AMDOINDET 1

Puch tuguuk tugul

1Chu ng'aleegap Amdoindet, nooto weeriitap Daudi, ne ki laitoryat eng' Jerusalem.

2Mwaei Amdoindet kole,

“Puch, ma tilei kiy, puch, ma tilei kiy,

puch tugul.” 3Nee keljinet ne nyooru chiito,

eng' poisyonikyik tugul che yaei eng' kurereetap asiista?

4Siirtoi ibinda age ak nyoonei age,

ago tebyei ng'wony koigeny.

5Charu asiista ak kororokto;

ak choktoi kowendi ole charunee.

6Usyin usoonet murot tai,

ak koweek kwo murot kaataam,

weechegei kotugul eng' ole punooti,

ak koweeksei kogeny eng' ole pooch yiemutikyik.

7Rootyin `ainoosyek tugul nyanja,

ago manyiei nyanjet;

ole rootyin ainoosyek,

ko olooto ole weekyingei kogeny.

8Koonu ng'etatet tuguuk tugul;

ng'etatet ne ma imuuchi chii komwa.

Ma piyonyi konda che keerei,

amanyie itit, che kasei.

9Nooto ne ki kobiit, ko nooto neta kobiitu;

ak nooto ne ki keyai, ko nooto neta keyaei;

ama mi kiy ne taugei eng' kurereetap asiista.

10Tos mi kiy ne mwaei piik kole,

“Keer, tos ma taugei ni?”

Ki mi nooto kobooch keny, kotom kepiitu.

11Ma mi kabwaato agobo ibinwek che po tai;

ama ibwaati ibinwek che po let

che ta kobwanei,

eng' chooto che ta kobiitu.

Asenetap utaatyet

12Ki aa laitoryatap Israel eng' Jerusalem anee Amdoindet. 13Ki agiil muguleldanyu kocheeng' ak kosyach eng' utaatyet agobo tuguuk tugul che kiyaei eng' kurereetap kipsengwet. Ki igoochi Kamuktaindet weeriigap piik poisyet ne po nyalilda kotigone.

14Ki ageer poisyonik tugul che kiyaei eng' kurereetap asiista; ak ogeero, puch tugul: Uu oneetap koristo.

15Ma kimuuchi kilitit kiit ne kunuur;

ama kimuuchi kiit ne ma mi.

16 # 1Lai 4.29-31 Ki amwachi muguleldanyu aleenji, “Keero, koanyooru utaatyet ne oo kosiir tugul che ki indounena eng' Jerusalem: ee, ki kogeer miising' muguleldanyu utaatyet ak naet.”

17Ak ki agiil muguleldanyu konai ak koobeesyo utaatyet; konai iywek ak perberyo. Ago ki ageer kogeny ale kaimetapkei puch niito.

18Amu mi arageneet ne oo utaatyet ne oo:

ak tesei arageneet ineendet ne tesei ng'omnateet.

Currently Selected:

AMDOINDET 1: KAPR

Highlight

Copy

Compare