Salmos 53
53
Ti sin ixri ti nti̱a nduáhya la titekakonhña sin Díos
Salmo kuènté David
1 #
Ro. 3:10-12. *Ndáchro a̱sén ti sin lo̱nti̱ kixin kohya Díos.
Kaín sin la nduáhya ixri sin
kixin ichꞌe sin ti nkehe jínahña.
Kohya ninkexró chrókjuíchꞌe ti nkehe jína.
2Ndesi nka̱jní itjen Díos, tjetsjehe chꞌan
nkehe ichꞌe ti chojni siín chjasintajni
kixin áchꞌe nkojín nkexro chrókienxín
la chrókjueyá ti jehe chꞌan.
3Kjánchó kaín sin kuíto̱he sin Díos,
kaín sin kjuíchròe sin, kjuasin sin ijie̱.
Kohya ninkexró chrókjuíchꞌe éxi tjinkaon Díos,
kohya nijnko sin.
4Ti chojni ichꞌe nkehe jínahña
la chóntahya sin kjuaxrexinkaon jína.
Éxi chrókjonie sin nio̱tja̱ mé xi̱kaha
nchekjasóte sin ti chjaséni
la tjeyáhya sin Díos.
5Kohya nkehe chróchrako̱he̱n sin,
kjánchó síxrànka̱ sin chrakon sin
kixin Díos tsꞌóxika huéso̱e ti sin
nínkakohen ti jehe chꞌan.
A̱ndá jehe sin tso̱suéhe̱ sin
kixin Díos kuíto̱he chꞌan ti jehe sin.
6Jeheni tjechóheni kixin ti ijna̱ Sión
tsi̱xi̱n ti nkexro tsaáxin ti sin Israel.
Ti ó Itꞌéni Díos tsjajon kjuachaxin
chrókjan ti sin israelita chjasén sin
ndá tso̱chéhe̱ ti sin tsíkꞌaxrjeníxin Jacob
la ko kaín ti chojni chjasin Israel.
Currently Selected:
Salmos 53: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
