Efesios 3
3
Pablo kꞌuáyéhe̱ ti ixra̱ tsja̱ko̱he̱ ti sin jehya judío
1Mé xi̱kaha janhan Pablo tjechjina kixin xrja̱nká ti itén Cristo Jesús kixin jahara, chojni jehya judío, jína chrókuitekáonra Cristo la nixja̱ha̱ Díos kixin ti jahara. 2Ó nohara kixin Díos imá tjue̱he ti jeheni la kjuajon chꞌan ti ixra̱ i kꞌuayáha̱ kixin tsjákohára ti itan jína. 3Díos mé kjuínchenona ijnko nkehe ninkexró noehña kjuénka̱yáxin chꞌan ndesi ósé éxi ti ikjian senó. 4#Col. 1:26, 27.*Ti ó si̱nchekuáxinra ti xroon i, la tso̱nohara nkexrín tia̱nxia̱n ti nkehe kuènté Cristo kꞌuékienxínhña chojni. 5Ti nkehe i mé ninkexró kꞌuénoehña ti ósé. A̱ndá ijie kjuachaxíen Ncha̱kuén Díos la kjuínchenohe chꞌan ti sin tsíkjeyá Ìnchéni Jesús sichꞌe ixra̱ la ko ti sin chrónka itén chꞌan. 6Ti nkehe ninkexró kꞌuénoehña mé tíhi: kixin ti itan jína tsaáxin chojni, la ti sin jehya judío la ko ti sin judío la nkokón tsꞌáyéhe̱ sin ti nkehe jína tsjajon Díos, la tsꞌóna sin nkoko̱a cuerpo kuènté Cristo la ko nkokón tsꞌáyéhe̱ sin kaín ti nkehe tsíndáchro Díos tsjajon kixin kuitekaon sin Cristo Jesús.
7La ijie kjua̱ko̱xi̱n Díos kixin imá tjua̱na la kjuajon chꞌan ti ixra̱ i si̱tꞌa kixin tso̱xrja̱nka ti itén Díos kixin ti kjuachaxin kuènté chꞌan kꞌuayáha̱. 8Janhan la kanhñó tjetoan ke ti íso sin tsíkjeyá Ìnchéni, kjánchó Díos mé kjuínchekito̱na ti ixra̱ imá tjetoan kixin tso̱tja̱nka ti sin jehya judío ti itan jína kixin imá tjete ti nkehe kuènté Cristo la tsjachahya tsjenka̱yáxini nkekja̱ín sínkí tíha. 9Ti ixra̱ kꞌuayáha̱ la tso̱tja̱nka kaín chojni nkexrín tsíkjenka̱yáxin Díos ósé, ti nkehe ninkexró kꞌuénoehña, la jehó Díos, ti nkexro kjuíchꞌéna kaín ti nkehe siín, mé kꞌuénohe. 10Mé xi̱kaha kóhen kixin ijie la ti sin ni̱nko chrókjua̱ko̱xi̱n sin ti kjuachaxin ijié kuènté Díos kixin tso̱nohe kaín ti sin ángel la ko kaín ti sin chónta kjuachaxin tjejó nka̱jní nkexrín ijié ti kjuachaxin chónta Díos la ko ti imá nohe chꞌan. 11Mé xi̱kaha xráxín tsíkjenka̱yáxin Díos, a̱ndá Ìnchéni Jesucristo ikui la kjuínchexiteyá kaín tíha. 12Méxra̱ kjuasáye Cristo kjuajon chꞌan kjuachaxin kixin jína tso̱chjineheni Díos kixin tinkáchónkini chꞌan. 13Mé xi̱kaha xrja̱noáhára chrókꞌóxrjéhyara, chrókuinkachónkira Ìnchéni, kjónté kuihínra kixin ntihi itjén tjétjasótexína ti jahara, la tíha kóhen kixin chrókꞌuejoxi̱nra jína.
Cristo imá tjue̱he ti jeheni
14Mé xi̱kaha tjakꞌéxia̱n to̱chꞌia̱n tji̱ko̱sáyaha̱ Itꞌéni Díos, 15Itꞌé kaín ti nkexro siín nkaya nka̱jní la ko kaín ti nkexro siín chjasintajni, kuitekaon sin ti ihni̱é chꞌan. 16Tjáncháha̱ Itꞌéni Díos chónta kaín kjuachaxin kixin ti Ncha̱kuén chꞌan chrókꞌue̱tue̱hen ti a̱sánra kixin a̱ntsí chróchontara ti kjuachaxin kuènté chꞌan. 17Kixin xi̱kaha Cristo chrókjuákꞌe nkaya a̱sánra kixin tinkachónkira chꞌan landá a̱ntsí chrótjue̱héra kichuara la ko ndoá chrókꞌuejora éxi ijnko inta ni̱nka tsíkji nuèé. 18Mé xi̱kaha jahara la ko kaín ti sin tinkáchónki Ìnchéni mé chrókiénxinra nkexrín tonxín, kjíji̱nxi̱n, ni̱nkaxín la ko nte̱toxín ti tjue̱he Cristo ti jeheni. 19Tjáncháha̱ Díos kixin chrókónohara a̱ntsí nkexrín imá tjue̱he Díos ti jeheni, kjónté tsjachahya chojni tsienxín kaín tíhi. Ndá xi̱kaha jína tsochontara kaín ti kjuachaxin tsjajon Díos.
20Ndá ijie chjéheni kjuasáya Díos kixin jehe chꞌan chónta chꞌan kaín kjuachaxin la ko a̱ntsí tsjajon chꞌan ke ti kjuancheheni chꞌan, kjónté na̱xa̱ kjuénka̱yáxinhñani chrókjuajon chꞌan, kixin ó kjuajon chꞌan ti kjuachaxin kuènté chꞌan ichꞌe ixra̱ nkaya a̱séni. 21Kjuasáye Díos kixin Ìnchéni Cristo Jesús kjuínchekaá ti ni̱nko, mé xi̱kaha ticháxi̱n tsjikosáyeheni chꞌan nkochríxín. Mé xi̱kaha tso̱hen.
Currently Selected:
Efesios 3: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Efesios 3
3
Pablo kꞌuáyéhe̱ ti ixra̱ tsja̱ko̱he̱ ti sin jehya judío
1Mé xi̱kaha janhan Pablo tjechjina kixin xrja̱nká ti itén Cristo Jesús kixin jahara, chojni jehya judío, jína chrókuitekáonra Cristo la nixja̱ha̱ Díos kixin ti jahara. 2Ó nohara kixin Díos imá tjue̱he ti jeheni la kjuajon chꞌan ti ixra̱ i kꞌuayáha̱ kixin tsjákohára ti itan jína. 3Díos mé kjuínchenona ijnko nkehe ninkexró noehña kjuénka̱yáxin chꞌan ndesi ósé éxi ti ikjian senó. 4#Col. 1:26, 27.*Ti ó si̱nchekuáxinra ti xroon i, la tso̱nohara nkexrín tia̱nxia̱n ti nkehe kuènté Cristo kꞌuékienxínhña chojni. 5Ti nkehe i mé ninkexró kꞌuénoehña ti ósé. A̱ndá ijie kjuachaxíen Ncha̱kuén Díos la kjuínchenohe chꞌan ti sin tsíkjeyá Ìnchéni Jesús sichꞌe ixra̱ la ko ti sin chrónka itén chꞌan. 6Ti nkehe ninkexró kꞌuénoehña mé tíhi: kixin ti itan jína tsaáxin chojni, la ti sin jehya judío la ko ti sin judío la nkokón tsꞌáyéhe̱ sin ti nkehe jína tsjajon Díos, la tsꞌóna sin nkoko̱a cuerpo kuènté Cristo la ko nkokón tsꞌáyéhe̱ sin kaín ti nkehe tsíndáchro Díos tsjajon kixin kuitekaon sin Cristo Jesús.
7La ijie kjua̱ko̱xi̱n Díos kixin imá tjua̱na la kjuajon chꞌan ti ixra̱ i si̱tꞌa kixin tso̱xrja̱nka ti itén Díos kixin ti kjuachaxin kuènté chꞌan kꞌuayáha̱. 8Janhan la kanhñó tjetoan ke ti íso sin tsíkjeyá Ìnchéni, kjánchó Díos mé kjuínchekito̱na ti ixra̱ imá tjetoan kixin tso̱tja̱nka ti sin jehya judío ti itan jína kixin imá tjete ti nkehe kuènté Cristo la tsjachahya tsjenka̱yáxini nkekja̱ín sínkí tíha. 9Ti ixra̱ kꞌuayáha̱ la tso̱tja̱nka kaín chojni nkexrín tsíkjenka̱yáxin Díos ósé, ti nkehe ninkexró kꞌuénoehña, la jehó Díos, ti nkexro kjuíchꞌéna kaín ti nkehe siín, mé kꞌuénohe. 10Mé xi̱kaha kóhen kixin ijie la ti sin ni̱nko chrókjua̱ko̱xi̱n sin ti kjuachaxin ijié kuènté Díos kixin tso̱nohe kaín ti sin ángel la ko kaín ti sin chónta kjuachaxin tjejó nka̱jní nkexrín ijié ti kjuachaxin chónta Díos la ko ti imá nohe chꞌan. 11Mé xi̱kaha xráxín tsíkjenka̱yáxin Díos, a̱ndá Ìnchéni Jesucristo ikui la kjuínchexiteyá kaín tíha. 12Méxra̱ kjuasáye Cristo kjuajon chꞌan kjuachaxin kixin jína tso̱chjineheni Díos kixin tinkáchónkini chꞌan. 13Mé xi̱kaha xrja̱noáhára chrókꞌóxrjéhyara, chrókuinkachónkira Ìnchéni, kjónté kuihínra kixin ntihi itjén tjétjasótexína ti jahara, la tíha kóhen kixin chrókꞌuejoxi̱nra jína.
Cristo imá tjue̱he ti jeheni
14Mé xi̱kaha tjakꞌéxia̱n to̱chꞌia̱n tji̱ko̱sáyaha̱ Itꞌéni Díos, 15Itꞌé kaín ti nkexro siín nkaya nka̱jní la ko kaín ti nkexro siín chjasintajni, kuitekaon sin ti ihni̱é chꞌan. 16Tjáncháha̱ Itꞌéni Díos chónta kaín kjuachaxin kixin ti Ncha̱kuén chꞌan chrókꞌue̱tue̱hen ti a̱sánra kixin a̱ntsí chróchontara ti kjuachaxin kuènté chꞌan. 17Kixin xi̱kaha Cristo chrókjuákꞌe nkaya a̱sánra kixin tinkachónkira chꞌan landá a̱ntsí chrótjue̱héra kichuara la ko ndoá chrókꞌuejora éxi ijnko inta ni̱nka tsíkji nuèé. 18Mé xi̱kaha jahara la ko kaín ti sin tinkáchónki Ìnchéni mé chrókiénxinra nkexrín tonxín, kjíji̱nxi̱n, ni̱nkaxín la ko nte̱toxín ti tjue̱he Cristo ti jeheni. 19Tjáncháha̱ Díos kixin chrókónohara a̱ntsí nkexrín imá tjue̱he Díos ti jeheni, kjónté tsjachahya chojni tsienxín kaín tíhi. Ndá xi̱kaha jína tsochontara kaín ti kjuachaxin tsjajon Díos.
20Ndá ijie chjéheni kjuasáya Díos kixin jehe chꞌan chónta chꞌan kaín kjuachaxin la ko a̱ntsí tsjajon chꞌan ke ti kjuancheheni chꞌan, kjónté na̱xa̱ kjuénka̱yáxinhñani chrókjuajon chꞌan, kixin ó kjuajon chꞌan ti kjuachaxin kuènté chꞌan ichꞌe ixra̱ nkaya a̱séni. 21Kjuasáye Díos kixin Ìnchéni Cristo Jesús kjuínchekaá ti ni̱nko, mé xi̱kaha ticháxi̱n tsjikosáyeheni chꞌan nkochríxín. Mé xi̱kaha tso̱hen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.