Salmos 137
137
Chjinaxón nda̱río Babilonia
1Kꞌuejótja̱xi̱ni chrínta ti nda̱río Babilonia,
tsjánkani xraxinkaoni ti chjasin Jerusalén.
2Ti inta yoa itꞌin sauce siín ti chjasin,
ntahó kꞌuejótji̱a̱ni ti arpa kuènténi.
3Ti sin tsíkeé ti jeheni sátsíkjikoni ókjé chjasin
mé kꞌue̱tue̱hen sin ti jeheni kixin chrótsjeni
chrókóchéhe̱ni;
mé kjuanchia sin kixin chrótsjeni isón
kuènté chjasin Jerusalén.
4¿Xá nkexrín chrótsjeni isón kuènté Díos
ti tjejóni ijnko nonte na̱xa̱ chónhñani?
5Ti chrókꞌuitjáñeheni ti jaha Jerusalén,
ndá kja̱xin ti itjani chróxámá.
6Ti ñejeni chrótséxin ti katèeni
ti chróxráxinka̱konhña ti jaha Jerusalén,
la ko chrókꞌuitjáñeheni kixin tjue̱heni ti jaha
kixin tíha la a̱ntsí sínkí ke ti chrókóchéhe̱ni.
7Itꞌéni Díos, jaha xráxinkaoan nkehe kjuíchꞌe ti sin edomita
ti ña̱o kꞌuitsínka chjasin Jerusalén.
Kꞌóyako sin ndáchro sin:
“Nchekꞌitjáñara ti chjasin hasta ti xránkíxixín.”
8 #
Ap. 18:6. *Méxra̱, jaha Babilonia, tsꞌitjáña ti jaha.
Tso̱chéhe̱ ti nkexro sinchekꞌitjáña ti jaha
kixin ti nkehe jínahña kjui̱chꞌe jaha.
9Tso̱chéhe̱ ti nkexro tsotsé ti xja̱an
tsꞌíchexín sin itjo̱ tso̱kuen, itsꞌen.
Currently Selected:
Salmos 137: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
