Roma 15
15
Pɛngɛ hin a bemín yey
1Wot vemo de wot e tumal gak e ra rehâ pyɛ̂ Dagwi, a sé gbing-gbing na wot a sɛlɛ vemo de be tumal gak wɛt e kwɔn de yɛn a radɛ hɛn ɛ̀. Wot ra pyɛ de yê pɛngɛ a wot yey zɔng wɛt. 2Tik na kawɛ e ji mot a ra pyɛ de ya sé ryat yaga mumwɛ, na a pɛngɛ a yɛ yey. A ra ano, yaga na a sɛlɛ hɛ na a re nuyel e tɔ̂k pyɛ̂ Dagwi. 3Yaga Kristi pyɛ mɛ a ka ra pyɛ de ya pɛngɛ a yɛ yey wɛt. Ko bà jɛk e ra yɛ wɔgɔ, “Sedusâ vemo de ba ga dùsa hwo sa ga to ɛ e ra me.” 4Kayɛ pyɛ de bà jɛk e Bwok-basa Dagwi, bà jɛk yɛ, yaga na be basa a wot mɛ̀. Ba to jɛk yɛ, yaga na neha Bwok-basa mo ne tɛ̀ wot a niri, na ne to gwɛ̌ a wot gap arɔng. Ko yi ano, wot ê sɛt yey mot e ra Dagwi. 5Tik na Dagwi de e tɛ̀ bemat mɛ be niri, na a to gwɛ̌ a yɛn gap, a tɛ̀ in na yin a sè vining na bemín e de raà gwong de Kristi Yɛsu a dura a wot. 6Tik na a ra ano, yaga na yin mwa yin a bin nɔ̂ng Dagwi, yɛ Dâ Darwey mot Yɛsu Kristi, nerey na nu hining.
Yɛgɛt Yat yaga bemât yére dyuk
7Ano kwong, séy in bemín, tyɛng sede remo de Kristi a sey in, yaga na bemat be bin nɔ̂ng Dagwi nerey. 8Yaga ma sé ha a yin, Kristi a ga tɛ́ ɛ mwât fwom BeYuda, na a bin dura, há de Dagwi à kana ha ha sé mwin. A to tɛ́ ɛ mwât fwom, yaga na a sila mɛ̀ sira de à kana ra a bedabeda mɛn vê mɛsɛng o, 9yaga na bemât yére dyuk be nɔ̂ng Dagwi nerey, yaga a tosho reyɔm mɛn. Sede remo de bà jɛk e Bwok-basa Dagwi wɔgɔ,
“Pyɛ ma yemo de ya tɛ̀,
ma rɔda somo hwo e tê bemât yére dyuk;
ma rɔda ra lɛlɛ na me somo mɛ̀ reza mō.”
10Bà to jɛk,
“À yin bemât yére dyuk, vɔk in yey pyɛng tanga bemât Dagwi!”
11Ko bà to jɛk,
“À yin bemât yére dyuk mwa hin,
somo hin Darwey!
Tik na mwa yére bemat jey be somo hɛ arɔng!”
12Yɛshaya à ye arɔng,
“Yerê Yɛsɛ ya rɔda vey,
yɛ a rɔda sogo na a re negwɔm e ra yére bemat jey.
Ko bemât yére dyuk bê sɛt yey mɛn e ra yɛ.”
13Tik na Dagwi de e tɛ̀sɛ bemat be sɛt yey mɛn e ra yɛ a sila hin na yey pyɛng sizɔng, na a tɛ̀ yey min ye dyɛng arɔng, yaga yin a sey tsak o na yɛ. Tik na a ra ano, yaga na yin a gwɛ̌ sɛt yey min e ra yɛ yi na retô Gabik Jɛrɛ.
Bulus, mwât fwôm Kristi vɔk na bemât yére dyuk
14À begwa hom, me pyɛ hom ma tɔk tsɛng-tsɛng, yin pyɛ min yin a sé berat sizɔng. Yin a tɔk pyɛ̂ mwa de Dagwi e simo, ko yin a vey, na yin a basa a bemin. 15Ko mwa ano, ma ga jɛk a yin na jɛk de ha nusu wɛshɛrɛk e ra neha nehak, yaga na me to gwɛ̌ bare a yin na nɛ. Ma ga jɛk ano yaga nɔrɔ de Dagwi a nɔng me yi na nerat mɛ 16wɔgɔ, ma sé mwât fwom wo Kristi Yɛsu vɔk na bemât yére dyuk. Ma sé ra fwom yere gwô piris e de sharâ Yɛgɛt Yat mɛ, yaga na bemât yére dyuk be bin tɛ́ ɛn sede nɔrɔ̂ yas de be yɛt vɔk na Dagwi, hemo de a rɔda sey hɛ. A sé yi na Gabik Jɛrɛ de yɛn ê tɛ́ ɛn nɔrɔ de ha sé hê Dagwi. 17Yaga ma sé sangal e ji nesa na Kristi Yɛsu, ko me tɔk ra kaa e ra fwom de me ra a Dagwi. 18Mê kyɛm me hanat e ra pyɛ cak wɛt sɛ̌ e rà pyɛ de Kristi a ga ra yi na me, na a tɛ̀, me vey na bemât yére dyuk na be gyeng hâ Dagwi. Ma tɛ̀ ɛn be vey yi na pyɛ de ma ga ha tanga yemo de ma ga ra. 19Ma to ra ano yi na retô pyɛ̂ langat tanga hê pyɛ̂ bes, na yi na retô Gabik Dagwi arɔng. Ano kwong, e ji kwɛngɛl hom yi e Yɛrusalɛm mwa vɔk e yɛnɛ̂ sevwêl Ilirikum, ma ga shara Yɛgɛt Yat e ra Kristi e hwomo mwa. 20Gbɔng pyɛ de ma tɛ̀ e yey hom kayɛ jeng ya sé wɔgɔ, me shara Yɛgɛt Yat e kwɔn de bá kana tɔk ɛ̀ pyɛ cak e ra Kristi wɛt. Ma tɛ̀ e yey hom ano, yaga na me ra fwom de gwa sé sede ma sé lɔk e ra retis de mwat hwak a ga kana tɛ̀ wɛt. 21Sede remo de bà jɛk e Bwok-basa Dagwi wɔgɔ,
“Bemat de ba ga kana ha a yɛn e ra yɛ wɛt,
yɛn a rɔda di;
ko vemo de ba ga kana wok há mɛ wɛt,
yɛn a rɔda tɔk.”
Bulus a yong ɛ̀ na a wɔ́ e Roma
22Pyɛ ma yane de ya ga dulus me zang pyak nà vey na yin. 23Ko a remo, vit a bwang kwɔn hak de ma rɔda ra ɛ̀ fwom e neyɛnɛ̂ bavwel vemo. Ko sede remo de a ga tɛ̀ neshey pyak de ma vɔk cwey di in, 24ma ga yong ɛ̀, ma rɔda ra ano jeng de me kyè vɔk e Ɛspanya#15:24 Ɛspanya: wɔgɔ: Spain e lêm BeLasara.. Ma sɛt yey hom, na me bin vey di in jeng de ma sé kwey e hane. E bama de ma wok netâ sangal na yin jeng tyɔng, ko me simo na yin a sɛlɛ me e kwɛngɛl hom vɔk e hwomo. 25Ko a remo, ma sé kaba gwong vɔk e Yɛrusalɛm na me wɔ̀ nɔ̂ng bemât Dagwi sɛlɛ e hwomo. 26Yaga bemat-raà neyɛnɛ̂ bavwêl Makedonya na Akaya yɛn a wok netâ nɔ̂ng nɔrɔ̂ yey pyɛng yaga bepɛng de ba sé e ji bemât Dagwi e Yɛrusalɛm. 27Yɛn a wok netâ ra ano, ko e ji hâ mwin, a sé fwom mɛn na yɛn a ra ano. Yaga, sede remo de bemât yére dyuk yɛn a sɛ̀ numo mɛn hê nerât Gabik Dagwi de na sé ne BeYuda, ko a sé tyɛng na BeYuda arɔng be sɛ̀ numo mɛn hê pyɛ́ ryat yê jey yemo de bemât yére dyuk ba vɔk arɔng. 28Ano kwong, e bama de ma ga tala fwom gwomo, ko ma ga nára a yɛn nɔrɔ de ba ga tula yaga yɛn, ma rɔda kyè vɔk e Ɛspanya, ko mê pe di in e gwong vɔk e hwomo mo. 29Ma tɔk wɔgɔ, jeng de ma rɔda ba wul na yin, ma rɔda vey nɔng in nerât Kristi de na sila e kagwɛ gwong.
30À begwa, yaga Darwey mot Yɛsu Kristi, ko yaga tɛ̂ yey de Gabik Dagwi ha dura a wot, ma sé shonong e ra yin wɔgɔ, yin wuna hin tanga me e ji pyɛ de ma sé re yɔ́m e de râ yɛ. Wuna hin ano yi na râ won vɔk na Dagwi yaga me. 31Rá in won, yaga na me bin sǎ tyang yi e vɔ bemât yɛnɛ̂ sevwêl Yudiya de ba sey tsak o wɛt. Yin to ra hɛ arɔng, yaga na bemât Dagwi e Yɛrusalɛm be sey sɛlɛ hom na yey pyɛng. 32Ano kwong, ka sede Dagwi a simo, ma rɔda vey na yin na yey pyɛng, ko a rɔda to yang me wɛng-wɛng jeng de ma sé na yin. 33Me ra won, yaga na Dagwi de e tɛ̀sɛ neyey bemat ne dyɛng a sè tanga yin mwa. Ano.
Currently Selected:
Roma 15: bomBI
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
Roma 15
15
Pɛngɛ hin a bemín yey
1Wot vemo de wot e tumal gak e ra rehâ pyɛ̂ Dagwi, a sé gbing-gbing na wot a sɛlɛ vemo de be tumal gak wɛt e kwɔn de yɛn a radɛ hɛn ɛ̀. Wot ra pyɛ de yê pɛngɛ a wot yey zɔng wɛt. 2Tik na kawɛ e ji mot a ra pyɛ de ya sé ryat yaga mumwɛ, na a pɛngɛ a yɛ yey. A ra ano, yaga na a sɛlɛ hɛ na a re nuyel e tɔ̂k pyɛ̂ Dagwi. 3Yaga Kristi pyɛ mɛ a ka ra pyɛ de ya pɛngɛ a yɛ yey wɛt. Ko bà jɛk e ra yɛ wɔgɔ, “Sedusâ vemo de ba ga dùsa hwo sa ga to ɛ e ra me.” 4Kayɛ pyɛ de bà jɛk e Bwok-basa Dagwi, bà jɛk yɛ, yaga na be basa a wot mɛ̀. Ba to jɛk yɛ, yaga na neha Bwok-basa mo ne tɛ̀ wot a niri, na ne to gwɛ̌ a wot gap arɔng. Ko yi ano, wot ê sɛt yey mot e ra Dagwi. 5Tik na Dagwi de e tɛ̀ bemat mɛ be niri, na a to gwɛ̌ a yɛn gap, a tɛ̀ in na yin a sè vining na bemín e de raà gwong de Kristi Yɛsu a dura a wot. 6Tik na a ra ano, yaga na yin mwa yin a bin nɔ̂ng Dagwi, yɛ Dâ Darwey mot Yɛsu Kristi, nerey na nu hining.
Yɛgɛt Yat yaga bemât yére dyuk
7Ano kwong, séy in bemín, tyɛng sede remo de Kristi a sey in, yaga na bemat be bin nɔ̂ng Dagwi nerey. 8Yaga ma sé ha a yin, Kristi a ga tɛ́ ɛ mwât fwom BeYuda, na a bin dura, há de Dagwi à kana ha ha sé mwin. A to tɛ́ ɛ mwât fwom, yaga na a sila mɛ̀ sira de à kana ra a bedabeda mɛn vê mɛsɛng o, 9yaga na bemât yére dyuk be nɔ̂ng Dagwi nerey, yaga a tosho reyɔm mɛn. Sede remo de bà jɛk e Bwok-basa Dagwi wɔgɔ,
“Pyɛ ma yemo de ya tɛ̀,
ma rɔda somo hwo e tê bemât yére dyuk;
ma rɔda ra lɛlɛ na me somo mɛ̀ reza mō.”
10Bà to jɛk,
“À yin bemât yére dyuk, vɔk in yey pyɛng tanga bemât Dagwi!”
11Ko bà to jɛk,
“À yin bemât yére dyuk mwa hin,
somo hin Darwey!
Tik na mwa yére bemat jey be somo hɛ arɔng!”
12Yɛshaya à ye arɔng,
“Yerê Yɛsɛ ya rɔda vey,
yɛ a rɔda sogo na a re negwɔm e ra yére bemat jey.
Ko bemât yére dyuk bê sɛt yey mɛn e ra yɛ.”
13Tik na Dagwi de e tɛ̀sɛ bemat be sɛt yey mɛn e ra yɛ a sila hin na yey pyɛng sizɔng, na a tɛ̀ yey min ye dyɛng arɔng, yaga yin a sey tsak o na yɛ. Tik na a ra ano, yaga na yin a gwɛ̌ sɛt yey min e ra yɛ yi na retô Gabik Jɛrɛ.
Bulus, mwât fwôm Kristi vɔk na bemât yére dyuk
14À begwa hom, me pyɛ hom ma tɔk tsɛng-tsɛng, yin pyɛ min yin a sé berat sizɔng. Yin a tɔk pyɛ̂ mwa de Dagwi e simo, ko yin a vey, na yin a basa a bemin. 15Ko mwa ano, ma ga jɛk a yin na jɛk de ha nusu wɛshɛrɛk e ra neha nehak, yaga na me to gwɛ̌ bare a yin na nɛ. Ma ga jɛk ano yaga nɔrɔ de Dagwi a nɔng me yi na nerat mɛ 16wɔgɔ, ma sé mwât fwom wo Kristi Yɛsu vɔk na bemât yére dyuk. Ma sé ra fwom yere gwô piris e de sharâ Yɛgɛt Yat mɛ, yaga na bemât yére dyuk be bin tɛ́ ɛn sede nɔrɔ̂ yas de be yɛt vɔk na Dagwi, hemo de a rɔda sey hɛ. A sé yi na Gabik Jɛrɛ de yɛn ê tɛ́ ɛn nɔrɔ de ha sé hê Dagwi. 17Yaga ma sé sangal e ji nesa na Kristi Yɛsu, ko me tɔk ra kaa e ra fwom de me ra a Dagwi. 18Mê kyɛm me hanat e ra pyɛ cak wɛt sɛ̌ e rà pyɛ de Kristi a ga ra yi na me, na a tɛ̀, me vey na bemât yére dyuk na be gyeng hâ Dagwi. Ma tɛ̀ ɛn be vey yi na pyɛ de ma ga ha tanga yemo de ma ga ra. 19Ma to ra ano yi na retô pyɛ̂ langat tanga hê pyɛ̂ bes, na yi na retô Gabik Dagwi arɔng. Ano kwong, e ji kwɛngɛl hom yi e Yɛrusalɛm mwa vɔk e yɛnɛ̂ sevwêl Ilirikum, ma ga shara Yɛgɛt Yat e ra Kristi e hwomo mwa. 20Gbɔng pyɛ de ma tɛ̀ e yey hom kayɛ jeng ya sé wɔgɔ, me shara Yɛgɛt Yat e kwɔn de bá kana tɔk ɛ̀ pyɛ cak e ra Kristi wɛt. Ma tɛ̀ e yey hom ano, yaga na me ra fwom de gwa sé sede ma sé lɔk e ra retis de mwat hwak a ga kana tɛ̀ wɛt. 21Sede remo de bà jɛk e Bwok-basa Dagwi wɔgɔ,
“Bemat de ba ga kana ha a yɛn e ra yɛ wɛt,
yɛn a rɔda di;
ko vemo de ba ga kana wok há mɛ wɛt,
yɛn a rɔda tɔk.”
Bulus a yong ɛ̀ na a wɔ́ e Roma
22Pyɛ ma yane de ya ga dulus me zang pyak nà vey na yin. 23Ko a remo, vit a bwang kwɔn hak de ma rɔda ra ɛ̀ fwom e neyɛnɛ̂ bavwel vemo. Ko sede remo de a ga tɛ̀ neshey pyak de ma vɔk cwey di in, 24ma ga yong ɛ̀, ma rɔda ra ano jeng de me kyè vɔk e Ɛspanya#15:24 Ɛspanya: wɔgɔ: Spain e lêm BeLasara.. Ma sɛt yey hom, na me bin vey di in jeng de ma sé kwey e hane. E bama de ma wok netâ sangal na yin jeng tyɔng, ko me simo na yin a sɛlɛ me e kwɛngɛl hom vɔk e hwomo. 25Ko a remo, ma sé kaba gwong vɔk e Yɛrusalɛm na me wɔ̀ nɔ̂ng bemât Dagwi sɛlɛ e hwomo. 26Yaga bemat-raà neyɛnɛ̂ bavwêl Makedonya na Akaya yɛn a wok netâ nɔ̂ng nɔrɔ̂ yey pyɛng yaga bepɛng de ba sé e ji bemât Dagwi e Yɛrusalɛm. 27Yɛn a wok netâ ra ano, ko e ji hâ mwin, a sé fwom mɛn na yɛn a ra ano. Yaga, sede remo de bemât yére dyuk yɛn a sɛ̀ numo mɛn hê nerât Gabik Dagwi de na sé ne BeYuda, ko a sé tyɛng na BeYuda arɔng be sɛ̀ numo mɛn hê pyɛ́ ryat yê jey yemo de bemât yére dyuk ba vɔk arɔng. 28Ano kwong, e bama de ma ga tala fwom gwomo, ko ma ga nára a yɛn nɔrɔ de ba ga tula yaga yɛn, ma rɔda kyè vɔk e Ɛspanya, ko mê pe di in e gwong vɔk e hwomo mo. 29Ma tɔk wɔgɔ, jeng de ma rɔda ba wul na yin, ma rɔda vey nɔng in nerât Kristi de na sila e kagwɛ gwong.
30À begwa, yaga Darwey mot Yɛsu Kristi, ko yaga tɛ̂ yey de Gabik Dagwi ha dura a wot, ma sé shonong e ra yin wɔgɔ, yin wuna hin tanga me e ji pyɛ de ma sé re yɔ́m e de râ yɛ. Wuna hin ano yi na râ won vɔk na Dagwi yaga me. 31Rá in won, yaga na me bin sǎ tyang yi e vɔ bemât yɛnɛ̂ sevwêl Yudiya de ba sey tsak o wɛt. Yin to ra hɛ arɔng, yaga na bemât Dagwi e Yɛrusalɛm be sey sɛlɛ hom na yey pyɛng. 32Ano kwong, ka sede Dagwi a simo, ma rɔda vey na yin na yey pyɛng, ko a rɔda to yang me wɛng-wɛng jeng de ma sé na yin. 33Me ra won, yaga na Dagwi de e tɛ̀sɛ neyey bemat ne dyɛng a sè tanga yin mwa. Ano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust