Salmos 28
28
Díos la mé tjajon fuerza
Salmo kuènté David
1Jaha tꞌéya̱hani, Itꞌéni Díos,
jaha mé Díos kuènténi, chrókjuáte̱hé.
A̱ndá ti náhí, la éxi ijnko chojni tsíkꞌen ti jeheni.
2Tihín ti ó tꞌéya̱hani, tjanchiani kixin tsjínki̱tsani,
ti ó tja̱ya̱ni itjani nixje̱he̱ni ti jaha ti itjen ti ni̱nkuá tjóá.
3Chrokuínkankakjenhñani, sáchrókjuikoáhyani ti tsjasótexín ti chojni jínahña
éxi si̱chꞌehé ti chojni ixri ti nti̱a nduáhya.
Chrokjui̱nchekjasótehyani éxi nchekjasóte ti sin tjenka̱yáxin nkehe jínahña.
Jehe sin náxrjón nixje̱he̱ kícho sin,
kjánchó ti nkaya a̱sén sin la síkaón kjuachji̱no̱xíhin.
4 #
Ap. 22:12. *Jaha chrókjui̱nchekjasóte sin éxi ti ixra̱ kjuíchꞌe sin.
Chrókjuénke̱hé sin éxi ti ixra̱ jínahña kjuíchꞌexín sin itja sin.
5Jehe sin kienxínhña sin ti nkehe
kjui̱chꞌéna jaha, Itꞌéni Díos,
la ko ti ixra̱ kjui̱chꞌexán itjá.
Méxra̱ jaha si̱nchekꞌitjáña sin, la í tso̱kohya sin.
6Imá jína jaha, Itꞌéni Díos,
kixin kuihín ti nkehe kjuanchiani.
7Itꞌéni Díos, jaha mé tjánjua fuerza la ko si̱nchekaáni;
méxra̱ kaín a̱séni titekaoni kixin jaha tjínki̱tsani.
Méxra̱ imá chéhe̱ni
la ko tsotsjeni tsotjáhani kjuasáya, Itꞌéni Díos.
8Itꞌéni Díos mé tjinki̱tsa ti sin chjasin kuènté.
Jehe chꞌan mé tjinki̱tsa chꞌan la ko nchekaá chꞌan
ti rey tsíkjeyá chꞌan.
9Nchekaá ti sin chjasin kuèntá,
la ncheñaoan ti sin titekaon ti jaha.
Tꞌayakohén sin éxi ijnko pastor tꞌayakohen kolélo,
nkochríxín chrókjuínki̱tsa sin.
Currently Selected:
Salmos 28: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
