AmaHubo 11
11
Ihubo 11
Kumqondisi wokuhlabela. ElikaDavida.
1Mina ngiphephela kuThixo.
Pho ungatsho kanjani kimi ukuthi:
“Balekela entabeni yakho njengenyoni.
2Ngoba, khangela, ababi sebewanwebile amadandili abo;
imitshoko yabo sebeyixhume ezintanjeni
ukuthi batshoke becatshile emathunzini
beciba labo abaqotho ezinhliziyweni.
3Kambe nxa kubhidlizwa izisekelo,
kuyini abangakwenza abalungileyo na?”
4 UThixo usethempelini lakhe elingcwele;
uThixo usesihlalweni sakhe sobukhosi basezulwini.
Uyawakhangela amadodana abantu;
amehlo akhe ayabahlola.
5 UThixo uyabahlola abalungileyo,
kodwa ababi lalabo abathanda udlakela
uyabazonda ngomoya wakhe wonke.
6Ababi uzabehlisela amalahle avuthayo lesalufa etshisayo;
umoya otshisayo uzabahaqaza.
7Ngoba uThixo ulungile,
uthanda ukwahlulela okuhle;
abaqotho bazabubona ubuso bakhe.
Currently Selected:
AmaHubo 11: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
