AmaHubo 12
12
Ihubo 12
Kumqondisi wokuhlabela. Ngendlela yesheminithi. Ihubo likaDavida.
1Siza Thixo, ngoba kabasekho abakholwayo;
abathembekileyo sebenyamalele kabasekho ebantwini.
2Bonke baqamba amanga kubomakhelwane babo;
izindebe zabo eziyengayo
zihlezi zikhuluma inkohliso esezinhliziyweni zabo.
3Sengathi uThixo angaziquma zonke izindebe ezikhohlisayo
kanye laluphi ulimi oluzikhukhumezayo
4oluthi, “Sizanqoba ngendimi zethu;
izindebe zethu zizasilwela
ngubani oyinkosi yethu na?”
5“Ngenxa yokuncindezelwa kwabayanga lokububula kwabaswelayo,
sengizavuka khathesi,” kutsho uThixo.
“Ngizabavikela kulabo ababachukuluzayo.”
6Njalo amazwi kaThixo amsulwa,
njengesiliva esicengwe esithandweni somlilo esebumba,
njengegolide elihlanjululwe kasikhombisa.
7Oh Thixo, uzahlala usiphephisile
njalo usivikele ebantwini ababi nini lanini.
8Ababi bayaklamasa santando
nxa bebona izinto ezilihlazo zidunyiswa ngabantu.
Currently Selected:
AmaHubo 12: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
