Salmos 39
39
Séhya tsꞌejóni chjasintajni
Salmo kuènté David
1Kjuenka̱yáxini kixin chaxín jína tsjakꞌeni,
la tsjasixínhñani ijie̱ ti irꞌuani.
La tsjakꞌeni ijnko nkehe tsíkjèxin ti irꞌuani
kixin chji̱ñéhña tsonixjani,
ti na̱xa̱ siín ti chojni tjenka̱yáxin nkehe jínahña chjinaxón ti itjeni.
2Jeheni la éxi kónósini la ndáchrohyani ninkehó.
Kjónté ti nkehe jína chrónixjani la nixjahyani,
la ti kjuatjoté kuènténi la imá tinkáki̱tꞌótjen.
3Ndá ti nkaxehen a̱séni mé éxi ijnko xrohi kꞌuákjen.
A̱ndá ti ó tjenka̱yáxini nkexrín itjeni
la a̱ntsí kꞌuákjen ti xrohi.
Ndá itsen, ndáchroni:
4“Itꞌéni Díos, chro̱nka á isé tsjakꞌeni.
¿Nkekja̱ín ña̱o na̱xa̱ tsjakꞌetsjeheni?,
kixin tso̱noheni kixin chaxínhña nkochríxín tsjakꞌeni.
5Jaha kjuánjua kjuachaxin kixin séhya tsjakꞌeni
la ko jaha tꞌíkuan ti ña̱o kjuákꞌeni éxi ninkehó.
Kaín chojni la éxi ijnko tꞌáváxini ó tsꞌejó sin ntihi.
6Kaín chojni la éxi ijnko itsꞌuan ó tsꞌatsínka sin.
Chónkó tjasiton sin itsjé chichaon
ndá noehña sin nkexro tsíto̱eko.
7Itꞌéni Díos, ndá, ¿nkehe na̱xa̱ chóheni?
Jehó jaha ti tjechóheni.
8Tꞌóxika ti ijie̱ chóntani.
Ti̱toéhya kixin ti sin nduáhya tjenka̱yáxin tsjanoá ti jeheni.
9Kónósini la nixjahyani
kixin jaha kjuánjua kjuachaxin kixin xi̱kaha kjuasóteni.
10Tjatsían ti nkehe nchekjasótexiáni,
í tsjachahyani kixin ti itjá tjatexiáni.
11Jaha tjénduéhé ti chojni la nchekjasóte sin
kixin ti ijie̱ chónta sin;
jaha nchekꞌitjáña ti nkehe imá tjue̱he sin.
Méxra̱ kaín chojni la séhya tsꞌejó.
12Itꞌéni Díos, tihín ti nkehe chrónòahani.
Tjakꞌe tihín ti tꞌéya̱hani.
Ti̱to̱éhyani, tjáte̱hé ti tjetsjánkani.
Kixin jeheni la éxi ijnko chojni tsíkji̱xi̱n ikjín
la ó tꞌíkuan ti jeheni éxi ijnko koxroxe kꞌuatsínkó,
mé xi̱kaha kꞌuejó ti sin kꞌuaxrjeníxini.
13Tónínkákonhña, ti̱to̱héni intsí
kixin tsokjan a̱séni ti na̱xa̱ tsꞌenhñani.”
Currently Selected:
Salmos 39: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
