ISAIAH 3
3
Konyonjin kirwooget Judah ak Jerusalem
1Ogeer anyuno, istoi Kiptaiyat, Kamuktaindet ne Toroor ne po lugoosyek,
eng' Jerusalem ak Judah,
tiyeiywot ak tuguuk che kimang'u,
kobooto amitwogik tugul ak peek tugul,
2kobooto chiito ne kiim ak chiitap lugeet,
kirwoogindet ak maotyot,
chiito ne ng'oorsei ak poiyot,
3kobooto kiptaiyatap piik konom,
ak chiito ne konyitot,
kirwoogindet, musogindet ne ng'oom ak chepsogeiyot ne ng'oom.
4Agoochini lagok koek pounikwak,
ak koboi icheek `manyurunik.
5Ak tuun kiusei piik, usei `age age,
ak kous age tugul chiitap kokwennyi.
Sasei `lakwa poiyo,
ak kosas `chiito ne nyeraat chiito ne konyitot.
6Tuun namei `chii ng'eetap kamet
eng' kootap kwandanyi, koleenji,
“Ko uu ye itinye ngoroik,
ii egu pounindennyo,
ak kotebee ng'emisyoni eung'ung'!”
7Ago mwaei ineendet eng' peetuunooto kole,
“Ma egu kanyaindet;
amu ma mi koonnyu amitwogik anan ngoroik.
Moeeta aek pounindetap piik.”
8Amu kogong'emak Jerusalem,
ak kogobut Judah;
amu ki ingelelji Kamuktaindet ne Toroor
eng' ng'elyebwekwak ak eng' poisyonikwak,
koesyoi kimni toroornatennyi.
9Paoryanjin icheek togoochikwak;
ak komwaitoi tengekwogikwak ko uu Sodom, ma unyei.
Pwo eng' saboonwekwak!
Amu kagoyaakyigei yaityet.
10Omwachi ne po iman oleenji,
myeeitu eng' ineendet,
amu amei icheek logoegap poisyonikwak.
11Pwo eng' kiptengekyot!
Yaitu eng' ineendet;
amu kigoochin melektap poisyonigap eunekyik.
12Usei `lagok piikyuk,
ak koboi `kwonyiik icheek.
Ee piikyuk, koonin ichiliil piik che indoun,
ak kong'em pandap ortinweguk.
13Tononi Kamuktaindet ne Toroor kong'alaaldowok,
ak kotonon korwookyi piik.
14Chutei Kamuktaindet ne Toroor kirwooget,
korwookyin poisyegap piikyik ak pounigap piikyik: koleenji,
okweek che ki oam mbareetap sabibuk;
mi kooriikwok parunenigap kibananook.
15Lyon anyun, si osastoe piikyuk,
ak otyech togoochigap kibananook?
Mwaei Kiptaiyat Kamuktaindet ne Toroor ne po lugoosyek.
16Ki mwa kogeny Kamuktaindet ne Toroor kole:
“Amu menioti tiibiigap Zion,
ak kobendoti ko chuulotin kaatwekwak,
koberberisyote konyekwak,
kobendi ak kokwaisoti,
ak kocheiyoti keelyekwak,
17piree anyun Kiptaiyat tiibiigap Zion pokpogenetap metowekwak,
ak kong'aanyei `Kamuktaindet ne Toroor icheek koba aach ngor.”
18Istoi Kiptaiyat eng' peetuunooto karaaranindap mugurekwak, ak kwambelelik, ak kariik che po kaatit, 19munaok, kariigap eunek ak ngoroik che kitugegei, 20chepkuloik, sirimwek che po keelyek, angook che iuegei, sandugusyegap nyamdutik ak kariik che po itiik, 21peteinik ak munaok che korooron che po serut, 22ngoroik che korooron che po tuiyosyek, sumotik, angook che kitugegei, ratuutik, 23kioinik, katanit ne karaaran, chepkuloik ak angook alak.
24Ak tuun kigeeree nyamdutik che anyiny nunateet;
ak kogeeree pireneet, rogoet;
ak kogeeree suumeek che iletotin, poosto;
ak kogeeree angeet ne karaaran, kuniet ne kigermenegei;
ak kogeeree korooronindo, saremik.
25Kibare mureniguk rotwetap chok,
ak kebar piiguk che kiimeen eng' lugeet.
26Ak koriiryo ormariichokyik ak koteiyo;
ak koguber ak kotebee ng'wony.
Currently Selected:
ISAIAH 3: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
