Santiago 1

Xrankíxixín nixja Santiago

1 # Mt. 13:55; Mr. 6:3; Hch. 15:13; Gá. 1:19. *Janhan Santiago, tꞌa̱ha̱ ixra̱ Díos la ko Ìnchéni Jesucristo, nixja̱ha̱ kaín ti sin tsíkꞌaxrjeníxin ti teyó xje̱en chꞌin Israel, tsíxika̱ye̱he sátsíkji kuenté chjasintajni.

Ti kjuaxrexinkaon jína ti̱xi̱n ti itjen Díos

2Jahara kíchóni, chrókócháhara kjónté chrókꞌuatsínkaxínra itsjé nkehe náxrjónhña, 3kixin ó nohara kixin ti ichrén nkehe náxrjónhña chrókóhanra kixin tinkachónkira Ìnchéni, la a̱ntsí tso̱fuerte a̱sánra la ko tsjachara tsꞌatsínkara kaín nkehe. 4A̱ndá ti xi̱kaha la a̱ntsí ndoá tsinkachónkira Ìnchéni, la a̱ntsí jína tsꞌejora, la í tsicháxia̱hñara ninkehó.

5Ti nkojinra tꞌitjáña tso̱nohara, la chrókjuanchehéra Díos, la jehe chꞌan tsjajon chꞌan kixin tso̱nohara jína la ko tsiénxinra jína. Kixin Díos la tjajon chꞌan kaín ti nkehe tꞌáyéhe̱ ti nkexro tsjanchia, la tónínkákonhña chꞌan. 6Ti ó tsjanchehéra Díos, la kaín a̱sánra chrókjuanchiara, la chrókjóhya a̱sánra ninkehó. Kixin ti nkexro kaínhña a̱sén tjanchia la yóhe̱ éxi ti nda̱ñao sátjiko xri̱nto̱, xrankanikán ti tóhe la ko ti íjnko tóhe. 7A̱ndá ti nkexro kaínhña a̱sén tjanchia, la chróchóenhña sin kixin tsjate̱he Ìnchéni. 8Ti nkexro tjenka̱yáxin ijnko nkehe ijie la íjnko nkehe ndóye, la nduáhya tjenka̱yáxin, la tsꞌáyèhya ninkehó.

9A̱ndá ti kíchóni nóa, la chrókóchéhe̱ sin kixin Díos la a̱ntsí tsjinki̱tsa ti jehe sin. 10#Is. 40:6, 7.*A̱ndá ti nkexro rico la chrókónínkakonhña sin kjónté chrókuakitsje Díos ti nkehe tjete chónta sin, kixin ti nkehe chónta sin la yóhe̱ éxi ti kayoa tꞌóna itsjo séhya tjakꞌe. 11Ti ó tsji̱to̱n ña̱o la imá tso̱sóa, la ti kayoa la tsoxámá la tsꞌánótjen ti itsjo, la ti náxrjón tsjehe la tsꞌitjáña. Mé xi̱kaha ti chojni chónta itsjé nkehe tjete, la itsꞌen sin la tsíto̱he ti ixra̱ kjuíchꞌe sin.

Ti nkehe náxrjónhña tso̱hen chojni

12Díos sincheñao ti nkexro tsjacha tsꞌatsínka ti nkehe náxrjónhña. Ti tsjacha sin tsꞌatsínka sin kaín tíha, ndá tsꞌáyéhe̱ sin ti kjuachón mé tíha la ti corona tsíndáchro Díos tsochjéhe kaín ti nkexro tjue̱he ti jehe chꞌan. 13A̱ndá ti nkojinra, tjénka̱yáxinra chrókjui̱chꞌera nkojín nkehe jínahña, la chrókjuénka̱yáxinhñara kixin Díos tjajon kjuachaxin xi̱kaha si̱chꞌera. Náhí. Díos la chꞌehya ti nkehe jínahña la ko tjajonhña chꞌan kjuachaxin chrókjuasin chojni ijie̱. 14A̱ndá ti nkojín chojni, ó jehí ndáchro a̱sén sichꞌe nkojín nkehe jínahña, la xi̱kaha tsjasin sin ijie̱. 15A̱ndá ti xi̱kaha tjenka̱yáxin chojni sichꞌe ti nkehe jínahña, la xi̱kaha tjasin sin ijie̱. Ndá tsꞌánkí ti ijie̱ la tíha tsji̱xi̱n ti tsꞌenxín sin.

16Méxra̱ kíchóni, chrókjui̱chꞌiyehya kichuara, ndoa chrókjuénka̱yáxinra. 17Kixin kaín ti nkehe jína tꞌáyéhe̱ni mé ti̱xi̱n ti itjen Díos, ti nkexro kjuíchꞌéna kaín ti xrohi siín nka̱jní. Jehe chꞌan mé ijnko Díos tꞌixikíhya chꞌan la ko sítiehya itjen chꞌan. 18Díos kjuajon kjuachón kꞌuáyéhe̱ni kixin xi̱kaha tjinkaon chꞌan kixin chrókokjíhi ni̱xiéni kixin ti itan ndoá nixja, kixin tsꞌónani éxi ti nkehe sa̱oxín tsíkꞌóna tsꞌáyéhe̱ Díos, mé xi̱kaha tjinkaon chꞌan chrókꞌuejóni.

Chrokuitekaoni ti nkehe chaxín

19Méxra̱, jahara kíchóni, a̱ntsí jína chrókꞌuejora chrókuihínra, la tjokahya chrókónínkáonra la ko tjokahya chrónixjara. 20Kixin ti chojni tjoka tónínkaon, la chꞌehya sin ti nkehe tóxríhi̱n Díos. 21Méxra̱ ti̱to̱héra ti nkehe kji̱ta̱ la ko ti nkehe jínahña siín chjasintajni, la chrókuitekáonra ti itan jína kuihínra, kixin tíha chónta kjuachaxin tsaáxinra.

22Kjánchó jehya jehó chrókuihínra ti itan. Náhí. Kja̱xin chrókjuáko̱xinra tíha. A̱ndá ti náhí, la jahóra chꞌiyehé a̱sánra. 23A̱ndá ti nkexro tsinhón ti itan, la nchexiteyáhya, mé yóhe̱ éxi ijnko chojni tsjexín ijnko xro̱se̱nta̱ nkexrín tsjehe, 24a̱ndá kjuixin tsjehe la sákjuí, la tuénxín kꞌuitjáñehen nkexrín itjen. 25A̱ndá ti nkexro tꞌitjáñehña ti nkehe kuíhin, la tjetsjehe jína nkexrín nixja ti ley tjajon kjuachaxin kjuaxróxin tsꞌejóni, la jína la ko ndoá itjen ko titekaon mé kjuaxróxin tsjakꞌe.

26A̱ndá ti nkojín nkexro tjenka̱yáxin kixin imá tinkáchónki Díos, kjánchó chóntahya kjuasàye, chji̱ñé nixja, la jehó chꞌiyehe a̱sén, la ninkehó sínkíhya ti nkehe tinkáchónki. 27A̱ndá ti nkexro chaxín jína tinkáchónki Díos la tjasinhña ijie̱, la tjinki̱tsa ti sin nóa la ko ti sin ikꞌán chóntahya nkehe sinie, la tjasinhña sin ti ijie̱ siín chjasintajni.

Currently Selected:

Santiago 1: poeNTplus

Highlight

Copy