AMDOINDET 2

Asenetap kabaibaetapkei

1Ki amwa eng' muguleldanyu ale, “Ara anyun, atyeme abaibaigei eng' poiboiyet: Abaibait eng' kiy ne myee.” Ago keero, ki ek puch niito agine. 2Ki amwa agobo roryot ale, Abusanateet ak agobo poiboiyet, ale, “Yaei nee?” 3Ki asyaach eng' muguleldanyu ole aboiboititoi poortanyu eng' divaik, kondoiywa muguleldanyu eng' utaatyet, ak ole anamdoi perberyo, kot amuuch ageer kiit ne nyoljin weeriigap piik koyai eng' kurereetap kipsengwet eng' peetuusyekwak tugul.

4 # 1Lai 10.23-27; 2A.Pet 9.22-27 Ki ayachigei poisyosyek che eecheen; ki ateekyigei kooriik; ki aminjige sabibuk; 5ki abatyige mbareenik ak achop ole kiuure, ak ki aminji yooto keetiik che po logoek alak tugul. 6Ki ayachigei tamboinik, si kobiit abise timiin ne ki kiminji keetiik. 7#1Lai 4.23 Ki aal otwogik che murenik ak che tiibiik, ak ki atinye otwogik che ki kisikyi koonnyu; ki atinye kogeny akwotisyek che chaang' che po tuuga ak che po keechiirek, kosiir tugul che ki indounena eng' Jerusalem. 8#1Lai 10.10,14-22 Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'. 9#1A.Pet 29.25 Ki aa oo anyun ak ki atesage asiir tugul che ki indounena eng' Jerusalem; ak ki atepte utaatyennyu. 10Ak ki ma aeete konyekyuk kiy age tugul ne kimach: ma aeete muguleldanyu poiboiyet age tugul, amu ki paibait muguleldanyu eng' poisyennyu tugul; ak ki niito kebebertanyu eng' poisyennyu tugul. 11Ki ageer anyun poisyonik tugul che ki ayai, ak poisyet ne kiga abirtochigei ayai. Ogeero, puch tugul ak kaimetapkei ne po puch ak ki ma komi keluno eng' kurereetap asiista.

12Ki awelelgei anyun acheeng' utaatyet, ak iywek ak perberyo. Tos nee ne imuuchi koyai chiito ne isubu laitoryat? Kobatee nooto ne ki keyai. 13Ki ageer anyun ale siirei utaatyet perberyo, ko uu ye siirei lapkeiyet mesundeito.

14Tinyei koonyek che keertoe ne utaat,

ak wendoti ne perber eng' mesundeito.

Agot eng' chooto ko ki ageer ale ityin kiit agenge icheek tugul. 15Ki ale anyun eng' muguleldanyu, “Ko uu ye ityin kioto ne perber, koityina agane, ak amu nee anyun si aek ne utaat kosiir? Ki amwa anyun eng' muguleldanyu ale, ‘puch niito agine.’ ” 16Amu ma kibwaati ne utaat agoi, ko uu ye ma kibwaati ne perber; amu tuun kiutye tugul eng' peetuusyek che pwoonei. Meei ne utaat agine ko uu ne perber! 17Ki awech anyun sabeet amu ki koono ng'wanindo poisyet ne kiyaei eng' kurereetap asiista. Amu puch tugul ak kaimetapkei ne po puch.

18Ki awech poisyennyu tugul ne ki abirtochigei eng' kurereetap asiista. Amu eng' ne matiny, ametochini chiito ne isubwo. 19Ak ng'oo ne ingen ngo tuun egu chiito ne utaat anan ko ne perber? Nganda uu nooto, ko tuun pou poisyennyu tugul ne koabirtochigei ak ne abartae ng'omnateet eng' kurereetap asiista. Puch niito agine. 20Ki awelelgei anyun ak agoochi muguleldanyu koaragen amu poisyet tugul ne ki abirtochigei eng' kurereetap asiista. 21Amu mi chiito ne yaei poisyennyi eng' ng'omnateet, kobooto naet, ak utaatyet; ago pagaakyin koek kebebertap chiito ne ma pirtochigei poisyet. Puch niito agine ak ko yaityet ne oo. 22Nee ne nyooru chiito eng' pirtoennyi pogei tugul, ak kaimetapkei ne po muguleldanyi, ne pirtochingei eng' kurereetap asiista? 23#Job 5.7; 14.1 Amu po arageneet peetuusyekyik tugul, ak ko po ng'wanindo poisyennyi. Ee, ma imuunyi muguleldanyi kemoi. Puch niito agine.

24 # Amd 3.13; 5.17; 9.7; Isa 56.12; Luk 12.19; 1Kor 15.32 Ma mi kiit ne kaigai eng' chiito kosiir koamis ak koeeiso, ak kobaibae saboondanyi tuguuk che myach eng' pirtoennyi pogei. Ki ageer kogeny ale punu niito eutap Kamuktaindet. 25Amu ng'oo ne imuuchi koamis, ng'oo ne imuuchi konyoor poiboiyet, kosiiro? 26#Job 32.8; Kale 2.6 Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

Currently Selected:

AMDOINDET 2: KAPR

Highlight

Copy

Compare