Zakaráya 5
5
Ọwhulenya ẹkwo, l'ewhe ewhe
1Mu bya apalikwaa ẹnya ọdo whụa ẹkwo a gwọru agwọgwo gẹ l'oowhe l'imeli! 2Ojozhi-imigwe ono sụ mu: “?Ọo gụnu b'ị whụru?”
Mu yeeru iya ọnu sụ: “Mu whụru ẹkwo-agwọgwo, l'ewhe l'imeli; ogologo iya bẹ dụ nji-ẹka ụkporo, ọsa iya dụ nji-ẹka iri.”
3Ọ sụ mu: “Iwhe dụ l'ẹkwo ono bụkwa ọnu, Chileke tụru dobe l'alị mgburumgburu. Azụ ẹkwo ono nnanụ bẹ sụru lẹ ndu l'ezhi oshi gẹ whẹ ha l'a-tọhu, azụ lanụ ọwhu sụ lẹ ndu ono, l'akpapyabẹje iwhe whẹ meru gụa ẹnwa l'a-tọhukwawho. 4Mu l'e-zhifu ntụmonu ono t'o kpuba l'ụlo ndu oshi mẹe l'ụlo ndu ono, l'akpapyabẹje iwhe whẹ meru gude ẹwha mu gụa ẹnwa. O nokwa iwhe Onye-Nwe-Ọha l'ekfu ndono. Ntụmonu ono l'e-je akụkee ike l'ụlo ndu ono zaa ya l'ẹza je akpaa l'oshi, e gude kụa ụlo ono mẹe ẹwhuru e gude tụa ya.”
Ọwhulenya, Zakaráya whụru l'ẹhu nwanyị, nọ lẹ nkata
5Ojozhi-imigwe ono shi ekfu eyeru mu fụta bya asụ mu: “Palia ẹnya apali whụ iwhe l'eje abya.”
6Mu jịa ya sụ: “?Ọo gụnu ndono?”
O sụ mu: “Ọ kwa nkata, l'eegudeje aatụ iwhe bẹ l'eje abya nno.” Ọ sụkwawho ọdo: “Nkata ono nọ-chiru ẹnya ejo-iwhe, l'eemegbabe l'alị-a gbaa mgburumgburu.”
7A bya ekpulia igbidigbi okfu nkata ono, mu whụa nwanyị nọdu anọdu l'ime nkata ono.
8Ojozhi-imigwe ono sụ mu: “Nwanyị ono bẹ nọ-chiru ẹnya ejo-ememe.” Ọ bya enwubawhu iya azụ l'ime nkata ono bya eworu igbidigbi okfu nkata ono kpuchiwhu iya azụ. 9Mu bya apalia ẹnya whụa ụnwanyi labọ, l'ewhe pẹe abya ụzo ẹka mu nọ. Whẹ l'ewhe ajịkaa akwẹka puka puka, akwẹka whẹ dụlewho g'ọo akwẹka eze-ọku-eswi-ụda. Whẹ bya adzụ-lia nkata ono whegburu mgbakụ alị yẹle igwe.
10Tọ dụ iya bụ, mu sụ Ojozhi-imigwe ono shi ekfu eyeru mu ono sụ iya: “?Ọo awe bẹ whẹ pahụnu nkata ono eje?”
11Ọ sụ mu: “Whẹ pa iya eje alị Shịna tẹ whẹ je atụaru iya ụlo. Whẹ tụ-gelewho ụlo ono, whẹ emeta iwhe l'aa-tukobe nkata ono l'ẹka ono.”
Currently Selected:
Zakaráya 5: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
