Salmos 111
111
Díos tꞌayakohen ti chjasén kuènté
1Chrokjuikosáyeheni Díos.
Tsjikosáyeheni Itꞌéni Díos kaín a̱séni
ti tsíkónkotsé kaín ti sin jína nchexiteyá.
2Kjuaxroan ijié tsíkjichꞌe Itꞌéni Díos;
a̱ndá ti sin tjue̱he Díos
la xráxinkaon sin ti ixra̱ jína tsíkjichꞌe chꞌan la chéhe̱ sin.
3Mé imá náxrjón ti ixra̱ tsíkjichꞌe chꞌan la
mé xi̱kaha kjua̱ko̱xi̱n chꞌan nkochríxín kixin jína chꞌan.
4¿Xá nkexro chrókꞌuitjáñehen ti kjuaxroan kjua̱ko̱xi̱n Díos?
Mé xi̱kaha kjua̱ko̱xi̱n chꞌan kixin jína chꞌan
la ti̱konoéhe̱ chꞌan ti jeheni.
5Tjajon Díos nkehe sinie ti sin
tjikosayéhe ti jehe chꞌan;
la ko nkochríxín tsꞌitjáñehña Díos ti nkehe
tsíndáche chꞌan sin.
6Ti kjuachaxin kuènté Díos kjua̱ko̱exín chꞌan
ti sin chjasin kuènté chꞌan,
mé xi̱kaha kꞌuáyéhe̱ sin ti nonte kꞌuéchónta
ti sin tinkáchónkihya chꞌan.
7Ti ixra̱ ichꞌe Díos la chaxín jína;
méxra̱ jína chrókuitekáonra ti nkehe tsíkꞌe̱to̱an chꞌan.
8Méxra̱ ti nkehe tsíkꞌe̱to̱an chꞌan la itjen nkochríxín la ko tjeje̱hya,
chaxín la ko ndoá tíha.
9Díos mé kjui̱nchekaá ti sin chjasin kuènté chꞌan.
Nkochríxín sichꞌe ixra̱ ti nkehe tsíkꞌe̱to̱an chꞌan.
Díos la imá tjóá la ko ti kjuachaxin chónta chꞌan la imá ijié
la ticháxi̱n chróchrako̱he̱ni ti jehe chꞌan.
10 #
Job 28:28; Pr. 1:7; 9:10. *Ti nkexro tjinkaon chrókónohe jína
la ticháxi̱n a̱ntsí chrókjuikosáyehe Díos;
a̱ndá ti nkexro nchexiteyéhe Díos
la a̱ntsí chrókónohe ti nkehe kꞌue̱to̱an chꞌan.
¡Méxra̱ nkochríxín chrókjuikosáyeheni Díos!
Currently Selected:
Salmos 111: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
