ROMANIK Ng'aleek che Indou
Ng'aleek che Indou
Ki sirei Paulo parwaani kosirchin Kristyanik eng' Rome kosupkei ak panda ne kichobei korutochi icheek. Ki ineet icheek kole magaat piik tugul eng' ng'wony, ngo chii ne salu pororyetap Israel anan ko pororyosyek alak konyoor atebeet ne nyolunot eng' taitap Kamuktaindet amu icheek tugul koma mi ne ititaat. Ooreet ne ki ityinen icheek atebonooto iyanaat ko eng' kayaneet eng' Jeso Kristo.
Eng' let ko ki sir Paulo agobo ole nyolundoi kotepto kayanindet age tugul miising' ko atebeet ne nyolu koting'eegei Kristyanik icheegei eng' icheegei.
Teteetap Kaneetutik
Ng'aleek che indou 1:1-17
Mageet agobo saruunet 1:18—3:20
Ooreetap Kamuktaindet ne po saruunet 3:21—4:25
Sabeet ne leel eng' Kristo 5:1—8:39
Tetutyetap Kamuktaindet agobo Israel 9:1—11:36
Atebeet ne po kayanindet 12:1—15:13
Ng'aleek che po let 15:14—16:27
Currently Selected:
ROMANIK Ng'aleek che Indou: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019