2 Aba Tesalonika 1
1
1 #
Imbo. 17.1
Ane ne Pabuli, poka nu Silivana, sona nu Timoti.
Tukuchisimbila ichipanga icha mu Tesalonika, chicho cha Chala u Tata, sona nu Mwene u Yesu Kilisitu.
2Ichisa nu mutende ivyakufuma kwa Tata u Chala nu Mwene u Yesu Kilisitu vibanje namwe.
Nizya bulongi pakwiza ukwa Kilisitu
3Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi. 4Ichi cho chifukwa aswe tukwituvya nizya amwe muvipanga ivya Chala. Tukwituvya nizya bufisalyoyo bwinyu, sona nu lwitiko lwinyu mukuvwimiwa na mumayimba ghinyu ghosi ghagho mukukomana nagho.
5Vyosi vinivi vikusimikizya ukuti ubulongi ubwa Chala bugholosu. Chicho u Chala akulonda chakuti mubanje bantu bakubaghila ukwinjila mu Bumwene bwache, bubo mukuyimbilapo. 6U Chala mugholosu, po akwiza pakutanizya amayimba abantu babo bakubapelela amayimba, 7sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka. 8Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu. 9#Yes. 2.10Bakwiza pakuyimba nu lufundo ulwa bwila na bwila, batakwiza pakwennyapo nalumolumo icheni icha Mwene, pamo ubuchindamu ubwa maka ghache. 10Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya. 11Ichi cho chifukwa tukubiputila amwe akabalilo kosi ukuti u Chala witu abapele pakuba bantu bakubaghila mubumi bubo umwene akabitizizya. Na maka ghache, u Chala abavwe amwe pakubomba zizyo mukulonda pakuzibomba, sona nukuti mukwanilisye zyosi zizyo mukubomba ukwendela mu lwitiko lwinyu, 12umwakuti itabwa ilya Mwene witu u Yesu lichindikiwanje mumwinyu, sona namwe muchindikiwanje mumwache ukuyana ni chisa icha Chala witu nu Mwene u Yesu Kilisitu.
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya