1 Juan 1

Ti tan tjajon kjuachón

1 # Jn. 1:1. *Ti nkexro xráxín kjuákꞌe, ti nkexro kuíhini nixja, ti nkexro kꞌuíkonxín ikoni la ko kuákóxi̱n itjani, mé ti nkexro nixja ti tan tsjajon kjuachón. 2#Jn. 1:14.*Ti nkexro a, mé kjuákꞌe ntihi chjasintajni, la kaíni kꞌuíkoni, la xi̱kaha chrónkani nkexrín itjen; la kja̱xin chenkaxíni ti jahara nkexrín itjen ti kjuachón nkochríxín, kꞌuékjakꞌeko Itꞌéni Díos, a̱ndá ikui chjasintajni kꞌuíkoni. 3Jeheni chrónkaxíni ti nkehe kꞌuíkoni la ko ti nkehe kuíhini, kixin kja̱xinra chrókónohara la nkoko̱a chrókuinkachónkira chꞌan éxi jeheni nkoko̱a tjejóni tinkáchónkini Itꞌéni Díos la ko ti Xje̱en chꞌan, Jesucristo. 4Mé xi̱kaha ikjini tíhi, kixin chrókjuintaxín chrókócháhara la ko chrókóchéhe̱ni.

Díos mé ti xrohi

5Ti tan i mé kjuako Ìnchéni Jesucristo kuíhini, a̱ndá ijie mé chrónkani kixin tsihínra kixin Díos mé ti xrohi, la kohya ninkehó sítie ti itjen chꞌan. 6Ti tsondáchroni kixin tinkáchónkini Díos, a̱ndá na̱xa̱ ixrini ti sítie, la chꞌiani kixin nchexiteyáhyani ti nkehe chaxín jína. 7A̱ndá ti xritꞌejóni ti tꞌinkaséña kixin Díos itjen ti tꞌinkaséña, la xi̱kaha nkoko̱a tjejóni tinkáchónkini chꞌan, la ti ijni̱é Xje̱en chꞌan Jesucristo mé tsjìixín kaín ti ijie̱ chóntani.

8Ti tsondáchroni kixin chóntahyani ninkehó ijie̱, la jehóni chꞌiyehe a̱séni, la chóntahyani ti nkehe chaxín. 9A̱ndá ti tsondáchroni kixin chóntani ijie̱, la Díos imá jína la tsꞌóxika chꞌan kaín ti iji̱éni la ko sinchetjóá chꞌan ti jeheni. 10A̱ndá ti tsondáchroni kixin chóntahyani ninkehó ijie̱, la éxi chróndáchroni kixin Díos la imá chꞌia, la chaxínhña chóntani ti itan kuènté chꞌan.

Currently Selected:

1 Juan 1: poeNTplus

Highlight

Copy