Salmos 27
27
Tsochrakonhñani kixin tinkáchónkini Díos
Salmo kuènté David
1Itꞌéni Díos mé ti xrohi kuènténi la ko ti tsaáxini;
méxra̱, ¿nkexro chróchrako̱he̱ni?
Itꞌéni Díos mé ti fuerza kuènténi;
méxra̱ kohya ninkehó nkehe chróchrako̱he̱ni.
2Ti sin tjenka̱yáxin nkehe jínahña la nínkakohen ti jeheni,
la tónkotsé sin tjanchia sin ijie̱
kixin sinchekjasóte sin ti jeheni,
kjánchó jehe sin tsꞌitjáña sin kixin ti ijie̱ tjasin sin.
3Kjónté nchónhña soldado chrókua̱ndatjen ti jeheni,
la chrakonhña ti a̱séni.
Kjónté tjenka̱yáxin sin nkexrín chrókꞌóñá sin ti jeheni
la chéhe̱ni tinkáchónkini ti jaha.
4Nkoko̱a nkehe tjanchiani Itꞌéni Díos
la tíhi mé xritjeyáni.
Kixin chrókjuákꞌeni ti ndo̱a kaín ña̱o ti na̱xa̱ tjechóni
la chrókjuikosáyahani la ko chróxraxinkaoni kixin jína jaha.
5Kixin ti ó itsi ti ña̱o jínahña,
la jaha, Itꞌéni Díos, mé tsjínki̱tsani.
Chrínkí ti itsꞌuan kuèntá mé tsaáxini;
jaha mé tsjínki̱tsani la kohya nkehe tso̱heni.
6Ndá xi̱kaha tsjachani, kjónté siín chojni nínkaon;
ndá jína tsjajoni iko tsochján nkaxehen ti ni̱nkuá,
la tso̱chéhe̱ni tsotsjeni tsjikosáyeheni ti jaha, Itꞌéni Díos.
7Tihín ti tꞌéya̱hani, Itꞌéni Díos,
ti̱konoéhéni, la tjáte̱hé.
8Kixin a̱séni mé ndáchro:
“Jaha, tsjéyá Díos.”
A̱ndá jeheni mé tjeyáni ti jaha, Itꞌéni Díos.
9Méxra̱ tjakꞌeméhñani la ko ti̱to̱éhyani;
tónínkákuénhñani kixin chꞌeheni ixra̱ ti jaha.
Jaha mé xráxín kjuínki̱tsani.
Ti̱to̱éhyani kixin ti jehóni la tsjachahyani;
jaha mé ti Díos la ko ti nkexro tsaáxini.
10Kjónté itꞌéni la ko ìñéni tsíto̱he sin ti jeheni,
la jaha, Itꞌéni Díos, mé tsꞌayakonhéni.
11Itꞌéni Díos, tjàkua ti nti̱a kuèntá.
Sátjikoáni ti nti̱a jína
kixin siín nchónhña chojni nínkakohen ti jeheni.
12Chrochje̱éhya kjuachaxin ti sin nínkaon
sichꞌe sin éxi tjenka̱yáxin sin,
kixin kꞌuínkatjen sin la chrónka sin ti nkehe chaxínhña;
tjinkaon sin sinchekjasóte sin ti jeheni.
13Jaha Itꞌéni Díos, ó noheni jína
kixin tsjachani tsꞌikoni ti kjuachaxin kuèntá,
ti na̱xa̱ itjeni ntihi chjasintajni.
14Méxra̱ chrókuinkachónkia Itꞌéni Díos.
Chrokꞌóxrjéhya, chróchohén,
la a̱ntsí chrókuinkachónkia chꞌan.
Currently Selected:
Salmos 27: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
