Zab 8
8
Utukufu wa Mungu na Hadhi ya Utu
Kwa mwimbishaji: kwa kufuata Gitithi. Zaburi ya Daudi.
1Wewe, MUNGU, Bwana wetu
Jinsi lilivyo tukufu jina lako duniani mwote!
Wewe umeuweka utukufu wako mbinguni;
2 #
Mt 21:16; 11:25; 1 Kor 1:27 Vinywani mwa watoto wachanga na wanyonyao
Umeiweka misingi ya nguvu;
Kwa sababu yao wanaoshindana nawe;
Uwakomeshe adui na mijilipiza kisasi.
3 #
Zab 44:16; 19:1; Ayu 22:12; Rum 1:20 Nikiziangalia mbingu zako, kazi ya vidole vyako,
Mwezi na nyota ulizoziratibisha;
4 #
Ayu 7:17-18; Zab 144:3; Ebr 2:6-8 Mtu ni kitu gani hata umkumbuke,
Na binadamu hata umwangalie?
5Umemfanya mdogo punde kuliko Mungu;
Umemvika taji ya utukufu na heshima;
6 #
1 Kor 15:27; Efe 1:22; Ebr 2:8; Mwa 1:26 Umemtawaza juu ya kazi za mikono yako;
Umevitia vitu vyote chini ya miguu yake.
7Kondoo, na ng’ombe wote pia;
Naam, na wanyama wa kondeni;
8Ndege wa angani, na samaki wa baharini;
Na kila kipitacho njia za baharini.
9 #
Ayu 11:7; Zab 35:10 Wewe, MUNGU, Bwana wetu,
Jinsi lilivyo tukufu jina lako duniani mwote!
Currently Selected:
Zab 8: SUV
Highlight
Share
Copy
Want to have your highlights saved across all your devices? Sign up or sign in
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.