Kolosi 4
4
1Urata medep eŋane ware warekopeene, ŋine numa maine so bileka okan onikei, ŋine mo detmami, ŋinane ware ware Waomze suwaine eŋe yale waka weti qeliwo gemaike.
Meŋe Meŋen Wane Don
2Ŋine meŋe meŋen wane numa togoleka matogole ma gekei, paki, ŋine meŋen kakei, naso yewao baŋ detluk kaikei, eya wane ŋine diyam ŋine mau paki, meŋe meŋen gorop Kaisale oi bakomine kito okane gekei. 3Naso yewaoka Waomŋo ŋene qesiŋ ŋoniyakane, weneŋ meŋen kakei, paki mo Kaisaleŋo ŋenane numa maine lalage ŋebongi, eŋine kisi maep donine ra more Kristo wane don sane rawakone edanikene, don kisi eya yemo sogino san pake, naso iwao yemo mo wakonge, pakimo ŋei loutneŋo ka more, eya wane zok mi onmaike, kine eya wane ra more na mulap urumgo iwa bira nangoi metmaile. 4Eya wane ŋine meŋen kau qesiŋ nangi eweke more, na kisi maep eya didiwo maine ra qelaŋangale, Waom eŋe naŋane yalewa wet kemaike, na urata eya maine maikale.
5Ŋei qelaŋine mali malipene midaine doku tautau magu ŋadino gemami, eŋerop gekei, naso yewao ŋine numa bile so dereret tanik manik koboboine okanikei, ŋine naso baŋem ewek luke more, eŋe Yesu Kristo wane numa me tanik manik bile eya sikan onikei. 6Naso baŋem ŋine don maineka raikei, ŋei don kinekine desikei wane onmaike, eya raikei, paki ŋine maine detlukeu paki, don koboboine ŋei korop mainge ebonikei.
Tikikus So Onesimus Erane Don
7Ŋenane kima maepze Tikikus, eŋe urata ŋei mayakakatne, so eŋe Waom wane uratao qelit ŋei kimaze weku mane, oŋo urata kinekine mamaile eya wane donkisi baŋ ŋidaniyake. 8Eya wane na eŋe talekawe ŋinano umaike, ŋene korop iwa daleo gemaine, ŋenane don tanik manikze so kineze eya wane ŋidaniyake, so eŋe don ŋidane more, eŋe ŋinane wet mali malip ŋine, eya korop ma togoleyake. 9Eŋerop weneŋ birakawe uyake, yemo Onesimus, eŋe ŋenane kima maepze mayakakatne, eŋe ŋinane maguwo ŋine ere Kolosi ŋinane kimat keŋine, eto kinekine iwa wakonmaike, eya wane don kisi baŋ korop okanŋunikeik.
Don Qoiqoino Pauloŋo Kaiwe Maine Ebonge
10Aristarkus, eŋe narop mulap urumgo weneŋ metmaite, oŋo ŋine kaiwe maine ŋibonmaike, so Mareko eŋe Barnabas wane ŋeweune, eŋe yale waka ŋine kaiwe maine ŋibonmaike, ŋine eŋane don kisiine mo ra ŋidanbe detkoi, wane ŋinano u lotkeyakeo, yemo ŋine kima okane more oi bakom okankakei. 11Yosuwa, eŋetine mane Yustus, eŋe yalewaka ŋine kaiwe maine ra ŋibonmaike. Ŋei iwa eŋe Yuda ŋei, eŋe karewe ŋoka narop Kaisale qeli ewe zonom inane urata mamaine, so eŋe koropŋo zok urata suwaine manerop qesiŋ nangoi.
12Epaprasŋo kaiwe maine ra ŋibonmaike, eŋe ŋinane maguwo ŋine ŋinŋine kima ŋine, so eŋe Kristo Yesu wane qelit ŋei, eŋe naso baŋem ŋinane ra gereunerop meŋenka okanmaike, eŋe Kaisale meŋen kaki, oŋo ŋibuki ŋine doku tautau magu wele okane more gesoke togole ŋei okora okorao lalipke okorakei, paki eŋane don wane rokopko kinekine detluke Kaisale wane simile yewaka mogare gekei. 13So na eŋane kineine maine ŋidanbe, eŋe urata togogole qesiŋ ŋune more ma okanmaike, ŋine so Laodikeya matko ŋine doku tautau ŋei ŋerep eŋane so Hiyerapolis matko ŋine eŋane weneŋ. 14Luka, ŋenane dokta maepze eŋane zok simin ŋonmageyake, eŋe so Demas ere kaiwe maine ra ŋibonmamik.
15Ŋene kaiwe maine ra ŋibonmaine, eya kima kopze Laodikeya matko gemami, so Nimpa so doku tautau magu Nimpa ŋerep kimaze mane wane matko lewaŋ okanmami eŋe ebonikene. 16Ge kibi iwa dapotnom qoeki, eya wane ŋadino ge desikene, eya yaleka doku tautau magu Laodikeya matko ŋine eŋano weneŋ dapotpi, eŋe desikei. Naso weku yewaoka, na kibi mane Laodikeya eŋano qe ebongole, eya weneŋ daposikei. 17So Akipus olasikei, ge Waom wano ŋine urata makone, eya manom qoe wareyake.
18Nae meteneŋo kibi sisinem de iwa qemaile, Na Pauloŋo kaiwe maine ŋibonmaile! Na mulap urumgo pamaile, eya desikei!
Kaisale wane dan gunutŋo maine ŋinano tako rakotpa ari payake. O, Weleka!
Currently Selected:
Kolosi 4: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Kolosi 4
4
1Urata medep eŋane ware warekopeene, ŋine numa maine so bileka okan onikei, ŋine mo detmami, ŋinane ware ware Waomze suwaine eŋe yale waka weti qeliwo gemaike.
Meŋe Meŋen Wane Don
2Ŋine meŋe meŋen wane numa togoleka matogole ma gekei, paki, ŋine meŋen kakei, naso yewao baŋ detluk kaikei, eya wane ŋine diyam ŋine mau paki, meŋe meŋen gorop Kaisale oi bakomine kito okane gekei. 3Naso yewaoka Waomŋo ŋene qesiŋ ŋoniyakane, weneŋ meŋen kakei, paki mo Kaisaleŋo ŋenane numa maine lalage ŋebongi, eŋine kisi maep donine ra more Kristo wane don sane rawakone edanikene, don kisi eya yemo sogino san pake, naso iwao yemo mo wakonge, pakimo ŋei loutneŋo ka more, eya wane zok mi onmaike, kine eya wane ra more na mulap urumgo iwa bira nangoi metmaile. 4Eya wane ŋine meŋen kau qesiŋ nangi eweke more, na kisi maep eya didiwo maine ra qelaŋangale, Waom eŋe naŋane yalewa wet kemaike, na urata eya maine maikale.
5Ŋei qelaŋine mali malipene midaine doku tautau magu ŋadino gemami, eŋerop gekei, naso yewao ŋine numa bile so dereret tanik manik koboboine okanikei, ŋine naso baŋem ewek luke more, eŋe Yesu Kristo wane numa me tanik manik bile eya sikan onikei. 6Naso baŋem ŋine don maineka raikei, ŋei don kinekine desikei wane onmaike, eya raikei, paki ŋine maine detlukeu paki, don koboboine ŋei korop mainge ebonikei.
Tikikus So Onesimus Erane Don
7Ŋenane kima maepze Tikikus, eŋe urata ŋei mayakakatne, so eŋe Waom wane uratao qelit ŋei kimaze weku mane, oŋo urata kinekine mamaile eya wane donkisi baŋ ŋidaniyake. 8Eya wane na eŋe talekawe ŋinano umaike, ŋene korop iwa daleo gemaine, ŋenane don tanik manikze so kineze eya wane ŋidaniyake, so eŋe don ŋidane more, eŋe ŋinane wet mali malip ŋine, eya korop ma togoleyake. 9Eŋerop weneŋ birakawe uyake, yemo Onesimus, eŋe ŋenane kima maepze mayakakatne, eŋe ŋinane maguwo ŋine ere Kolosi ŋinane kimat keŋine, eto kinekine iwa wakonmaike, eya wane don kisi baŋ korop okanŋunikeik.
Don Qoiqoino Pauloŋo Kaiwe Maine Ebonge
10Aristarkus, eŋe narop mulap urumgo weneŋ metmaite, oŋo ŋine kaiwe maine ŋibonmaike, so Mareko eŋe Barnabas wane ŋeweune, eŋe yale waka ŋine kaiwe maine ŋibonmaike, ŋine eŋane don kisiine mo ra ŋidanbe detkoi, wane ŋinano u lotkeyakeo, yemo ŋine kima okane more oi bakom okankakei. 11Yosuwa, eŋetine mane Yustus, eŋe yalewaka ŋine kaiwe maine ra ŋibonmaike. Ŋei iwa eŋe Yuda ŋei, eŋe karewe ŋoka narop Kaisale qeli ewe zonom inane urata mamaine, so eŋe koropŋo zok urata suwaine manerop qesiŋ nangoi.
12Epaprasŋo kaiwe maine ra ŋibonmaike, eŋe ŋinane maguwo ŋine ŋinŋine kima ŋine, so eŋe Kristo Yesu wane qelit ŋei, eŋe naso baŋem ŋinane ra gereunerop meŋenka okanmaike, eŋe Kaisale meŋen kaki, oŋo ŋibuki ŋine doku tautau magu wele okane more gesoke togole ŋei okora okorao lalipke okorakei, paki eŋane don wane rokopko kinekine detluke Kaisale wane simile yewaka mogare gekei. 13So na eŋane kineine maine ŋidanbe, eŋe urata togogole qesiŋ ŋune more ma okanmaike, ŋine so Laodikeya matko ŋine doku tautau ŋei ŋerep eŋane so Hiyerapolis matko ŋine eŋane weneŋ. 14Luka, ŋenane dokta maepze eŋane zok simin ŋonmageyake, eŋe so Demas ere kaiwe maine ra ŋibonmamik.
15Ŋene kaiwe maine ra ŋibonmaine, eya kima kopze Laodikeya matko gemami, so Nimpa so doku tautau magu Nimpa ŋerep kimaze mane wane matko lewaŋ okanmami eŋe ebonikene. 16Ge kibi iwa dapotnom qoeki, eya wane ŋadino ge desikene, eya yaleka doku tautau magu Laodikeya matko ŋine eŋano weneŋ dapotpi, eŋe desikei. Naso weku yewaoka, na kibi mane Laodikeya eŋano qe ebongole, eya weneŋ daposikei. 17So Akipus olasikei, ge Waom wano ŋine urata makone, eya manom qoe wareyake.
18Nae meteneŋo kibi sisinem de iwa qemaile, Na Pauloŋo kaiwe maine ŋibonmaile! Na mulap urumgo pamaile, eya desikei!
Kaisale wane dan gunutŋo maine ŋinano tako rakotpa ari payake. O, Weleka!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.