Salmos 29
29
Ti itén Díos la imá tjetoan
Salmo kuènté David
1 #
Sal. 96:7-9. *Jahara sin ángel tjejó nkaya nka̱jní, tjikosáyehéra Itꞌéni Díos,
tjikosáyehéra ti kjuachaxin kuènté chꞌan.
2Tjikosáyehéra ihni̱é Itꞌéni Díos chónta kaín kjuachaxin.
Tjikosáyehéra Díos
kixin imá náxrjón tjóá ti itjen chꞌan.
3Ti itan kuènté Itꞌéni Díos mé nchevéntó ti nda̱ñao
la ko nchekjonta chꞌan nka̱jní kixin chónta chꞌan kaín kjuachaxin.
Itꞌéni Díos mé itjen chritaón ti nda̱ñao.
4Ti itén Itꞌéni Díos mé imá fuerte
la ko imá chónta kjuachaxin.
5Ti itén Itꞌéni Díos la tꞌóchjejin ti inta cedro.
Tꞌóchjejin Itꞌéni Díos ti inta cedro kuènté ti ijna̱ Líbano.
6Nchekꞌinki Itꞌéni Díos ti ijna̱ Líbano la ko Sirión,
la nchechriká chꞌan ti ijna̱ éxi chrika ti koxinta la ko ti koxintáxjan.
7Ti nixja Itꞌéni Díos la xrohi tꞌitsínka.
8Ti itén Itꞌéni Díos mé nchekꞌinki ti nte̱je̱;
Itꞌéni Díos mé nchekꞌinki ti nte̱je̱ Cades.
9Ti itén Itꞌéni Díos mé nchekꞌinki ti inta encino
la kaín iké ti inta tꞌóxènjin chꞌan.
A̱ndá ti sin tjejó ti ni̱nkué chꞌan mé tjikosáyehe sin ti jehe chꞌan.
10Itꞌéni Díos mé tꞌe̱tue̱hen chꞌan ti ichrin.
Jehe chꞌan mé ijnko Rey tꞌe̱to̱an nkochríxín.
11Itꞌéni Díos mé chjéhe chꞌan kjuachaxin ti chjasén chꞌan
la ko ncheñao chꞌan ti sin tinkáchónki ti jehe chꞌan
kixin kjuaxróxin tsꞌejó sin.
Currently Selected:
Salmos 29: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
