MATAYO 6
6
Kagoochinoik che kigoitoi
1 # Mat 23.5 Oriipkei si moyai imandang'wong' eng' taitap piik ole si kogeerok icheek; amu ngo yai ko uu nooto ko monyooru melekto kobun Kwandang'wong' ne mi kipsengwet.
2Ko uu nooto anyun, ye igoite kagoochinoiguk che po toreteet, ko mat iguutyi igoondit ko uu ye yaei chombilik eng' sinagogisyek ak ortinwek si kobiit kolas piik. Amwaiwok iman ale, kagonyoor icheek melektanywa. 3Ago ye igoite kagoochinoik, ko mat konai eung'ung' ne po kaataam kiit ne yaei eung'ung' ne po tai, 4si kobiit kobunji ung'oot kagoochinoiguk; ak kogoonin melekto Kwandang'ung' ne keerei eng' ung'oot.
Koneeti Jeso agobo Saaet
(Luk 12:2-4)
5 # Luk 18.10-14 Ak ye osaae, ko moigei chombilik; amu chamei icheek kosaaei kotonondos eng' sinagogisyek ak pesiap oor si kobiit kogeer piik icheek. Amwaiwok iman ale, kagonyoor icheek melektanywa. 6Ago ye imache isaa inyee, iwe koong'ung' oriit, ak ye kaiger kurgeet, isaa Kwandang'ung' ne mi eng' ung'oot, ak kogoonin melekto Kwandang'ung' ne keerei eng' ung'oot.
7Ak ye osaae, ko mat otes ng'aleek puch, ko uu ye yaei pororyosyek; amu leen kigasyin icheek amu chaang'indap ng'aleekwak. 8Nooto anyun amoigei icheek; amu ingen Kwandang'wong' tuguuk che omache, kotom osoom. 9Nooto anyun osaa ko uu ni:
“Kwandanyo ne mi kipsengwet;
Ingoloosunok kaineng'ung'.
10Ingonyo laitornateng'ung'.
Ingoyaak mageng'ung' eng' ng'wony ko uu ye yaaksei eng' kipsengwet.
11Koonech ra amitwogikyok che po kotugul.
12Ak inyoiywech kaat lelutikyok,
ko uu ye kinyochini kaat che lelweech.
13Amemutech ole mi yoomseet, ago sarwech eng' ne ya.”
[Amu neng'ung' laitornatet, ak kamuktaet, ak toroornatet, agoi koigeny. Amen.]
14 # Mar 11.25-26 Amu ngo nyochini kaat piik kachiliilutikwak, konyoiywok kaat agine Kwandang'wong' ne po kipsengwet. 15Ago ngo monyochini kaat piik kachiliilutikwak, koma nyoiywok kaat agine Kwandang'wong' kachiliilutikwok.
Karugutetapkei
16Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa. 17Ago ye irugutkei inyee, iil meting'ung' ak iun togeng'ung', 18si ma keer piik kole irugutige, ago keerei Kwandang'ung' ne mi eng' ung'oot; ak kogoonin melekto Kwandang'ung' ne keerei eng' ung'oot.
Konoraik
(Luk 12:33-34)
19 # Jak 5.2-3 Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor; 20ago ogonorchigei konoraik eng' kipsengwet, ole ma amei kuutik anan kong'em kutuuk, ak ole ma putei chooriik ak kochoor; 21amu ole mi konorweng'ung', komiitei olooto muguleldang'ung' agine.
Lapkeiyetap Poorto
(Luk 12:33-34)
22Taitap poorto konda; nooto anyun, ngo myee kondang'ung', ko nyiitaat poortang'ung' komugul lapkeiyet. 23Ago ngo ya kondang'ung', ko nyiitaat poortang'ung' komugul mesundeito. Nooto anyun, ngot koek mesundeito lapkeiyet ne mi oriing'ung', ko oo mesundeoto ne tya anyun!
Kaberuuret
(Luk 16:13)
24Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.
Kereerwegap Met
(Luk 12:22-31)
25Amwaiwok anyun ale, mogereer met agobo sabeeng'wong' eng' che oame anan che oee, anan agobo che olaachi eng' poorwekwok. Tos ma siirei saboondo amitwogik, ak ma siirei poorto ngoroik? 26Ogeer toriitik che po parak; ma kolsei ama kesisyei ama iyumjin choge, ak kobaei icheek Kwandang'wong' ne po kipsengwet. Tos ma oo koigoi okweek miising' osiir icheek? 27Ak imuuchi ng'oo ne kereri met eng' okweek kotesyi koindonyi kakwautyet agenge ne po euut?
28Ak amu nee anyun si ogereer met agobo ngoroik? Obwaat taaptook che po keeweet, ole pititoi; ma poisyei anan koletis, 29#1Lai 10.4-7; 2A.Pet 9.3-6 ago amwaiwok ale, agot Solomon eng' talbistanyi tugul ko ki ma kolumegei ko uu age eng' chu. 30Ago ngo laakyin Kamuktaindet ko uu nooto susweek che po keeweet, che mi rani ak mutai kewiirchi ma, ko tos mayaiywok ko uu nooto kosiir, okweek che otinye kayaneet ne ming'in?
31Nooto anyun amogereer met, ole, “Ki ame nee?” Anan, “Ki ee nee?” Anan, “Kilaachi nee?” 32Amu cheeng'ei tuguuchu tugul Pororyosyek; amu ingen Kwandang'wong' ne po kipsengwet kole omokyinigei tuguuchu tugul. 33Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul. 34Nooto anyun amogereer met agobo mutai, amu kerere met mutaut agobo kei. Yamei peetuut yaityennyi.
Currently Selected:
MATAYO 6: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019