Amos Ŋgɔdonya
Ŋgɔdonya
Amos, Hosea, Yesaya kple Mixa wogblɔ nya ɖi le ɣeyiɣi ɖeka me. Abe Hosea ene la, Amos gblɔ nya ɖi na Israel ƒe Anyigbeme Fiaɖuƒe la, togbɔ be eya ŋutɔ tso anyigbeme hã. Le gɔmedzedzea me la, egblɔ nya ɖi tso ale si ʋɔnudɔdrɔ̃ ava dukɔ siwo ƒo xlã wo la dzi ŋu, ke emegbe la, egblɔ nya ma ke ɖe Israel ƒe nu vɔ̃wo, vevietɔ nu vɔ̃wo wɔwɔ ɖe amehavi ŋu. Nu vɔ̃ siawoe nye nu madzɔmadzɔ wɔwɔ, tatɔwo ƒe zãnuxɔxɔ, ŋukeklẽ kple mawusubɔsubɔ alakpatɔe. Amos gakpɔ ɖeɖefia aɖewo, eye wòtsɔ wo he nya ɖe ameawo ŋu vevie. Agbalẽ la wu enu be mɔkpɔkpɔ gobii aɖeke meli be Israel aɖo to o.
Emenyawo
Mawu ƒe ʋɔnudɔdrɔ̃ dukɔwo (1:1–2:16)
Mawu ƒe ʋɔnudɔdrɔ̃ Israel (3:1–6:14)
Ɖeɖefia atɔ̃awo kple ŋugbedodo be woagaɖo dukɔ la te (7:1–9:10)
Ŋugbedodo be woagaɖo Israel te (9:11-15)
Currently Selected:
Amos Ŋgɔdonya: AL
Highlight
Copy
Compare
Share
Want to have your highlights saved across all your devices? Sign up or sign in
Agbenya La™
Nutɔnyenye © 1988, 2006, 2020 Biblica, Inc.
Woaxɔ mɔɖeɖe na ezazã. Biblica kpɔ nutɔnyenye ƒe ŋusẽ ɖe dɔ sia dzi le se nu, le xexeame godoo.
Ewe Contemporary Scriptures™
Copyright © 1988, 2006, 2020 by Biblica, Inc.
Used with permission. All rights reserved worldwide.