Salmos 52
52
Ti nkehe tso̱hen ti sin ixri ti nti̱a nduáhya
Salmo kuènté David
1¿Nkekuènté nchenkexián ti nkehe jínahña?,
jaha chojni ndáchrua kixin imá tjetoan.
Díos la nkochríxín ti̱konoéhe̱ chꞌan ti jeheni.
2A̱ndá jaha jehó tjénka̱yáxian si̱chꞌe ti nkehe jínahña,
ti ñejen la éxi ijnko cuchillo imá taté
mé xi̱kaha ti kjuachꞌia xriko̱a.
3Jaha a̱ntsí kóxríhan ti nkehe jínahña
ke ti nkehe jína,
a̱ntsí kóxríhan ti kjuachꞌia
ke ti nkehe chaxín ndoá.
4Imá tóxrínhan tsonixjá ti kjuachꞌia
la ko ti nkehe tsꞌitjáñaxín chojni.
5Méxra̱ Díos sinchekꞌitjáña chꞌan ti jaha nkochríxín
la tsakítsjexián chꞌan ti ndo̱a
la ko ti nonte tjejó ti chojni tjejóchón.
6A̱ndá ti sin tinkáchónki Díos tsꞌikon sin
la a̱ntsí tsochrakon sin.
Ndá tsjanoá sin ti nkexro nduáhya tjenka̱yáxin
la tsondáchro sin:
7“Tsjehé ti nkexro tinkáchónkihya Díos
la tjinkakonhña chrókuaá.
Jehó kóxríhi̱n sin ti nkehe tjete chónta sin ntihi chjasintajni
la ko títo̱ehya sin ichꞌe sin ti nkehe jínahña.”
8A̱ndá jeheni la éxi ti inta olivo yoa
itjen nkaxehen ndo̱e Díos.
Jeheni la xraxinkaoni kixin Díos la nkochríxín
tjue̱he chꞌan ti jeheni.
9Jaha Itꞌéni Díos, nkochríxín tjáhani kjuasáya
kixin jaha kjuínki̱tsani,
la tsochronkani kixin tinkáchónkini ti jaha
ti tjejó ti sin tsíkji̱nchetjóá
kixin imá jína jaha.
Currently Selected:
Salmos 52: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
