ISAIAH 6
6
Keguurei ak ki tiliili Isaiah
1 # 2Lai 15.7; 2A.Pet 26.23 Eng' kenyiit ne kimee Laitoryat Uzziah, ageer Kiptaiyat kotebee ng'echereetap laitornatet, kotoroor ak komi parak, ak ki nyi ngoryennyi Hekaluut. 2Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'. 3#Ng'a 4.8 Ak kitwekyi `age age koleenji:
“Tiliil, tiliil, tiliil, Kamuktaindet ne Toroor ne po lugoosyek;
nyiitaat ng'wony komugul toroornatennyi.”
4 # Ng'a 15.8 Ki itumdumgei lumeiywegap tugatugigap kurgeet amu tuugeetap ineendet ne kitwek, ak ki nyi koot iyeto.
5Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”
6Kitirirenjo anyun age eng' seraphik, kotinyei ng'etetyot eng' eunnyi, ne ki inemune kanameiywot eng' kaptisisyet. 7Ak kitwae kutinnyu, ak kole, “Keero, kagotwa kuting'ung' niito; kageisto tengektong'ung', ak kagiundo ng'oogistong'ung'.”
8Ki agas kutitap Kiptaiyat koleen, “Ayookte ng'oo, ak ng'oo ne wendi agobo acheek?” Ki ale anyun, “Ami yu! Iyookto.” 9#Mat 13.14-15; Mar 4.12; Luk 8.10; Jhn 12.40; Poi 28.26-27 Ak ki le, ui, ak imwachi pichu ileenji
ogase iman, ago moguitosi;
ak ogeere iman, ago monae.
10Yai mugulelwegap pichu konyigiisitu,
ak kotimogis itiikwak,
ak kogerogis konyekwak,
si ma keertoe konyekwak,
ama kastoe itiikwak,
anan koguiyo eng' mugulelwekwak,
ak kowalogis, ak kisoop. 11Ki ateebee anyun, ale, “Ee Kiptaiyat, tyanitu?” Ak ki wol kole,
“Agoi tuun koguber nganasook
kot koma komi piik kooriik,
ak koek emet kipkubere miising'
12ko kagouto `Kamuktaindet ne Toroor piik koba ole loo.
Ak kochang'a emotinwek che kigemeto eng' emet.
13Ak ngot kota komi kebeberta agenge eng' taman,
keamei kogeny,
keetit ne kiguure alayet anan keetit age ne uu tarakwet,
che ng'etu musugikwak
ye kageep.”
Uu nooto musugyet, iyoteet ne tiliil ko tigitikyik.
Currently Selected:
ISAIAH 6: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
