2 Juan 1
1
1Janhan, jnko nkexro táda tꞌayakohen ni̱nko, mé ikjian ti xroon tsꞌáyéhe̱ ti tjan tsíkjeyá Díos la ko kaín ti xje̱en tjan, la chaxín tjua̱ha̱ sin, a̱ndá jehya janhuán. Náhí. Kja̱xin kaín ti sin chóxin ti itan chaxín. 2Kixin ti itan chaxín la ó chónta a̱séni, tíha mé tsꞌejókoni nkochríxín. 3Itꞌéni Díos la ko Ìnchéni Jesucristo, ti Xje̱en Díos, chrókjuintañaora chꞌan la ko chrókui̱konóaha̱ra chꞌan la ko chrótjáhara chꞌan kjuaxróxin kixin chaxín tjua̱hára chꞌan.
4Imá chàna kꞌuíkua̱n kixin isora la titekáonra ti nkehe chaxín, éxi tsíkꞌe̱to̱an Itꞌéni Díos. 5#Jn. 13:34; 15:12, 17.*A̱ndá ijie, kíchóni, xrja̱noáhára kixin chrótjue̱héra kichuara. Mé xi̱kaha tjékjian ti xroon i, la jehya ijnko nkehe ni̱xin tsíkꞌe̱to̱an Díos. Náhí. Tíhi mé ti nkehe xráxín kuíhini ti kjuákꞌe Ìnchéni Jesucristo. 6A̱ndá ti tjue̱heni kíchóni la chrókꞌuejóni éxi tsíkꞌe̱to̱an Díos; ti nkehe tsíkꞌe̱to̱an Díos la ó kuihínra senó kixin chrótjue̱heni kíchóni.
Ti chojni xrichꞌia
7Itsjé chojni chjasintajni xrichꞌia sin titekakonhña sin kixin Jesucristo ikui chꞌan kꞌóna chꞌan chojni, la ti chojni xi̱kaha ixri mé chꞌiyehe sin chojni la ko nínkakohen sin Cristo. 8Chrokóxakohanra kixin chrókꞌuitjáñahña ti ixra̱ kjui̱chꞌera kixin na̱xa̱ chrókꞌuayéhéra ti nkehe tsjintaxín tsꞌayéhéra.
9Ti nkexro kuíto̱he ti nkehe kjuako Cristo ndá kjuíchròe la mé chóntahya sin Díos; a̱ndá ti nkexro titoéhya ti nkehe kjuako Cristo mé chónta sin Itꞌéni Díos la ko ti Xje̱en chꞌan. 10A̱ndá ti nkojín sin chrókjuíjitsjehe ti jahara, ndá nduáhya chrókjuako sin, la chrókjuájonhñara kjuachaxin chrókuíto̱he sin ti ndo̱ara la ko chrónixje̱éhyara sin. 11A̱ndá ti nkexro tsonixje̱he̱ ti nkexro a tsondáchro: “¿Á jína kꞌuinka?”, la mé éxi tóxríhi̱n sin ti nkehe jínahña ichꞌe ti sin a.
Ti itan tsjixixín
12Janhan chonta nchónhña nkehe chrókuihínra, kjánchó tjínka̱konhña chrókjian xroon ó. Náhí. Tjínka̱oan chrókjuasántsjahára tsonixjahára kixin chrókjuintaxín chrókóchéhe̱ni.
13Ti sin kichuara tónkotsé ti ni̱nko ntihi, kja̱xin Díos tsíkjeyá chꞌan sin, mé nixjahára sin. Mé xi̱kaha tso̱hen. Ó tjen.
Currently Selected:
2 Juan 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.