1 SAMUEL 7
7
1 # 2Sam 6.2-4; 1A.Pet 13.5-7 Ki pwa anyun piigap Kiriath-Jearim ak koip moingetap Kamuktaindet ne Toroor kotogosta. Ki ip kwo kootap Abinadab eng' tulweet ak kotabaan `Eleazar weeriinnyi si koriip moingetap Kamuktaindet ne Toroor.
Korwoochi Samuel eng' Israel
2Kichaang'it peetuusyek kobooch ngo tebee moinget Kiriath-Jearim; ki ek kenyiisyek tiptem, ak ki riirchi koot tugul ne po Israel Kamuktaindet ne Toroor.
3Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.” 4Ki isto anyun `piigap Israel Baalik ak Astarot ak koot Kamuktaindet ne Toroor ineegei.
5Ki le Samuel, “Oyumji Israel tugul Mispa, si kobiit asaiywok Kamuktaindet ne Toroor.” 6Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.
7Kingo kas Philistiik kole koiyumgei piigap Israel eng' Mispa, koba kiptainigap Philistiik kotogosta kobargei ak Israel. Ak kingo kas piigap Israel, koywei Philistiik. 8Ki leenji `piigap Israel Samuel, “Amebagaakte iriirchi Kamuktaindet ne Toroor, Kamuktaindennyo agobo acheek, si kosarwech eng' eunegap Philistiik.” 9Ki nam Samuel aarwetap keechiir ne reryei ak kogoito komugul koek kagoochinet ne kibeeljin Kamuktaindet ne Toroor. Ak ki riirchi `Samuel Kamuktaindet ne Toroor agobo Israel ak ki wolji `Kamuktaindet ne Toroor ineendet. 10Ye kingo ta kogoitoi Samuel kagoochinet ne kibeelei, koriik Philistiik kobwa kobargei ak Israel. Ago kitulji `Kamuktaindet ne Toroor Philistiik eng' tuleet ne oo peetuunooto ak konyaliil icheek ak ki kibar eng' taitap Israel. 11Ki manda piigap Israel eng' Mispa koba koon Philistiik ak kobarat agoi koit Beth-ka keel.
12Ki nam `Samuel koita konde kwenutap Mispa ak Sen, ak koguuree kainennyi Eben-haezer kole, “Agoi nguno ko ki kotoretech Kamuktaindet ne Toroor.” 13Ki kiterteer anyun Philistiik, ak matagai kobwa kogeny kosiir kiwotetap Israel. Ki kirinda `Kamuktaindet ne Toroor Philistiik eng' peetuusyek tugul che po Samuel. 14Ki kiweekyi Israel nganasook che kiga koibe Philistiik, kobooch Ekron kot koit Gath, ak ki iweek Israel kiwotennyi eng' eutap Philistiik. Ki piit kaalyeet eng' kwenutap Israel ak Amorik.
15Ki irwookyi `Samuel Israel eng' peetuusyek tugul che po sabeennyi. 16Kiwendi eng' kenyiit age tugul komuutoti Bethel, Gilgal ak Mispa, ak ki irwookyi Israel eng' komoswechooto tugul.
17Kiweekyingei Ramah, amu kimi koonnyi yooto ak ki irwookyi Israel eng' olooto, ak kiteekyi Kamuktaindet ne Toroor kaptisisyet eng' yooto.
Currently Selected:
1 SAMUEL 7: KALDC
Highlight
Share
Compare
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.
