Popular Bible Verses from ISAIAH 6

Share

Ki agas kutitap Kiptaiyat koleen, “Ayookte ng'oo, ak ng'oo ne wendi agobo acheek?” Ki ale anyun, “Ami yu! Iyookto.”

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

Eng' kenyiit ne kimee Laitoryat Uzziah, ageer Kiptaiyat kotebee ng'echereetap laitornatet, kotoroor ak komi parak, ak ki nyi ngoryennyi Hekaluut.

Ak kitwae kutinnyu, ak kole, “Keero, kagotwa kuting'ung' niito; kageisto tengektong'ung', ak kagiundo ng'oogistong'ung'.”

Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'.

Kitirirenjo anyun age eng' seraphik, kotinyei ng'etetyot eng' eunnyi, ne ki inemune kanameiywot eng' kaptisisyet.

Ak ki le, ui, ak imwachi pichu ileenji ogase iman, ago moguitosi; ak ogeere iman, ago monae.

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.