TYENWOGIGAP KALASUNET 148
148
Ingolas yaet komugul Kamuktaindet
1Olasu Kamuktaindet ne Toroor!
Olasu Kamuktaindet ne Toroor eng' kipsengwet;
olasu ineendet eng' komoswek che torooreen.
2Olasu ineendet, okweek malaikaisyekyik tugul;
olasu ineendet, okweek lugosyekyik tugul.
3Olasu ineendet, okweek asiista ak arawet;
olasu ineendet, okweek kecheik tugul che oo po lapkeiyet.
4Olasu ineendet, okweek kipsengwetisyegap kipsengwet,
ak okweek peek che omi paragutap kipsengwet.
5Ingolas icheek kainetap Kamuktaindet ne Toroor,
amu ki ng'at, ak ki yaogis.
6Kigogimiit `inee chooto kotebi koigeny ak koigeny;
ki koyai ng'atuutyet ne ma igeesugei.
7Olasu Kamuktaindet ne Toroor eng' ng'wony,
okweek maswetisyek ak rirosyek tugul.
8Olasu maat ak koiyat, teluji ak kibungweret;
ak kipchurchuryet ye osuldochini ng'olyoondennyi.
9Olasu okweek tuloonook ak tuloonook che mengeechen;
keetiik che iytos, ak taragonik tugul!
10Tyong'ik ak tuuga tugul;
tuguuk che ichuutegei ng'wony ak toriitik che tirirendos!
11Laitorinigap ng'wony ak pororyosyek tugul;
pounik ak kirwoogik tugul che po ng'wony!
12Murenik ak tiibiik;
poisyek ak lagok!
13Ingolas icheek kainetap Kamuktaindet ne Toroor;
amu kainennyi ineegei ne itoroorot:
siirei toroornatennyi ng'wony ak kipsengwet.
14Ak ki kotoroor kuinetap piikyik,
kalasunetap piikyik tugul che tiliileen;
agot lagogap Israel, piik che neegitee ineendet.
Olasu Kamuktaindet ne Toroor!
Currently Selected:
TYENWOGIGAP KALASUNET 148: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
