni̱nko kuèntá itjen chjasin Jerusalén.
30Tjénduéhé ti sin chjasin tjejó éxi nchónhña koxinta jie̱he la ko koxintáxjan.
Jaha chrókuakítsjehé sin ti chika plata chónta sin
kixin chrókjuinchenkexínhña sin.
Tꞌoxika ti chjasin imá tóxrínhi̱n chrókjui guerra.
31Chojni tꞌe̱to̱an tsji̱xi̱n chjasin Egipto
la ko chojni kuènté Etiopia
tsjoka sin itja sin ti itjen Díos.
32Chrotsjera chrókjuíkosáyehéra Díos kaínra,
chojni tjejó nkuíxín nonte chjasintajni,
mé chrótsjera himno kuènté Díos.
33Jehe chꞌan mé itjen chꞌan nka̱jní
ti ósé tsíkjichꞌéna chꞌan.
Chrokuihínra ti nixja chꞌan
mé éxi sítjonta xi̱kaha ti itén chꞌan.
34Chrokónohara ti kjuachaxin kuènté Díos.
Tja̱ko̱xi̱n Díos ti kjuachaxin kuènté chꞌan
kixin tjinki̱tsa chꞌan ti sin Israel.
Ti kjuachaxin kuènté Díos mé itjen nka̱jní.
35Jaha ijnko Díos imá chónta kjuachaxin
la ko ti itjen jaha la mé imá tjóá, jaha Díos kuènté ti sin Israel.
Jaha mé tjánjua ti kjuachaxin kuèntá
la tsjínki̱tsa ti sin chjasin kuèntá.
Jaha mé ijnko Díos imá jína.
Currently Selected:
Salmos 68: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
