PA’PUDIAN 52
52
Dalle’na misa’ to masa’ga’ tu ullangdo to masallo’
52:1-11
1Lu lakona pangala sengo. Misa’ gelong bangunan ada’na Daud.
2Tonna sae tu Doëg, to Edom, umpokadanni Saul, nakua: Lanmo banuanna Ahimelekh tu Daud.
3E to masa’ga’, ma’apari ammu sattuanra kalemu diona kakadakean?
Iatu kamasokananNa Puang Matua inang tang tileluk.
4Iatu tongka’ dililamu undaka’ bang kasanggangan,
susi piso peku’ku’ mataran,
e iko to umparri-parri kalando-pa’duan.
5Mubudanan tu kakadakean anna iatu kameloan,
sia mubudanan tu kamo’rangan anna iatu ussa’bu’ tonganna. Sela
6Muporai ussa’bu’ kada mesanggangi sia muporai tu sadang mo’rang.
7Iamoto anna la urrebong-rebongko Puang Matua sae lakona,
la Nala’ka’iko anna pentu’murangko lan mai tendamu,
sia la Naurakkiko lan mai tondok nanii to tuo. Sela
8Iatu to malambu’ la natiro tu iannato situang taku’na,
anna petaai nakua:
9Tiromi, iamote tu to tang umpotambakuku Puang Matua,
sangadinna sande’ lako ianan makambanna,
sia ussanga kalena matoto’,
tete dio kakadakeanna.
10Apa aku te butungna’ garonto’ saitun maluna
lan banuanNa Puang Matua;
kuposande’ tu kamasokananNa
Puang Matua sae lakona.
11Tang ka’tuna’ la umpudiKomi,
belanna mangkamo Mipogau’ tu iannato,
sia la kupeagi tu sangamMi belanna napomelo mintu’ to naala penaamMi.
Currently Selected:
PA’PUDIAN 52: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
