Salmos 138
138
Chjéheni Díos kjuasáya kixin kjuínki̱tsa chꞌan ti jeheni
Salmo kuènté David
1Tjáhani kjuasáya, Itꞌéni Díos, kaín a̱séni.
Itsjeni himno tsjikosáyaha ti tjejó ti sin ángel kuèntá.
2Tsjakꞌexini tochꞌini chokꞌèxín ti ni̱nkuá
kixin tsotjahá kjuasáya kixin chaxín tjue̱hé ti jeheni
kixin jaha chje̱hé kjuachaxin ti ihni̱á la ko ti itan
la tíha mé tꞌe̱tue̱hen kaín nkehe siín.
3Ti ña̱o kꞌuéya̱hani la jaha kjuáte̱hé.
A̱ntsí kjuínki̱tsa la ko xikjánjua fuerza ínaá.
4Kaín ti sin rey siín chjasintajni
tsjikosáyehe ti jaha, Itꞌéni Díos
kixin ó tjejótihin sin ti nkehe tsíndáchrua.
5Tsjikosáyehe sin jaha Itꞌéni Díos
la ko ti ixra̱ kjui̱chꞌe jaha
kixin ti kjuachaxin kuèntá la imá ijié.
6Jaha Itꞌéni Díos
la kjónté ti nka̱jní imá noi itjen jaha
la tjinki̱tsa ti sin nchenkehya.
Kjónté ikjín itjen jaha
la tjetsjehé ti nkexro nchehnke.
7A̱ndá ichrén nkehe jínahña tso̱heni
la jaha tsꞌayakohen ti jeheni.
Jaha tsochrꞌan ti kjuachaxin kuèntá.
Sinchekaáni kixin ti kjuanínkaon chónta ti sin
nínkakohen ti jeheni.
8Jaha, Itꞌéni Díos, la si̱nchexiteyá
ti nkehe tsíndáchroa
la jaha tsjínki̱tsa
kixin tjue̱he ti jeheni nkochríxín.
Méxra̱ Itꞌéni Díos, ti̱toéhya ti jeheni
kixin jaha kjui̱chꞌénani.
Currently Selected:
Salmos 138: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
