Aba Loma 9
9
U Chala na bantu bache abasaliwa
1Nkunena ubwanaloli: Ane ne wa Kilisitu, sona intakutamanta. Umabyebye wane yuyo akulamuliwa nu Muzimu Umuzelu sona wepe akunsimikizya ukuti intakutamanta 2bo nkunena ukuti indi ni chitima ichikulu nkani, sona umoyo wane ghukubaba ukusita ukumala, 3pakuti ane nemwene nalondagha ngali nkaba pasi pachighune icha Chala nukusatuliwa ukwa Kilisitu, pachifukwa icha bakamu bane, abantu abaluko lwane. 4Abene bo ba Izilayeli babo u Chala akabasala ukuti babanje bana bache nukubavumbulila ubuchindamu bwache. U Chala akafingana nabo nukubapa Indaghilo. Bali ni chiputo ichanaloli, sona bapokela vivyo u Chala akabalayizya. 5Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.
6Kute kokuti u Chala akapotwa pakukwanilisya ilayizyo lyache. Awe, pakuti bate ba Izilayeli bosi, babo bantu ba Chala. 7Kute kokuti abaluko losi ulwa Abulahamu bana ba Chala, awe. U Chala akamubuzya u Abulahamu akati, “Ukwendela mwa Yisaki mwene, ukwiza pakuba na baluko ukuyana namumo nkafingila nawe.” 8Ichi chikung'anamula ukuti bate bana bosi aba Abulahamu babo bana ba Chala, awe. Loli abana babo bakapapiwa pachifukwa icha layizyo ilya Chala bakupimiwa ngati bo baluko ulwenecho. 9#Ubw. 18.10Pakuti u Chala akalayizya akati, “Pakabalilo kanaka#9.9pakabalilo kanaka: Pamo pakabalilo kanaka umwaka uwandabi. nkwiza sona, po u Sala akwiza pakuba nu mwana umulumendo.”
10Sona chite cho chinichi chene, awe. Loli abana babili aba Labeka bakaba nu wise weka, yuyo munyenya witu u Yisaki. 11Loli bo amapasa ghala ghachili pakupapiwa, sona bo ghatabombitepo nachimo ichiza pamo ichibibi, u Chala akabomba bunubu ukuti ukusaliwa ukwa muntu weka kubanje ukayana namumo kukabatilikiwa. Po akasalile kache katakima pambombo izya muntu, loli kakima pakuti umwene akamwitizya umuntu yulayula. 12#Ubw. 25.23U Chala akamubuzya u Labeka akati, “Umukulu akwiza pakumubombela umuzuna.” 13#Mal. 1.2-3Pakuti Amasimbo ghakuti, “Nkamughana u Yakobo, loli nkamubenga u Esabu.”
14Panapa tungati choni? Nkimba tunganena ukuti u Chala ate mugholosu? Awe, napo panandi. 15#Ukf. 33.19U Mwene akamubuzya u Mozesi akati, “Nkwiza pakuba ni chisa pa muntu wesi yuyo nkumulonda, sona nkwiza pakumupelela ichililizi umuntu wesi yuyo nkumulonda.” 16Polelo ivintu vyosi vyimite pachisa icha Chala mwene, pate pavintu vivyo umuntu akulonda pamo ukuyezya pakuvibomba. 17#Ukf. 9.16Pakuti Amasimbo ghakunena kwa Falabo ghakuti, “Nkakupakazya pakuba we mwene ukuti nkubombele ukuti indanjizye amaka ghane, sona ukuti ufumusye itabwa lyane pachisu chosi ichapasi.” 18Polelo u Chala ali ni chisa pa muntu wesi yuyo akumulonda, sona u Chala akughupela umoyo uwa muntu wesi pakuba mukafu ukuyana namumo u Chala umwenecho akulondela.
Nizya bukali ubwa Chala ni chisa chache
19Loli umuntu yumo pakasi papinyu akwiza pakunena ukuti, “Nanti zili bunubu, nkimba choni chicho u Chala akubasusya abantu? Nkimba wewenu angakana ubwighane ubwa Chala?” 20#Yes. 29.16, 45.9Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?” 21Umumatasonta yula ali na maka pakubombezya itope ukuyana namumo akulondela, sona nukumata isonta zibili ni tope lilalila, yimo yakubombezya mumasikumumasiku, iyinji iyakubombezya isiku ni siku.
22Umwakuyana bulo, wepe u Chala akalondagha pakulanjizya ubukali bwache, po akalondagha sona ukuti amaka ghache ghamanyikwe. Loli akabalanjizya abantu ubufisalyoyo bwache babo akabakalalila, sona babo bakabaghila pakuzimila. 23Sona akalondagha pakubuvumbula ubuchindamu bwache ubukulu, bubo akatupungulila twe bantu babo akaba naswe ni chisa, sona babo abayanizizya pakupokela ubuchindamu bwache. 24Pakuti twe bantu babo u Chala akatwitizya, tute mo mu ba Yuda bene, loli na bantu bope babo bate ba Yuda. 25#Hos. 2.23Izi zyo zizyo akunena mwibuku ilya mulaghuzi u Hoseya ukuti,
“Abantu babo batakaba bane
nkwiza pakubitizya ukuti, ‘Bantu bane’.
Uluko lulo lutakaba ulwa pamoyo wane
nkwiza pakulwitizya ukuti, ‘Lughaniwa lwane’.
26 #
Hos. 1.10
Sona pabuzilo bulabula po papo bakabuziwa ukuti,
‘Amwe te mwe bantu bane,’
bakwiza pakwitiziwa ukuti,
‘Bana aba Chala umumi.’ ”
27 #
Yes. 10.22-23
U Yesaya akakolomoka nkani nizya ba Izilayeli akati, “Napapo aba Izilayeli bangaba binji nkani ngati musesenga uwa munyanja, loli abakusyalako bakwiza pakupokiwa. 28Pakuti u Mwene akwiza pakudumula inongwa izya bantu aba muchisu ichapasi umwalubilolubilo sona nukumalizizya zila.” 29#Yes. 1.9Izi ziyanite bulo namumo umulaghuzi u Yesaya akanenela kale ukuti,
“Nanti u Mwene Uwamaka Ghosi atakabalekapo abaluko bamo,
ngali twaba ngati we Sodomu nu Gomola.”
U Pabuli akubiputila aba Izilayeli
30Po nkimba tungati choni? Tunganena ukuti abantu babo bate ba Yuda babo batakalondagha ukwinena bene pakuba bantu bagholosu pamaso pa Chala, ilelo baneniwa ukuti bantu bagholosu pantazi papache ukwendela mu lwitiko, 31loli aba Izilayeli babo bakayezya nkani pakuneniwa bantu bagholosu pamaso pa Chala pakuzikonka Indaghilo, batakazyagha. 32Po nkimba choni? Pachifukwa ichakuti bakalondagha ukwinena bene pakuba bagholosu pamaso pa Chala, chite chifukwa icha lwitiko, loli pachifukwa ichakuti bakasubila imbombo zizyo bakabombagha. Po bakipunula pibwe, 33#Yes. 28.16ukuyana na Masimbo aghakuti,
“Ennya, nkwala ibwe mu Ziyoni
lilyo likwiza pakubapela abantu ukwipunula,
ilyalabwe lilyo likwiza pakubawisya abantu.
Loli umuntu wesi yuyo akusubila mumwache,
atakwiza pakukoziwa isoni.”
Currently Selected:
Aba Loma 9: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya
