JEREMIAH 24
24
Kitongok aeng' che po mogoonik
1 # 2Lai 24.12-16; 2A.Pet 36.10 Ki iboorwo Kamuktaindet ne Toroor kitongok aeng' che po logoegap mogoonik che ki kinde taitap Hekaluutap Kamuktaindet ne Toroor; kingo kagoluul Nebukadresar laitoryatap Babilon, Jekoniah weeriitap Jehoiakim, laitoryatap Judah, kobooto pounigap Judah, kobooto musogik ak kitang'ik, kobunu Jerusalem, koba Babilon. 2Ki mi kitonget age logoegap mogoonik che korooron miising', ko uu tongoanigap mogoonik: ak kimi kitonget age logoek che yaacheen miising' che po mogoonik, che ki ma kimuuchi keam, kiyaachen miising'. 3Yeityo koleenjo Kamuktaindet ne Toroor, Igeere nee, Jeremiah? Ak ki ale, Logoegap mogoonik; logoek che myachen, che korooron miising', ak che yaacheen, ko yaacheen miising', che ma kimuuchi keam, yaacheen kot.
4Ak ki nyoonjo ng'olyootap Kamuktaindet ne Toroor koleenjo, 5Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo. 6Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu. 7Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.
8Ak ko uu kiit ne uu logoechu yaacheen po mogoonik, che ma kimuuchi keam, amu yaacheen miising'; mwaei Kamuktaindet ne Toroor iman kole, ko uu nooto agoitoi Zedekiah laitoryatap Judah, ak pounikyik, ak che ng'etu che po Jerusalem, che ng'etu eng' emoni, ak icheek che menyei emetap Misiri: 9agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek. 10Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.
Currently Selected:
JEREMIAH 24: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
