Efesios 2
2
Kuaáni kixin tjue̱he Díos ti jeheni
1 #
Col. 2:13. *Ósé la éxi tsíkꞌenra xi̱kaha kuékꞌejora, kixin kꞌuékjásinra ijie̱ la ko kuitekákonhñara Díos, a̱ndá ijie la Díos mé kjuíncheki̱to̱nha̱nra ti kjuachón kixin titekáonra Cristo. 2Mé xi̱kaha kꞌuéchrehéra ti nkehe jínahña ichꞌe ti chojni na̱xa̱ tjenka̱yáxin ti nkehe siín chjasintajni. Kꞌuékji̱nchexiteyára éxi tóxríhi̱n ti jínahña tꞌe̱tue̱hen ti xri̱nto̱ la ko tꞌe̱tue̱hen kaín ti chojni titekakuenhña Díos. 3Mé kaíni xi̱kaha kuékꞌejóni ósé, kꞌuékuitekaoni ti nkehe jínahña kꞌuéndáchro a̱séni la ko ti nduáhya kꞌuekjenka̱yáxini. Méxra̱ Díos la jína chrókjuinchekjasóte ti jeheni éxi tsjasóte ti íso chojni kuítekakonhña. 4Kjánchó Díos imá kui̱konoéhe̱ ti jeheni la ko imá tjue̱he chꞌan kaíni. 5Méxra̱, kjónté éxi tsíkꞌeni kuékꞌejóni kixin ti ijie̱ kꞌuéchóntani, la Díos kjuajon kjuachaxin kixin xechónkuéni Cristo la ó chóntani ti kjuachón. La kjuínchekaá chꞌan ti jeheni kixin tjue̱he chꞌan ti jeheni. 6Díos mé kjuínchexechón Cristo Jesús la ko kja̱xin jeheni xechónkuéni Cristo, ndá xi̱kaha kjuajon Díos kjuachaxin tsꞌejókoni Cristo nkaya nka̱jní. 7Mé xi̱kaha kjuíchꞌe Díos kixin ijie la ko nkochríxín kjua̱ko̱xi̱n chꞌan kixin imá tjue̱he chꞌan ti jeheni, la kjuínki̱tsa chꞌan kixin tinkáchónkini Cristo Jesús. 8Díos imá tjue̱he ti jeheni, la kjuajon chꞌan ti kjuachón kixin titekaoni Cristo. Jehya kixin ichrén ixra̱ chrókjuíchꞌeni ndá chrókꞌuáyéhe̱ni ti kjuachón. Náhí. Kixin imá tjue̱he chꞌan ti jeheni la kjuajon chꞌan ti kjuachón. 9La jehya kixin ijnko ixra̱ jína chrókjuíchꞌeni ndá chrókjuinchenkexíni kixin ó kuaáni. Náhí. 10Díos kjuíchꞌéna ti jeheni kixin jína sichꞌeheni chꞌan ixra̱ kixin tinkáchónkini Cristo Jesús, mé xi̱kaha kjuénka̱yáxin chꞌan ósé.
Kjuaxróxin tjejóni kixin titekaoni Cristo
11Méxra̱ xráxinkaonra nkexrín kuékꞌejora ósé. Jahara jehya chojni judío la chontahyara ti xro̱ye. A̱ndá kꞌuéndáchro sin kixin jahara jehya chojni kuènté Díos kixin chontahyara ti xro̱ye ncheka ti sin judío ti cuerpo kuènté. 12Mé xi̱kaha ósé la jahara kꞌuékitekákonhñara Cristo. Jahara jehya kuènté ti nación Israel la ko kꞌuéchonhñara ti nkehe tsíkꞌe̱to̱an Díos la ko ti nkehe tsíndáchro Díos tsjajon. Méxra̱ kuékꞌejora ntihi chjasintajni, kꞌuéchonhñara Díos la ko kꞌuéchontahyara ijnko nkexro chrókuaáxinra. 13A̱ndá ijie la ó titekáonra Jesucristo, la kjónté ti ósé la ikjín kuékꞌejora, kꞌuéchonhñara Díos, la ijie ó kóchjinara ti itjen chꞌan kixin kꞌuenyákohe̱n Cristo ti jahara, la ko ti ijni̱é chꞌan kꞌuitjí. 14Cristo mé tjejóxini kjuaxróxin kixin ti sin judío la ko ti sin jehya judío la kꞌóna sin nkoko̱a chjasin kixin Cristo kꞌóxika ti kjuanínkaon kuènté sin kixin éxi ijnko tja̱tꞌo̱ tjenkákuèxi̱n tíha.
15 #
Col. 2:14. *Cristo mé kjuasóte chꞌan ndá kjuacha chꞌan kjuínchekꞌitjáña chꞌan ti kjuachaxin kꞌuéchónta ti ley kuékꞌe̱to̱an. Éxi yaá chjasin kuékꞌejóni, ndá Cristo kjuíchꞌéna nkoko̱a chjasin ni̱xin, kixin nkoko̱a tsinkáchónkini ti jehe chꞌan. Mé xi̱kaha kjuíchꞌe chꞌan ndá kꞌuíxin kjuaxróxin. 16#Col. 1:20.*Mé xi̱kaha kꞌuenyákohe̱n Cristo ti jeheni ti kꞌuénxin chꞌan ti ntacruz, la kuakjìin chꞌan ti kjuanínkaon kꞌuéchónta ti yaá chjasin, mé ti chojni judío la ko ti chojni jehya judío, kixin kjuaxróxin tsꞌejóko sin Díos la ko tsꞌóna sin éxi nkoko̱a cuerpo.
17 #
Is. 57:19. *Kixin Cristo la ikui chronka ti itan jína tjajon kjuaxróxin kixin jína chrókꞌuejóni kaíni, ti jahara ikjín kuékꞌejora, kꞌuéchonhñara Díos la ko ti jeheni chojni judíoni chjino kuékꞌejóni kixin kꞌuéchóxini chꞌan. 18Mé kjuasáye Cristo, kixin kjónté chojni judío o̱ jehya judío, la kaíni jína tso̱chjineheni Itꞌéni Díos kixin nkokón kꞌuáyéhe̱ni ti Ncha̱kuén chꞌan.
19Mé xi̱kaha jahara, la ijie í jehya chojni tsíkji̱xi̱n ókjé, la ko chróndáchrohyara kixin jehya no̱nta̱ara tjejora. Náhí. Kaíni la kꞌónani ijnko chjasin kixin nkoko̱a tinkáchónkini Díos la ko kꞌónani chojni kjéhya Díos. 20Jahara mé kꞌónara éxi ijnko nchia tja̱tꞌo̱ ijié kjuákꞌe chritaón ti ixro̱ kꞌuejo ti sin kjueyá Ìnchéni Jesús la ko ti sin tsíchrꞌán Díos tsíchronka itén chꞌan ósé. Landá Jesucristo mé ti ixro̱ imá tjetoan xránkíxixín ti nchia. 21Ti xránkíxixín ti tja̱tꞌo̱ mé Cristo la kuenté ti nchia la tsꞌánkí kixin yóxin tsjakꞌe, a̱ndá ti ó tsjixin la tsꞌóna ijnko ni̱nko tjóá kuènté Ìnchéni. 22Mé xi̱kaha kja̱xinra nkoko̱a tinkachónkira Cristo la éxi nkoko̱a nchia tsꞌónara kixin tsꞌóna ti nchia kuènté Díos, la ntiha tsjakꞌe ti Ncha̱kuén chꞌan.
Currently Selected:
Efesios 2: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Efesios 2
2
Kuaáni kixin tjue̱he Díos ti jeheni
1 #
Col. 2:13. *Ósé la éxi tsíkꞌenra xi̱kaha kuékꞌejora, kixin kꞌuékjásinra ijie̱ la ko kuitekákonhñara Díos, a̱ndá ijie la Díos mé kjuíncheki̱to̱nha̱nra ti kjuachón kixin titekáonra Cristo. 2Mé xi̱kaha kꞌuéchrehéra ti nkehe jínahña ichꞌe ti chojni na̱xa̱ tjenka̱yáxin ti nkehe siín chjasintajni. Kꞌuékji̱nchexiteyára éxi tóxríhi̱n ti jínahña tꞌe̱tue̱hen ti xri̱nto̱ la ko tꞌe̱tue̱hen kaín ti chojni titekakuenhña Díos. 3Mé kaíni xi̱kaha kuékꞌejóni ósé, kꞌuékuitekaoni ti nkehe jínahña kꞌuéndáchro a̱séni la ko ti nduáhya kꞌuekjenka̱yáxini. Méxra̱ Díos la jína chrókjuinchekjasóte ti jeheni éxi tsjasóte ti íso chojni kuítekakonhña. 4Kjánchó Díos imá kui̱konoéhe̱ ti jeheni la ko imá tjue̱he chꞌan kaíni. 5Méxra̱, kjónté éxi tsíkꞌeni kuékꞌejóni kixin ti ijie̱ kꞌuéchóntani, la Díos kjuajon kjuachaxin kixin xechónkuéni Cristo la ó chóntani ti kjuachón. La kjuínchekaá chꞌan ti jeheni kixin tjue̱he chꞌan ti jeheni. 6Díos mé kjuínchexechón Cristo Jesús la ko kja̱xin jeheni xechónkuéni Cristo, ndá xi̱kaha kjuajon Díos kjuachaxin tsꞌejókoni Cristo nkaya nka̱jní. 7Mé xi̱kaha kjuíchꞌe Díos kixin ijie la ko nkochríxín kjua̱ko̱xi̱n chꞌan kixin imá tjue̱he chꞌan ti jeheni, la kjuínki̱tsa chꞌan kixin tinkáchónkini Cristo Jesús. 8Díos imá tjue̱he ti jeheni, la kjuajon chꞌan ti kjuachón kixin titekaoni Cristo. Jehya kixin ichrén ixra̱ chrókjuíchꞌeni ndá chrókꞌuáyéhe̱ni ti kjuachón. Náhí. Kixin imá tjue̱he chꞌan ti jeheni la kjuajon chꞌan ti kjuachón. 9La jehya kixin ijnko ixra̱ jína chrókjuíchꞌeni ndá chrókjuinchenkexíni kixin ó kuaáni. Náhí. 10Díos kjuíchꞌéna ti jeheni kixin jína sichꞌeheni chꞌan ixra̱ kixin tinkáchónkini Cristo Jesús, mé xi̱kaha kjuénka̱yáxin chꞌan ósé.
Kjuaxróxin tjejóni kixin titekaoni Cristo
11Méxra̱ xráxinkaonra nkexrín kuékꞌejora ósé. Jahara jehya chojni judío la chontahyara ti xro̱ye. A̱ndá kꞌuéndáchro sin kixin jahara jehya chojni kuènté Díos kixin chontahyara ti xro̱ye ncheka ti sin judío ti cuerpo kuènté. 12Mé xi̱kaha ósé la jahara kꞌuékitekákonhñara Cristo. Jahara jehya kuènté ti nación Israel la ko kꞌuéchonhñara ti nkehe tsíkꞌe̱to̱an Díos la ko ti nkehe tsíndáchro Díos tsjajon. Méxra̱ kuékꞌejora ntihi chjasintajni, kꞌuéchonhñara Díos la ko kꞌuéchontahyara ijnko nkexro chrókuaáxinra. 13A̱ndá ijie la ó titekáonra Jesucristo, la kjónté ti ósé la ikjín kuékꞌejora, kꞌuéchonhñara Díos, la ijie ó kóchjinara ti itjen chꞌan kixin kꞌuenyákohe̱n Cristo ti jahara, la ko ti ijni̱é chꞌan kꞌuitjí. 14Cristo mé tjejóxini kjuaxróxin kixin ti sin judío la ko ti sin jehya judío la kꞌóna sin nkoko̱a chjasin kixin Cristo kꞌóxika ti kjuanínkaon kuènté sin kixin éxi ijnko tja̱tꞌo̱ tjenkákuèxi̱n tíha.
15 #
Col. 2:14. *Cristo mé kjuasóte chꞌan ndá kjuacha chꞌan kjuínchekꞌitjáña chꞌan ti kjuachaxin kꞌuéchónta ti ley kuékꞌe̱to̱an. Éxi yaá chjasin kuékꞌejóni, ndá Cristo kjuíchꞌéna nkoko̱a chjasin ni̱xin, kixin nkoko̱a tsinkáchónkini ti jehe chꞌan. Mé xi̱kaha kjuíchꞌe chꞌan ndá kꞌuíxin kjuaxróxin. 16#Col. 1:20.*Mé xi̱kaha kꞌuenyákohe̱n Cristo ti jeheni ti kꞌuénxin chꞌan ti ntacruz, la kuakjìin chꞌan ti kjuanínkaon kꞌuéchónta ti yaá chjasin, mé ti chojni judío la ko ti chojni jehya judío, kixin kjuaxróxin tsꞌejóko sin Díos la ko tsꞌóna sin éxi nkoko̱a cuerpo.
17 #
Is. 57:19. *Kixin Cristo la ikui chronka ti itan jína tjajon kjuaxróxin kixin jína chrókꞌuejóni kaíni, ti jahara ikjín kuékꞌejora, kꞌuéchonhñara Díos la ko ti jeheni chojni judíoni chjino kuékꞌejóni kixin kꞌuéchóxini chꞌan. 18Mé kjuasáye Cristo, kixin kjónté chojni judío o̱ jehya judío, la kaíni jína tso̱chjineheni Itꞌéni Díos kixin nkokón kꞌuáyéhe̱ni ti Ncha̱kuén chꞌan.
19Mé xi̱kaha jahara, la ijie í jehya chojni tsíkji̱xi̱n ókjé, la ko chróndáchrohyara kixin jehya no̱nta̱ara tjejora. Náhí. Kaíni la kꞌónani ijnko chjasin kixin nkoko̱a tinkáchónkini Díos la ko kꞌónani chojni kjéhya Díos. 20Jahara mé kꞌónara éxi ijnko nchia tja̱tꞌo̱ ijié kjuákꞌe chritaón ti ixro̱ kꞌuejo ti sin kjueyá Ìnchéni Jesús la ko ti sin tsíchrꞌán Díos tsíchronka itén chꞌan ósé. Landá Jesucristo mé ti ixro̱ imá tjetoan xránkíxixín ti nchia. 21Ti xránkíxixín ti tja̱tꞌo̱ mé Cristo la kuenté ti nchia la tsꞌánkí kixin yóxin tsjakꞌe, a̱ndá ti ó tsjixin la tsꞌóna ijnko ni̱nko tjóá kuènté Ìnchéni. 22Mé xi̱kaha kja̱xinra nkoko̱a tinkachónkira Cristo la éxi nkoko̱a nchia tsꞌónara kixin tsꞌóna ti nchia kuènté Díos, la ntiha tsjakꞌe ti Ncha̱kuén chꞌan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.