Salmos 51
51
Díos la tsja̱tse̱n ti ijie̱ chóntani
Salmo kuènté David
1Ti̱konoéhéni Itꞌéni Díos,
kixin imá jína jaha
la tꞌoxika kaín ti ijie̱ chóntani
kixin imá tjue̱héni.
2Nchekꞌijmani kixin ti nkehe jínahña kjuíchꞌeni,
nchetjóáni kixin ti ijie̱ chóntani.
3Ó noheni kixin chaxín kjuasini ijie̱,
nkochríxín xraxinkaoni ti ijie̱ chóntani.
4 #
Ro. 3:4. *Jeheni kuitekakuenhñani ti jaha,
la kjuasinhani ijie̱,
kjuíchꞌeni ti nkehe jínahña.
Méxra̱, ó noheni kixin tsjasóteni
kixin jaha mé si̱nchekito̱exián ti ijie̱ kuènténi.
5Chaxín ndesi kokjíhini la chóntani ijie̱.
Jeheni mé ijnko chojni chónta ijie̱,
ndesi na̱xa̱ tjenkáyani tse̱e ìñéni.
6Jaha mé tóxrínhan kixin chaxín ndoá chrókjuénka̱yáxini,
la jaha kjuánjua ti kjuaxrexinkaon jína.
7A̱ndá ijie nchetjuáxiani ti itsjo hisopo
ndá tjóá tsíto̱heni
la ko nchekꞌijmani kixin tsíto̱heni
a̱ntsí tjóá ke ti chrintá.
8Nchechéhéni ínaá.
Nchechéhéni kjónté kjui̱ncheníhí ti huéso̱eni.
9Tahya kuentá ti nkehe jínahña kjuíchꞌeni,
la tꞌoxika ti ijie̱ chóntani.
10Jaha, Itꞌéni Díos, tsjánjua ijnko a̱séni tjóá
la ko ijnko ncha̱kuéni ni̱xin.
11Ti̱to̱éhya ti jeheni, na̱xa̱ tꞌayakonhéni
la takítsjehyani ti Ncha̱kuán chóntani.
12Ínaá tsjánjua ti kjuachéhe̱
kixin jaha kjui̱nchekaáni
la ko tsjánjua ti Ncha̱kuán
kixin tsjinki̱tsa ti jeheni.
13Ndá jeheni tsja̱ko̱he̱ni ti chojni tjasin ijie̱ ti nti̱a kuèntá
la jehe sin tsokjan sin tsinkáchónki sin ti jaha.
14Nchekjasótehyani kixin ti ijie̱ kjuasini
kixin ikꞌuén chojni,
jaha Díos, mé Díos tsaáxini.
Landá jína tsotsjeni tsochronkani
kixin jaha mé ijnko nkexro jína.
15Itꞌéni Díos, taki̱tjehé irꞌuani
kixin jína tsotsjeni ti itan kuèntá.
16Kixin jaha mé tjinkákonhña tsꞌayéhé ti iko itsꞌen chrókjuajoni,
jaha tóxríanhña ninkehó ti iko chróchróxini.
17Kixin ti nkehe tjinkaoan tsꞌayéhé,
mé ti chojni nchenkehya la ko nchejiéhya a̱sén.
Jaha la ti̱konoéhé ti chojni tꞌává a̱sén.
18Chróchje̱hé kjuachaxin ti chjasin Jerusalén éxi tóxrínhan
la chrókjuánjua kjuachaxin chrókjuatso̱hen
ti tja̱tꞌo̱ ntaxin nkonda̱tjen ti chjasin.
19A̱ndá xi̱kaha chrókócháha chrókꞌuayehé
ti iko chrókꞌuen la ko ti iko tsíchján,
ndá xi̱kaha chrókjuajon sin koxintáxjan
chritaón ti altar kuèntá.
Currently Selected:
Salmos 51: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
