Salmos 149
149
Díos mé ti Rey tꞌe̱to̱an
1Tsjíkosáyexínra Díos la ko tsotsjera ijnko isón ni̱xin.
Méxra̱ chróchje̱héra kjuasáya Díos
ti tónkotséra ti nchia kuènté chꞌan.
2Tócháha̱ra jahara chojni israelita
kixin Díos mé ti nkexro kjuíchꞌéna ti jahara.
Tócháha̱ra chojni chjasin Jerusalén
kixin Díos mé ti Rey kuèntára.
3Chrokjuíkosáyexínra ihni̱é Díos la ko chróte̱ra.
Chrotsjekoára isón arpa la ko pandero.
4Kixin Itꞌéni Díos la imá tso̱chéhe̱ kixin ti sin chjasén chꞌan.
Jehe chꞌan tsjinki̱tsa ti sin nchenkehya
kixin tsjacha sin la tsjachahya ti sin nínkaon.
5Chrókócháhara jahara tinkachónkira Díos
kixin kjuacha chꞌan kjuíntakaára chꞌan;
kjónté tjejoto̱kꞌáhara la chrótsjera, chrókócháhara.
6Irꞌuara chrókjuíkosáyexínra Díos
la ko ti itjára tsjakꞌenkáya ti chika espada ñánjín taté
7kixin ndá jína si̱nchekjasótera ti sin tinkáchónkihya Díos;
Mé xi̱kaha tsꞌitjáña ti sin chjasin chónhña Díos.
8Si̱nchentetoxínra cadena
ti sin rey la ko ti sin tꞌe̱to̱an
9kixin chaxín tsjasóte sin
éxi sínixín ti xroon,
xi̱kaha ti kjuachaxin tsíkꞌayéhe̱ ti sin chjasin kuènté Díos.
¡Méxra̱ chrókjuikosáyeheni Díos!
Currently Selected:
Salmos 149: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
