Roma 13
13
Dyɛ́ng in bato min na vemo de ba vɔk reto e ra yin
1Tik na kawɛ mwat a dyɛng to mɛ na vemo de ba vɔk reto e ra yɛ. Yaga vit a mwat de a vɔk reto rehak sɛ̌ Dagwi a nɔng ɛ rɛ. Ko vemo de ba vɔk reto a remo ba sɛ̀ rɛ yi na Dagwi. 2Yaga ano, kawɛ mwat de e ra retek na vemo de ba vɔk reto mo a sé ra retek na pyɛ de Dagwi a tɛ̀. Ko vemo de be ra ano ba rɔda vey na shôm Dagwi e ra bato mɛn. 3Yaga vemo de be re negwɔm ba sé pyɛ bengyip wɛt na vemo de be ragas nerat. Ko ba sé pyɛ bengyip na vemo de be ragas neves. Hwó simo hwo sangal sana vɔk bengyip mwat de a vɔk reto arɛt? Ko rá pyɛ de ya sé ryat, ko yɛ a rɔda ha há rat e ra hwo. 4Yɛ a sé mwât fwôm Dagwi, yaga na a ra a hwo pyɛ de ya sé ryat. Ko ka sede hwó ra pyɛ de ya sé vyes, ko hwô vɔk bengyip, yaga ba nɔng ɛ wâl gâs shɔt na jɔgɔ wɛt. Yɛ a sé mwât fwôm Dagwi, de e gas a bemat shɔt e tô Dagwi, na a tabak vemo de be ra pyɛ́ de ya sé vyes. 5Yaga ano, a sé gbing-gbing na yin dyɛng bato min na vemo de ba vɔk reto. Yin ra ano zɔng wɛt, yaga yin e bare, gyeng rɔ̌ ba rɔda tabak hin. Rá in ano arɔng, yaga bare yey min ha dura a yin ano.
6Pyɛ ma yemo arɔng de ya tɛ̀, yin a talsa dyâm vwel. Yaga bemat de ba vɔk reto ba sé bemât fwôm Dagwi, ko mwa jeng de yɛn a vɔk ya sé yaga rê negwɔm o. 7Nɔng în kawɛ mwat pyɛ de e rangal hin: Ka sede be rangal hin dyâm vwel, ko tala hin yɛ̄. Ka sede be to rangal hin yerê dyâm vwel o cak, ko tala hin yɛ̄. Ka sede be simo hin na yin a ra pyɛ de ba ha a yin, ko rá in ano mo. Ka sede be simo na yin a nɔ̂ng behak nerey, ko nɔng in hɛn nɛ arɔng.
Tɛ̀ in yey na bemât vwara min
8Mwat hwak a kwon rangal hin redu pyɛ cak wɛt sɛ̌ redu rining zɔng wɔgɔ, yin a tɛ̀ yey na bemin. Yaga kawɛ mwat de a tɛ̀ yey na mumwɛ a ga ra kayɛ pyɛ de Badu Dagwi be simo. 9Badu de ba ye, “Hwo ra nejwang wɛt; hwo mɔrɔ mwat wɛt; hwo shigi wɛt; hwo mara yîs pyɛ mwat wɛt”, tanga bwang badu mo bahak de ba sɛ́ — ba wuna vɛ mwa e redu rining remo wɔgɔ, “Tɛ̀ yey na mwât vwara mō, sede hwà tɛ̀ yey na tó mo.” 10Mwat de a tɛ̀ yey na mwât vwara mɛ e rá pyɛ de ye mǎ hɛ wɛt. Yaga ano, mwat de e tɛ̀ yey na bemat e gyeng kayɛ pyɛ de Badu Dagwi be simo.
Sángal e ji negbey
11Rá in pyɛ́ yemo, yaga yin a tɔk yerê jeng yemo. Jeng ya ga vey na yin a sene yi e de nevwa min. Yaga jeng de ba rɔda ba sey ot ya ga gwɛ̌ vey lɛ́s a remo, ya dal jeng de wot á sey tsak o. 12Túruk ha ga vey bagât tala hɛ, ko gasi ha ga vey bagât ye gbey. Yaga ano, tik na wot a tik râ tomong de bemat be ra e ji lwīl, na wot a tɛ̀ pyɛ̂ como de be ra mɛ̀ fwom e ji negbey. 13Tik na negwɔn mot ne jam, na wot a ra pyɛ́ yerê yemo de be ra e jey gbɛngɛrɛng. Wot ra nzem neves kɛ wot feng siring wɛt; wot ra nejwang kɛ wot vɔk gwōt wɛt; wot ra yol kɛ wot bɛɛ bemot ves wɛt. 14Ko tɛ̀ in negwɔn Darwey Yɛsu Kristi sede pyɛ̂ como e negya. Yin sǎ e de barê begwong de yin ê raa cwey pyɛ́ vyes de negwɔn min ne banɛn ne simo wɛt.
Currently Selected:
Roma 13: bomBI
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
Roma 13
13
Dyɛ́ng in bato min na vemo de ba vɔk reto e ra yin
1Tik na kawɛ mwat a dyɛng to mɛ na vemo de ba vɔk reto e ra yɛ. Yaga vit a mwat de a vɔk reto rehak sɛ̌ Dagwi a nɔng ɛ rɛ. Ko vemo de ba vɔk reto a remo ba sɛ̀ rɛ yi na Dagwi. 2Yaga ano, kawɛ mwat de e ra retek na vemo de ba vɔk reto mo a sé ra retek na pyɛ de Dagwi a tɛ̀. Ko vemo de be ra ano ba rɔda vey na shôm Dagwi e ra bato mɛn. 3Yaga vemo de be re negwɔm ba sé pyɛ bengyip wɛt na vemo de be ragas nerat. Ko ba sé pyɛ bengyip na vemo de be ragas neves. Hwó simo hwo sangal sana vɔk bengyip mwat de a vɔk reto arɛt? Ko rá pyɛ de ya sé ryat, ko yɛ a rɔda ha há rat e ra hwo. 4Yɛ a sé mwât fwôm Dagwi, yaga na a ra a hwo pyɛ de ya sé ryat. Ko ka sede hwó ra pyɛ de ya sé vyes, ko hwô vɔk bengyip, yaga ba nɔng ɛ wâl gâs shɔt na jɔgɔ wɛt. Yɛ a sé mwât fwôm Dagwi, de e gas a bemat shɔt e tô Dagwi, na a tabak vemo de be ra pyɛ́ de ya sé vyes. 5Yaga ano, a sé gbing-gbing na yin dyɛng bato min na vemo de ba vɔk reto. Yin ra ano zɔng wɛt, yaga yin e bare, gyeng rɔ̌ ba rɔda tabak hin. Rá in ano arɔng, yaga bare yey min ha dura a yin ano.
6Pyɛ ma yemo arɔng de ya tɛ̀, yin a talsa dyâm vwel. Yaga bemat de ba vɔk reto ba sé bemât fwôm Dagwi, ko mwa jeng de yɛn a vɔk ya sé yaga rê negwɔm o. 7Nɔng în kawɛ mwat pyɛ de e rangal hin: Ka sede be rangal hin dyâm vwel, ko tala hin yɛ̄. Ka sede be to rangal hin yerê dyâm vwel o cak, ko tala hin yɛ̄. Ka sede be simo hin na yin a ra pyɛ de ba ha a yin, ko rá in ano mo. Ka sede be simo na yin a nɔ̂ng behak nerey, ko nɔng in hɛn nɛ arɔng.
Tɛ̀ in yey na bemât vwara min
8Mwat hwak a kwon rangal hin redu pyɛ cak wɛt sɛ̌ redu rining zɔng wɔgɔ, yin a tɛ̀ yey na bemin. Yaga kawɛ mwat de a tɛ̀ yey na mumwɛ a ga ra kayɛ pyɛ de Badu Dagwi be simo. 9Badu de ba ye, “Hwo ra nejwang wɛt; hwo mɔrɔ mwat wɛt; hwo shigi wɛt; hwo mara yîs pyɛ mwat wɛt”, tanga bwang badu mo bahak de ba sɛ́ — ba wuna vɛ mwa e redu rining remo wɔgɔ, “Tɛ̀ yey na mwât vwara mō, sede hwà tɛ̀ yey na tó mo.” 10Mwat de a tɛ̀ yey na mwât vwara mɛ e rá pyɛ de ye mǎ hɛ wɛt. Yaga ano, mwat de e tɛ̀ yey na bemat e gyeng kayɛ pyɛ de Badu Dagwi be simo.
Sángal e ji negbey
11Rá in pyɛ́ yemo, yaga yin a tɔk yerê jeng yemo. Jeng ya ga vey na yin a sene yi e de nevwa min. Yaga jeng de ba rɔda ba sey ot ya ga gwɛ̌ vey lɛ́s a remo, ya dal jeng de wot á sey tsak o. 12Túruk ha ga vey bagât tala hɛ, ko gasi ha ga vey bagât ye gbey. Yaga ano, tik na wot a tik râ tomong de bemat be ra e ji lwīl, na wot a tɛ̀ pyɛ̂ como de be ra mɛ̀ fwom e ji negbey. 13Tik na negwɔn mot ne jam, na wot a ra pyɛ́ yerê yemo de be ra e jey gbɛngɛrɛng. Wot ra nzem neves kɛ wot feng siring wɛt; wot ra nejwang kɛ wot vɔk gwōt wɛt; wot ra yol kɛ wot bɛɛ bemot ves wɛt. 14Ko tɛ̀ in negwɔn Darwey Yɛsu Kristi sede pyɛ̂ como e negya. Yin sǎ e de barê begwong de yin ê raa cwey pyɛ́ vyes de negwɔn min ne banɛn ne simo wɛt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust