Salmos 112
112
Kjuaxróxin tjejó ti nkexro tjikosáyehe Díos
1Kjuaxróxin tjejó ti nkexro tjikosáyehe Díos
la ko tóxríhi̱n nchexiteyéhe ti nkehe tsíkꞌe̱to̱an chꞌan.
2Ti sin tsꞌaxrjeníxin ti nkexro titekaon Díos
la tso̱ñao sin
la ko tsꞌáyéhe̱ sin kjuachaxin tsꞌe̱to̱an sin.
3Jehe sin la tsochónta sin nchónhña nkehe tjete ti ndo̱e sin
la ko ti ixra̱ jína sichꞌe sin la tsꞌitjáñahña nkochríxín.
4Éxi ijnko xrohi tꞌinkaséñaxín ti sítie
mé xi̱kaha tjetꞌinkaséñaxín Díos ti chojni jína tjejó,
kixin jehe chꞌan la imá jína chꞌan
la ti̱konoéhe̱ chꞌan chojni.
5Jína tsjakꞌe ti nkexro ti̱konoéhe̱ chojni
la nchekjen chichaon
la ko jína tꞌayakohen ti ixra̱ chónta.
6Méxra̱ ti nkexro la imá jína tsjakꞌe
la xitjahya tsꞌitsínka;
méxra̱ ti nkehe jína kjuíchꞌe la tsoxraxinkakonxín chojni nkochríxín.
7Chrakonhña ti nkexro a kjónté tsihin nkojín nkehe jínahña tso̱hen
kixin kaín a̱sén tinkáchónki Díos.
8Jína itjen a̱sén chꞌan, la chrakonhña chꞌan
la ko kja̱xin tsochrakonhña chꞌan kjónté siín ti sin nínkaon,
kixin chrꞌéxi̱n tsꞌikon chꞌan kixin tsjachahya sin.
9 #
2Co. 9:9. *Ti nkehe chónta ti nkexro a la mé ncheki̱to̱nhe̱n ti sin nóa.
Ti nkehe jína kjuíchꞌe chꞌan la tsoxraxinkaon chojni nkochríxín,
landá ti kjuachaxin chónta chꞌan la a̱ntsí tsꞌánkí.
10A̱ndá ti sin tjenka̱yáxin nkehe jínahña la tso̱nínkaon sin
tsꞌikon sin xi̱kaha
la sinietaón sin ñeno sin kixin xi̱kaha kjuachahya sin.
Kaín nkehe tjenka̱yáxin ti sin a la ntahó tsꞌitjáñaxín.
Currently Selected:
Salmos 112: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
