1 Aba Kolinti Ukwanda
Ukwanda
Ukalata uwakwanda uwa Pabuli ukubasimbila Aba Kolinti akasimbiwa pachifukwa ichakulonda ukuyannya intamyo izya bumi ubwa Chikilisitu, sona nizya lwitiko ulwa bantu lulo lukanda muchipanga chicho u Pabuli akandizya mukaya aka Kolinti. Pakabalilo kalakala akaya aka Kolinti kakaba kaya akakulu nkani aka ba Giliki kako kakizula na bantu abakulekanalekana aba muvigaba vyosi ivya muchisu ichapasi, sona kakaba kaya akakulu nkani muchigaba icha Akaya mubumwene ubwa Loma. Akaya aka kakamanyikwa pachifukwa icha kukula kwa ivyakughulaghula nukughulizyaghulizya, akikalile aka bantu akakwituvya nukusata ukwa nkalo iya bwamalaya, sona ni viputo ivyakulekanalekana.
Ivintu ivikulu vivyo vikubapalamasya abatumiwa zyo ntamyo ngati: Ukugabinkana nu bwamalaya muchipanga, sona na malalusyo agha kughonana ni sendwa nu mabyebye ni mbatiko izya chipanga ni chabupi icha Muzimu Umuzelu, sona nukuzyuka kubufwe. Nukwinong'ona umwakufikapo ukulanjizya namumo Amazyu Amiza ghakunenela nizya malalusyo agha.
Ichaputala icha 13, chikulanjizya ulughano pakuba chabupi icha Chala ichiza nkani ku bantu bache. Ichi cho chaputala ichimanyikwe nkani mwibuku ili.
Ivyamukasi
Ukwanda 1.1-9
Ukugabinkana muchipanga 1.10—4.21
Nizya bwamalaya na kikalile aka munyumba 5.1—7.40
Abakilisitu na bantu abakuzi 8.1—11.1
Inkalo iya muchipanga ni nyiputo 11.2—14.40
Nizya kuzyuka kubufwe ukwa Kilisitu, sona nukuzyuka kubufwe ukwa bitiki 15.1-58
Ichabupi icha bakilisitu muchigaba icha Yudeya 16.1-4
Inyinong'ono zyache nu bumalilo 16.5-24
Currently Selected:
1 Aba Kolinti Ukwanda: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya