Efesios 4
4
Nkokón chóntani Ncha̱kuén Díos
1Janhan mé ntihi itjén, tjéchji̱naxián ti ixra̱ kuènté Ìnchéni, la xrja̱noáhára kixin chrókuitekáonra la ko jína chrókꞌuejora éxi tjinkaon Díos chrókꞌuejó kaín ti sin kjueyá chꞌan. Mé xi̱kaha kjueyá Díos ti jahara. 2#Col. 3:12, 13.*Méxra̱ chrókjui̱nchejínara a̱sánra la ko nkojína chrónixjehéra kichuara, chrókónínkakuénhñara, chrókjuínki̱tsara la ko chrótjue̱héra sin. 3La chrókóxakohanra kixin chaxín nkoko̱a chrókjuena̱yáxinra la Ncha̱kuén Díos mé tsjínki̱tsara kixin kjuaxróxin chrókꞌuejora. 4Itjen nkoko̱a cuerpo la ko nkoko̱a Ncha̱kuén Díos la Díos kjueyá ti jahara kixin nkoko̱a nkehe chrókꞌuejochohénra. 5Nkoko̱a Ìnchéni, nkoko̱a nkexro titekaoni la ko nkoko̱a kuikiteni. 6Nkoko̱a Díos la tíha mé Itꞌéni kaíni. Jehe chꞌan mé tꞌayakohen chꞌan kaín nkehe la ko tꞌe̱tue̱hen chꞌan kaín chojni la ko ti Ncha̱kuén chꞌan mé chóntani kaíni.
7Méxra̱ nkojnkoni kꞌuáyéhe̱ni nkojnko kjuachaxin kjuajon Ìnchéni éxi tjinkaon chꞌan. 8#Sal. 68:18.*Mé xi̱kaha nixja ti xroon itén Díos:
Jehe chꞌan ti sákjui̱ chꞌan nka̱jní la kjui̱ko chꞌan ti sin kꞌuénínkakohen ti jehe chꞌan
la kjuíncheki̱to̱nhe̱n chꞌan nkojnko chojni titekaon ti jehe chꞌan ti ixra̱ sichꞌe sin.
9¿A̱ndá nkehe tꞌaxrjexín kixin sákjui̱ chꞌan? Tíhi mé tꞌaxrjexín kixin jehe chꞌan mé kui̱xi̱n chꞌan nka̱jní la kjuákꞌe chꞌan chjasintajni. 10Ndá nkexro ti kꞌuínkaji̱nxi̱n nka̱jní la kja̱xin sákjui̱ ínaá, ti nka̱jní imá noi kixin tsꞌe̱tue̱hen chꞌan kaín nkehe siín chjasintajni la ko nka̱jní. 11Ìnchéni chjéhe chꞌan kjuachaxin nkojnko chojni, la kjueyá chꞌan iso sin kꞌóna apóstol, íso sin tsochronkaxín ti itén Díos, la íso sin tsochronka sin ti itan tsaáxin chojni, íso sin tsꞌóna chojni tsꞌayakohen ti ni̱nko la ko íso chojni tsjako ti itén Díos. 12Mé xi̱kaha ti ixra̱ kꞌuáyéhe̱ ti sin kjueyá Díos kixin sichꞌehe sin chꞌan ixra̱ kixin xi̱kaha tsꞌánkí ti cuerpo kuènté Cristo. 13Mé xi̱kaha kaíni nkoko̱a tsinkáchónkini ti Xje̱en Díos la ko tsochóxini chꞌan jína kixin xi̱kaha tsꞌónani ijnko chojni chaxín nchexiteyá la ko tsochóntani kjuachaxin éxi chónta Cristo. 14Méxra̱ jeheni la chrókꞌónahñani éxi ixjan intsí, kixin ti ixjan ntsí la xra̱hya tjinkí sin ti nkehe tjenka̱yáxin sin éxi ijnko xri̱nto̱ chrókui sáchrókjuiko ijnko nkehe, mé xi̱kaha jehe sin, kixin tihin sin ti nkehe nduáhya tjako ti chojni chꞌia tjinkaon chrókjuachròe ti chojni na̱xa̱ noehña kixin sátsjiko sin ti nti̱a nduáhya. 15Méxra̱ ícha jína chrónixjani ti nkehe chaxín ndoá la kaín a̱séni chrótjue̱heni kíchóni, ndá chrókꞌuánkí ti kjuaxrexinkaon kuènténi éxi tjinkaon Cristo kixin jehe chꞌan mé ti ikja ti cuerpo. 16#Col. 2:19.*Ti kjuachaxin kuènté Cristo mé tꞌónaxín kuenté ti cuerpo, tíha mé ti ni̱nko, la nkokón ichꞌe ixra̱ la nkokón tjinki̱tsa kícho. La xi̱kaha tsꞌánkí ti ixra̱ kuènté Cristo la ko a̱ntsí tsꞌánkí ti tjue̱heni kíchóni.
Ti kjuachaxin ni̱xin kuènté Cristo
17Tíhi mé ti nkehe tjo̱nka̱ra kixin kjuachaxíen ihni̱é Ìnchéni. Mé tétua̱hanra kixin í chrókꞌuejohyara éxi tjejó ti sin chónhña Díos kixin ti nduáhya tjenka̱yáxin sin. 18Ti nkehe tjenka̱yáxin sin la éxi ijnko nkehe sítie tíha. Chónhña sin ti kjuachón tjajon Díos la tienxínhña sin kixin imá icha ti a̱sén sin. 19La ó tsíkjinchekꞌitjáña sin ti kjuaxrexinkaon kuènté sin la í tósuèhya sin la tjajonxón a̱sén sin ti nkehe jínahña. Imá tóxríhi̱n sin chrókjuasin sin kaín ijie̱. 20A̱ndá jahara jehya xi̱kaha xráko̱hara ti nkehe kꞌue̱to̱an Cristo, 21ti chaxín kuihínra ti itan kuènté Ìnchéni Jesucristo la ko kꞌuitjára ti nkehe chaxín ndoá kjuako chꞌan. 22#Col. 3:9.*La ti̱to̱héra kaín ti nkehe ntaxin kꞌuékji̱chꞌera ósé. Tíha mé ijnko nkehe nduáhya, ijnko nkehe jínahña tꞌayahara. 23Jahara ticháxi̱n chrókóni̱xin ti kjuaxrexinkaon kuèntára la ko ti ncha̱kuánra. 24#Col. 3:10; Gn. 1:26.*Méxra̱ chrókuákjára ti kjuaxrexinkaon ni̱xin kjuíchꞌéna Díos éxi tjinkaon chꞌan, la chrókjuáko̱xinra ijnko nkehe jína la ko ndoá.
25 #
Zac. 8:16. *Ndá xi̱kaha í chrónixjahyara kjuachꞌia. La ko nkojnkora chrónixjehéra kichuara chaxín ndoá, kixin kaíni la nkoko̱a cuerpo kuènté Ìnchéni.
26 #
Sal. 4:4. *Kjónté chrókónínkáonra, la chrókjuásinhñara ijie̱, la ko ti kjuanínkaon la chróchontahyara kuenté ña̱o 27Chrokuájonhñara kjuachaxin kixin ti Jínahña chrókꞌue̱tue̱hen a̱sánra.
28Ti nkojinra te̱era la chrókui̱to̱héra ti kjuache̱e. Ícha jína itjára chrókjui̱chꞌexínra ixra̱ kixin chróchontara chichaon kixin jína chrókjuínki̱tsara nkojín ti sin chaxín tichánxi̱hin.
29Chji̱ñéhña chrónixjara ijnko nkehe náxrjónhña. Ícha jína chrónixjara ti nkehe jína kixin tíhi chrókjuinki̱tsa kaín ti sin tjejótihin. 30Méxra̱ nchekꞌaváhyara ti Ncha̱kuén Díos kixin tíha mé kꞌuayéhéra éxi ijnko xro̱ye la tíhi tja̱ko̱xi̱n kixin jahara mé kꞌónara chojni kuènté Díos, kixin ti ña̱o itsi Cristo ndá chaxín tsaxrjekjanxini ti ijie̱.
31Ti̱to̱héra kaín ti nkehe náxrjónhña tjénka̱yáxinra, ti kjuanínkaon, ti tꞌóyakote kichuara, ti tꞌándaxíhínra kichuara la ko kaín nkehe jínahña. 32#Col. 3:13.*Ícha jína chrókjui̱nchejína a̱sánra la ko chrókui̱konoéhéra kichuara la ko chrókꞌuitjáñahanra ti ichrén ijie̱ kjuasinhara sin, kixin xi̱kaha Díos la kꞌuitjáñehen ti ijie̱ kuènténi kixin ichrꞌán chꞌan ti Xje̱en chꞌan kꞌuenyákohe̱n ti ijie̱ chóntani kaíni.
Currently Selected:
Efesios 4: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Efesios 4
4
Nkokón chóntani Ncha̱kuén Díos
1Janhan mé ntihi itjén, tjéchji̱naxián ti ixra̱ kuènté Ìnchéni, la xrja̱noáhára kixin chrókuitekáonra la ko jína chrókꞌuejora éxi tjinkaon Díos chrókꞌuejó kaín ti sin kjueyá chꞌan. Mé xi̱kaha kjueyá Díos ti jahara. 2#Col. 3:12, 13.*Méxra̱ chrókjui̱nchejínara a̱sánra la ko nkojína chrónixjehéra kichuara, chrókónínkakuénhñara, chrókjuínki̱tsara la ko chrótjue̱héra sin. 3La chrókóxakohanra kixin chaxín nkoko̱a chrókjuena̱yáxinra la Ncha̱kuén Díos mé tsjínki̱tsara kixin kjuaxróxin chrókꞌuejora. 4Itjen nkoko̱a cuerpo la ko nkoko̱a Ncha̱kuén Díos la Díos kjueyá ti jahara kixin nkoko̱a nkehe chrókꞌuejochohénra. 5Nkoko̱a Ìnchéni, nkoko̱a nkexro titekaoni la ko nkoko̱a kuikiteni. 6Nkoko̱a Díos la tíha mé Itꞌéni kaíni. Jehe chꞌan mé tꞌayakohen chꞌan kaín nkehe la ko tꞌe̱tue̱hen chꞌan kaín chojni la ko ti Ncha̱kuén chꞌan mé chóntani kaíni.
7Méxra̱ nkojnkoni kꞌuáyéhe̱ni nkojnko kjuachaxin kjuajon Ìnchéni éxi tjinkaon chꞌan. 8#Sal. 68:18.*Mé xi̱kaha nixja ti xroon itén Díos:
Jehe chꞌan ti sákjui̱ chꞌan nka̱jní la kjui̱ko chꞌan ti sin kꞌuénínkakohen ti jehe chꞌan
la kjuíncheki̱to̱nhe̱n chꞌan nkojnko chojni titekaon ti jehe chꞌan ti ixra̱ sichꞌe sin.
9¿A̱ndá nkehe tꞌaxrjexín kixin sákjui̱ chꞌan? Tíhi mé tꞌaxrjexín kixin jehe chꞌan mé kui̱xi̱n chꞌan nka̱jní la kjuákꞌe chꞌan chjasintajni. 10Ndá nkexro ti kꞌuínkaji̱nxi̱n nka̱jní la kja̱xin sákjui̱ ínaá, ti nka̱jní imá noi kixin tsꞌe̱tue̱hen chꞌan kaín nkehe siín chjasintajni la ko nka̱jní. 11Ìnchéni chjéhe chꞌan kjuachaxin nkojnko chojni, la kjueyá chꞌan iso sin kꞌóna apóstol, íso sin tsochronkaxín ti itén Díos, la íso sin tsochronka sin ti itan tsaáxin chojni, íso sin tsꞌóna chojni tsꞌayakohen ti ni̱nko la ko íso chojni tsjako ti itén Díos. 12Mé xi̱kaha ti ixra̱ kꞌuáyéhe̱ ti sin kjueyá Díos kixin sichꞌehe sin chꞌan ixra̱ kixin xi̱kaha tsꞌánkí ti cuerpo kuènté Cristo. 13Mé xi̱kaha kaíni nkoko̱a tsinkáchónkini ti Xje̱en Díos la ko tsochóxini chꞌan jína kixin xi̱kaha tsꞌónani ijnko chojni chaxín nchexiteyá la ko tsochóntani kjuachaxin éxi chónta Cristo. 14Méxra̱ jeheni la chrókꞌónahñani éxi ixjan intsí, kixin ti ixjan ntsí la xra̱hya tjinkí sin ti nkehe tjenka̱yáxin sin éxi ijnko xri̱nto̱ chrókui sáchrókjuiko ijnko nkehe, mé xi̱kaha jehe sin, kixin tihin sin ti nkehe nduáhya tjako ti chojni chꞌia tjinkaon chrókjuachròe ti chojni na̱xa̱ noehña kixin sátsjiko sin ti nti̱a nduáhya. 15Méxra̱ ícha jína chrónixjani ti nkehe chaxín ndoá la kaín a̱séni chrótjue̱heni kíchóni, ndá chrókꞌuánkí ti kjuaxrexinkaon kuènténi éxi tjinkaon Cristo kixin jehe chꞌan mé ti ikja ti cuerpo. 16#Col. 2:19.*Ti kjuachaxin kuènté Cristo mé tꞌónaxín kuenté ti cuerpo, tíha mé ti ni̱nko, la nkokón ichꞌe ixra̱ la nkokón tjinki̱tsa kícho. La xi̱kaha tsꞌánkí ti ixra̱ kuènté Cristo la ko a̱ntsí tsꞌánkí ti tjue̱heni kíchóni.
Ti kjuachaxin ni̱xin kuènté Cristo
17Tíhi mé ti nkehe tjo̱nka̱ra kixin kjuachaxíen ihni̱é Ìnchéni. Mé tétua̱hanra kixin í chrókꞌuejohyara éxi tjejó ti sin chónhña Díos kixin ti nduáhya tjenka̱yáxin sin. 18Ti nkehe tjenka̱yáxin sin la éxi ijnko nkehe sítie tíha. Chónhña sin ti kjuachón tjajon Díos la tienxínhña sin kixin imá icha ti a̱sén sin. 19La ó tsíkjinchekꞌitjáña sin ti kjuaxrexinkaon kuènté sin la í tósuèhya sin la tjajonxón a̱sén sin ti nkehe jínahña. Imá tóxríhi̱n sin chrókjuasin sin kaín ijie̱. 20A̱ndá jahara jehya xi̱kaha xráko̱hara ti nkehe kꞌue̱to̱an Cristo, 21ti chaxín kuihínra ti itan kuènté Ìnchéni Jesucristo la ko kꞌuitjára ti nkehe chaxín ndoá kjuako chꞌan. 22#Col. 3:9.*La ti̱to̱héra kaín ti nkehe ntaxin kꞌuékji̱chꞌera ósé. Tíha mé ijnko nkehe nduáhya, ijnko nkehe jínahña tꞌayahara. 23Jahara ticháxi̱n chrókóni̱xin ti kjuaxrexinkaon kuèntára la ko ti ncha̱kuánra. 24#Col. 3:10; Gn. 1:26.*Méxra̱ chrókuákjára ti kjuaxrexinkaon ni̱xin kjuíchꞌéna Díos éxi tjinkaon chꞌan, la chrókjuáko̱xinra ijnko nkehe jína la ko ndoá.
25 #
Zac. 8:16. *Ndá xi̱kaha í chrónixjahyara kjuachꞌia. La ko nkojnkora chrónixjehéra kichuara chaxín ndoá, kixin kaíni la nkoko̱a cuerpo kuènté Ìnchéni.
26 #
Sal. 4:4. *Kjónté chrókónínkáonra, la chrókjuásinhñara ijie̱, la ko ti kjuanínkaon la chróchontahyara kuenté ña̱o 27Chrokuájonhñara kjuachaxin kixin ti Jínahña chrókꞌue̱tue̱hen a̱sánra.
28Ti nkojinra te̱era la chrókui̱to̱héra ti kjuache̱e. Ícha jína itjára chrókjui̱chꞌexínra ixra̱ kixin chróchontara chichaon kixin jína chrókjuínki̱tsara nkojín ti sin chaxín tichánxi̱hin.
29Chji̱ñéhña chrónixjara ijnko nkehe náxrjónhña. Ícha jína chrónixjara ti nkehe jína kixin tíhi chrókjuinki̱tsa kaín ti sin tjejótihin. 30Méxra̱ nchekꞌaváhyara ti Ncha̱kuén Díos kixin tíha mé kꞌuayéhéra éxi ijnko xro̱ye la tíhi tja̱ko̱xi̱n kixin jahara mé kꞌónara chojni kuènté Díos, kixin ti ña̱o itsi Cristo ndá chaxín tsaxrjekjanxini ti ijie̱.
31Ti̱to̱héra kaín ti nkehe náxrjónhña tjénka̱yáxinra, ti kjuanínkaon, ti tꞌóyakote kichuara, ti tꞌándaxíhínra kichuara la ko kaín nkehe jínahña. 32#Col. 3:13.*Ícha jína chrókjui̱nchejína a̱sánra la ko chrókui̱konoéhéra kichuara la ko chrókꞌuitjáñahanra ti ichrén ijie̱ kjuasinhara sin, kixin xi̱kaha Díos la kꞌuitjáñehen ti ijie̱ kuènténi kixin ichrꞌán chꞌan ti Xje̱en chꞌan kꞌuenyákohe̱n ti ijie̱ chóntani kaíni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.