Roma 14
14
1Séy in mwat de a rɔngɔl gbɛrɛk e ra rehâ pyɛ̂ Dagwi. Yin kwon ra cuna na yɛ e rà pyɛ de a rɔda ra kɛ a rɔda ra wɛt. 2Mwat hwak e di, yɛ̀ e tɔk re kayɛ pyɛ. Ko mwat hwak de a rɔngɔl gbɛrɛk e ra rehâ pyɛ̂ Dagwi, e re sehwonong zɔng. 3Mwat de e re kayɛ pyɛ, a kwon byɛs womo de e tɔk re kayɛ pyɛ wɛt. Ko womo de e re sehwonong zɔng, a ra a womo de e re kayɛ pyɛ shɔt wɛt, yaga Dagwi a ga sey ɛ arɔng. 4Hwà sé wà na hwo ra a mwât fwôm mwat hwak shɔt arɛt? A sé e dalɔ mɛ zɔng de e tɔk ye, mwat mɛ mo a sé tumal gak e de râ pyɛ de ya sé ryat, kɛ e gaba e pyɛ de e ra. Ko a rɔda tumal gak, yaga Darwey a vɔk reto na a tɛ̀ ɛ a tumal gak o.
5Mwat hwak e jut tuhak he dal bwang negasi na nerat; ko mwat hwak e jut negasi mo mwa na sé tyɛng. Tik na kawɛ mwat a tɔk tsɛng-tsɛng, pyɛ de e bare ya sé tyɛng. 6Yɛ womo de e gyeng tuhak wɔgɔ, ha dal bwang o e rá ano na a nɔ̂ng Dagwi nerey. Yɛ womo de e re pyɛ́ cak e rá ano na a nɔ̂ng Dagwi nerey, yaga e feng a yɛ̀ yaga yɛ̄. Ko womo de e kyɛ́ ɛ nà re yerê pyɛ́ mo cak e rá ano na a nɔ̂ng Dagwi nerey, ko e to feng a yɛ arɔng. 7Vit a hwak e ji mot de a sé sangal na neken yaga tó mɛ pyɛ mɛ zɔng, ko vit a hwak e ji mot de ê ku yaga tó mɛ pyɛ mɛ zɔng. 8Ka sede wot a sé beken, ko wot a sé sangal yaga Darwey; ko ka sede wot ê ku, wot ê ku yaga Darwey arɔng. Yaga ano, ka wot a sé beken kɛ wot a ku ayi, ko wot a sé vê Darwey. 9A sé yaga pyɛ yemo de Kristi a ku, ko a to toyo na neken, yaga na a bin sè Darwêy vemo de ba ga kushu, mwa tanga vemo de ba sé beken. 10Ko di hwo à, yaga sɛ́ de hwó ra a gwa mō shɔt arɛt? Ko hwo à, yaga sɛ́ de hwó byɛs gwa mō arɛt? Mwa hot wot a rɔda ba tumal e nuyêl Dagwi na a ra a wot shɔt. 11Sede remo de bà jɛk e Bwok-basa Dagwi wɔgɔ,
“Darwey a ye, ‘Ma ga sira me na neken hom wɔgɔ,
kawɛ mwat ê ye guduruk e nuyel hom,
ko kawɛ mwat ê somo Dagwi na gbɔng fwɔ.’ ”
12Yaga ano, kawɛ e ji mot a rɔda ba ha a Dagwi neyɛnɛ̂ pyɛ de a ga ra.
Yin tɛ̀ begwa min be ye bugurɛk wɛt
13Yaga ano, wot re nuyel na yɛt a bemot shɔt wɛt. Ko tɛ̀ in e neyey min e negya wɔgɔ: Wot a rɔda tɛ̀ pyɛ de ye tɛ̀ gwa mot hwak a ye bugurɛk wɛt kɛ a gaba e ji banɛn. 14Me de ma sé sangal e ji nesa na Darwey Yɛsu ma tɔk tsɛng-tsɛng, vit a pyɛ cak de ya sé ligis pyɛ yɛ. Ko ka sede mwat hwak a jut pyɛ cak, ya sé ligis, ko ya ga tɛ́ ɛ a yɛ ano. 15Ka sede gwa mō e lashe yey yaga pyɛ de hwó re, ko hane he dura, hwó to tɛ̀ yey mō na gwa mō wɛt. Kristi a ga ku yaga yɛ arɔng. Hwo tɛ̀ be wey na yɛ wɛt yi na pyɛ de hwó re mo. 16Yin kwon tɛ̀ bemat be ha há ves e ra pyɛ de yin e bare ya sé ryat. 17Jeng de be ha e ra negwɔm de Dagwi e re, be ha e ra rehâ pyɛ̂ re na pyɛ̂ sɔ wɛt. Ko be ha e ra rehâ pyɛ de ya sé cik e bayîs Dagwi ko e rà rehâ yêy dyɛngɛ tanga rehâ yey pyɛng de Gabik Jɛrɛ he nɔngɔs. 18Kawɛ mwat de e ra a Kristi fwom e yerê gwong gwomo e pɛngɛ a Dagwi yey, ko bemat be simo pyɛ de e ra arɔng.
19Yaga ano, tik na wot a ye ngyɛ́k, na wot dopse ra pyɛ́ de ye vey na yêy dyɛngɛ, na ye tɛ̀ wot nɔngɔ̂s bemot gap. 20Hwo wey na fwôm Dagwi wɛt, yaga hwó bare, be tɔk re kayɛ yerê pyɛ́. Mwin, kayɛ pyɛ́ ya sé naka na be re. Ko a sé tyɛng wɛt na mwat a re pyɛ de yê tɛ̀ mwat hwak a ye bugurɛk. 21A sé naka na hwo kyɛ́ o nà re nama, kɛ hwo sɔ nshî anap, kɛ hwo ra pyɛ cak de ya rɔda tɛ̀ gwa mō a ye bugurɛk. 22Ano kwong, kayɛ pyɛ de hwà di a sé tyɛng e ra rehâ pyɛ́ yemo, tik na pyɛ mo ye sè e tē mō tanga Dagwi. Mwat a rɔda vɔk yey pyɛng, ka sede yey mɛ ya gang ɛ na shɔt wɛt e jeng de e ra pyɛ de a di ya sé tyɛng. 23Ko mwat de e tó yey e ra pyɛ de e re, ko a re yɛ gbak, yɛ a ga ra renɛn. Yaga a ga ra pyɛ de ya sé tyɛng na pyɛ de yɛ a tɔk e yey mɛ ya sé naka wɛt. Kayɛ pyɛ de mwat e ra sana tɔk e yey mɛ, ya sé naka, pyɛ mo ya sé renɛn.
Currently Selected:
Roma 14: bomBI
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
Roma 14
14
1Séy in mwat de a rɔngɔl gbɛrɛk e ra rehâ pyɛ̂ Dagwi. Yin kwon ra cuna na yɛ e rà pyɛ de a rɔda ra kɛ a rɔda ra wɛt. 2Mwat hwak e di, yɛ̀ e tɔk re kayɛ pyɛ. Ko mwat hwak de a rɔngɔl gbɛrɛk e ra rehâ pyɛ̂ Dagwi, e re sehwonong zɔng. 3Mwat de e re kayɛ pyɛ, a kwon byɛs womo de e tɔk re kayɛ pyɛ wɛt. Ko womo de e re sehwonong zɔng, a ra a womo de e re kayɛ pyɛ shɔt wɛt, yaga Dagwi a ga sey ɛ arɔng. 4Hwà sé wà na hwo ra a mwât fwôm mwat hwak shɔt arɛt? A sé e dalɔ mɛ zɔng de e tɔk ye, mwat mɛ mo a sé tumal gak e de râ pyɛ de ya sé ryat, kɛ e gaba e pyɛ de e ra. Ko a rɔda tumal gak, yaga Darwey a vɔk reto na a tɛ̀ ɛ a tumal gak o.
5Mwat hwak e jut tuhak he dal bwang negasi na nerat; ko mwat hwak e jut negasi mo mwa na sé tyɛng. Tik na kawɛ mwat a tɔk tsɛng-tsɛng, pyɛ de e bare ya sé tyɛng. 6Yɛ womo de e gyeng tuhak wɔgɔ, ha dal bwang o e rá ano na a nɔ̂ng Dagwi nerey. Yɛ womo de e re pyɛ́ cak e rá ano na a nɔ̂ng Dagwi nerey, yaga e feng a yɛ̀ yaga yɛ̄. Ko womo de e kyɛ́ ɛ nà re yerê pyɛ́ mo cak e rá ano na a nɔ̂ng Dagwi nerey, ko e to feng a yɛ arɔng. 7Vit a hwak e ji mot de a sé sangal na neken yaga tó mɛ pyɛ mɛ zɔng, ko vit a hwak e ji mot de ê ku yaga tó mɛ pyɛ mɛ zɔng. 8Ka sede wot a sé beken, ko wot a sé sangal yaga Darwey; ko ka sede wot ê ku, wot ê ku yaga Darwey arɔng. Yaga ano, ka wot a sé beken kɛ wot a ku ayi, ko wot a sé vê Darwey. 9A sé yaga pyɛ yemo de Kristi a ku, ko a to toyo na neken, yaga na a bin sè Darwêy vemo de ba ga kushu, mwa tanga vemo de ba sé beken. 10Ko di hwo à, yaga sɛ́ de hwó ra a gwa mō shɔt arɛt? Ko hwo à, yaga sɛ́ de hwó byɛs gwa mō arɛt? Mwa hot wot a rɔda ba tumal e nuyêl Dagwi na a ra a wot shɔt. 11Sede remo de bà jɛk e Bwok-basa Dagwi wɔgɔ,
“Darwey a ye, ‘Ma ga sira me na neken hom wɔgɔ,
kawɛ mwat ê ye guduruk e nuyel hom,
ko kawɛ mwat ê somo Dagwi na gbɔng fwɔ.’ ”
12Yaga ano, kawɛ e ji mot a rɔda ba ha a Dagwi neyɛnɛ̂ pyɛ de a ga ra.
Yin tɛ̀ begwa min be ye bugurɛk wɛt
13Yaga ano, wot re nuyel na yɛt a bemot shɔt wɛt. Ko tɛ̀ in e neyey min e negya wɔgɔ: Wot a rɔda tɛ̀ pyɛ de ye tɛ̀ gwa mot hwak a ye bugurɛk wɛt kɛ a gaba e ji banɛn. 14Me de ma sé sangal e ji nesa na Darwey Yɛsu ma tɔk tsɛng-tsɛng, vit a pyɛ cak de ya sé ligis pyɛ yɛ. Ko ka sede mwat hwak a jut pyɛ cak, ya sé ligis, ko ya ga tɛ́ ɛ a yɛ ano. 15Ka sede gwa mō e lashe yey yaga pyɛ de hwó re, ko hane he dura, hwó to tɛ̀ yey mō na gwa mō wɛt. Kristi a ga ku yaga yɛ arɔng. Hwo tɛ̀ be wey na yɛ wɛt yi na pyɛ de hwó re mo. 16Yin kwon tɛ̀ bemat be ha há ves e ra pyɛ de yin e bare ya sé ryat. 17Jeng de be ha e ra negwɔm de Dagwi e re, be ha e ra rehâ pyɛ̂ re na pyɛ̂ sɔ wɛt. Ko be ha e ra rehâ pyɛ de ya sé cik e bayîs Dagwi ko e rà rehâ yêy dyɛngɛ tanga rehâ yey pyɛng de Gabik Jɛrɛ he nɔngɔs. 18Kawɛ mwat de e ra a Kristi fwom e yerê gwong gwomo e pɛngɛ a Dagwi yey, ko bemat be simo pyɛ de e ra arɔng.
19Yaga ano, tik na wot a ye ngyɛ́k, na wot dopse ra pyɛ́ de ye vey na yêy dyɛngɛ, na ye tɛ̀ wot nɔngɔ̂s bemot gap. 20Hwo wey na fwôm Dagwi wɛt, yaga hwó bare, be tɔk re kayɛ yerê pyɛ́. Mwin, kayɛ pyɛ́ ya sé naka na be re. Ko a sé tyɛng wɛt na mwat a re pyɛ de yê tɛ̀ mwat hwak a ye bugurɛk. 21A sé naka na hwo kyɛ́ o nà re nama, kɛ hwo sɔ nshî anap, kɛ hwo ra pyɛ cak de ya rɔda tɛ̀ gwa mō a ye bugurɛk. 22Ano kwong, kayɛ pyɛ de hwà di a sé tyɛng e ra rehâ pyɛ́ yemo, tik na pyɛ mo ye sè e tē mō tanga Dagwi. Mwat a rɔda vɔk yey pyɛng, ka sede yey mɛ ya gang ɛ na shɔt wɛt e jeng de e ra pyɛ de a di ya sé tyɛng. 23Ko mwat de e tó yey e ra pyɛ de e re, ko a re yɛ gbak, yɛ a ga ra renɛn. Yaga a ga ra pyɛ de ya sé tyɛng na pyɛ de yɛ a tɔk e yey mɛ ya sé naka wɛt. Kayɛ pyɛ de mwat e ra sana tɔk e yey mɛ, ya sé naka, pyɛ mo ya sé renɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust