1 Tesalonaika 1
1
1Paulo, Sailas, so Timoti, ŋedo ŋei ŋerep doku tautau magu, Tesalonaika matko gemami, Kaisale Magak so Waom Yesu Kristo wane ŋei ŋerep, ŋinane kibi iwa qemaine, wet menaŋ so peyamŋo maine ŋinano payake.
Tesalonaika Magu Eŋane Gegeene So Mali Malipenane Pauloŋo Kaisale Bakomine Kitoke
2Ŋene naso baŋem korop ŋinane Kaisale bakomine kito okanmaine, so ŋinane meŋen meŋenzo eŋetŋine ŋidora meŋenka okanmaine. 3Ŋene Kaisale Magazane kaitko wetke ra wakone olat okanmaine, yemo ŋine mali malip-ŋinane urataine mau paki wele maratka okanmami, wet maep ŋineŋo qebin ŋungi mauluk mauluk urata togole ma okanmami, so wetŋine Waomze Yesu Kristo wano tako rakotka motpi paki tomaka gemami. 4Ŋene detmaine, kimakop, Kaisaleŋo wet maep okanŋungi paki, eŋine biŋek okanikei wane ŋibu tebaŋunge. 5Ŋedo kisi maep don ŋinano ma ukone eya ŋidanŋem detpi weku wane donka mi okange, ŋo yemo zonominerop so Asu Koboboinerop weneŋ okange, so maki koto ŋino eya wane weleine wakonge, ŋene ŋinane keuwo gege daleo gekone, eya ŋine mo detkamami, ŋine menaŋgei wane yale okangone. 6Ŋine ŋenane masi yewa mogare okangoi, so Waom wane masi yewa weneŋ mogare okangoi, so ŋine wikile zok manerop yaleka detkoi, paki ŋine Kaisale wane don dere ma nogankakoi, yemo Asu Koboboineŋo simile qe watŋungi makoi. 7Ŋine yale okanbi paki Makedoniya, so Akaiya kepeo ŋine ŋei ŋerep mali malip korop gekoi, eŋe alakane ebone more, numaene sikanongoi. 8Waom wane kisi maep donŋo ŋinano ŋine suwa ariki paki, Makedoniya so Akaiya kepeoka mi lotkeke, ŋo siluŋ ŋinane mali malipŋine Kaisale wano pamaike, don yewaŋo yemo, mat korop rokop-keki, ŋei ŋerep korop eŋe det-warekoi, eya wane ŋene don mane ŋedo edangenane, kop mane mi okange. 9Ŋei ŋerep yewa, eŋe ŋene ŋinano sariŋem newan-ŋonbi paki, urata maŋem wele wakonge, eya wane donkisi ŋedan okanmami, sogine lopio ŋadekkau paki, Kaisale wano takotke makatake more Kaisale wele so gegeinerop eŋano ariu paki eŋane ŋei ŋerep magu wele okangoi. 10Paki eŋine Gipole, qeliwo ŋine sariyakane tomaka gemami, eŋine Gipole Yesu eŋe seuseuwo ŋine ma wisikae kaki wiyeke, eŋe gemage qeliwo ŋine sariyake, yewao ŋene mapok ŋoniyake.
Currently Selected:
1 Tesalonaika 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Tesalonaika 1
1
1Paulo, Sailas, so Timoti, ŋedo ŋei ŋerep doku tautau magu, Tesalonaika matko gemami, Kaisale Magak so Waom Yesu Kristo wane ŋei ŋerep, ŋinane kibi iwa qemaine, wet menaŋ so peyamŋo maine ŋinano payake.
Tesalonaika Magu Eŋane Gegeene So Mali Malipenane Pauloŋo Kaisale Bakomine Kitoke
2Ŋene naso baŋem korop ŋinane Kaisale bakomine kito okanmaine, so ŋinane meŋen meŋenzo eŋetŋine ŋidora meŋenka okanmaine. 3Ŋene Kaisale Magazane kaitko wetke ra wakone olat okanmaine, yemo ŋine mali malip-ŋinane urataine mau paki wele maratka okanmami, wet maep ŋineŋo qebin ŋungi mauluk mauluk urata togole ma okanmami, so wetŋine Waomze Yesu Kristo wano tako rakotka motpi paki tomaka gemami. 4Ŋene detmaine, kimakop, Kaisaleŋo wet maep okanŋungi paki, eŋine biŋek okanikei wane ŋibu tebaŋunge. 5Ŋedo kisi maep don ŋinano ma ukone eya ŋidanŋem detpi weku wane donka mi okange, ŋo yemo zonominerop so Asu Koboboinerop weneŋ okange, so maki koto ŋino eya wane weleine wakonge, ŋene ŋinane keuwo gege daleo gekone, eya ŋine mo detkamami, ŋine menaŋgei wane yale okangone. 6Ŋine ŋenane masi yewa mogare okangoi, so Waom wane masi yewa weneŋ mogare okangoi, so ŋine wikile zok manerop yaleka detkoi, paki ŋine Kaisale wane don dere ma nogankakoi, yemo Asu Koboboineŋo simile qe watŋungi makoi. 7Ŋine yale okanbi paki Makedoniya, so Akaiya kepeo ŋine ŋei ŋerep mali malip korop gekoi, eŋe alakane ebone more, numaene sikanongoi. 8Waom wane kisi maep donŋo ŋinano ŋine suwa ariki paki, Makedoniya so Akaiya kepeoka mi lotkeke, ŋo siluŋ ŋinane mali malipŋine Kaisale wano pamaike, don yewaŋo yemo, mat korop rokop-keki, ŋei ŋerep korop eŋe det-warekoi, eya wane ŋene don mane ŋedo edangenane, kop mane mi okange. 9Ŋei ŋerep yewa, eŋe ŋene ŋinano sariŋem newan-ŋonbi paki, urata maŋem wele wakonge, eya wane donkisi ŋedan okanmami, sogine lopio ŋadekkau paki, Kaisale wano takotke makatake more Kaisale wele so gegeinerop eŋano ariu paki eŋane ŋei ŋerep magu wele okangoi. 10Paki eŋine Gipole, qeliwo ŋine sariyakane tomaka gemami, eŋine Gipole Yesu eŋe seuseuwo ŋine ma wisikae kaki wiyeke, eŋe gemage qeliwo ŋine sariyake, yewao ŋene mapok ŋoniyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.