Kolosi 3
3
Ŋene Mo Yesurop Wisikae Wiyekone
1Ŋine mo Kaisaleŋo Yesurop ma wirik ŋungi wisikae wiyekoi, eya wane ŋine wetŋine motpi, weti qeli kotino yeye kinekine pamaike eyao payake, eya wane urataine maikei, yewao Kristo eŋe Ŋei Waom wane metino, Kaisale wane wonino metmaike. 2Eya wane ŋine wet dereret ŋine motpi, kinekine weti wane koboine ariyake, iwa kepeo yeye kinekine pamaike, yewao misuk motpi payake. 3Ŋine, mo kepe wane ra more seukkoi, ŋo ŋinane gege ŋine yemo Yesurop weneŋ Kaisale wano san siusiuko pamaike. 4Ŋinane gege ŋinane wele so kine yemo Kristo, wane eŋe didiwo wakoniyake naso yewao, ŋine baŋ yaleka eŋerop weneŋ didiwo wakonikei paki, eŋane qeli ewe zonom so qelaŋan eya wane kotino biraŋuniyake!
Ŋene Wakonluke More Ŋei Ŋerep Musele Okangene
5Ŋine koto ŋino kepe wane simile kinekineŋo urata ma okanmaike eya qeu siukeyake, kinekine iwa yale, ŋerep yau yaup ebu ebu, masi tanik di inerop oka okane, borikine mama wane qom wiyeki, simile zok mage mage, sigit borikine, so wetŋo ŋei natne eŋane kinekine wane bailalaŋ qole qole, eya yemo lopio so waom isisine meŋen ka okanmami. 6Eya wane ŋei yaline borikine kinekine me masi tanik manik eya okane more, Kaisale sot osi osi okankau, turuŋ ene borikine ma more toma onmaike, eŋane aŋaine mi dere tewek okanmami, ŋei yaline eŋane kuteno baŋ payake. 7Sogine ŋine yalewaka ŋei yewa eŋerop geu, gege ŋino tanik eyaŋo watke paki, masi kinekine yaline ma gekoi.
8Wane ukude yemo ŋine kinekine eya korop qeliŋ warekei wane ramaile, sot osi osi, wet togon, so kotoka ŋaba wetke mage mage, so don borikine me don sinoine sogino ŋinera kima natne eda edan, eya mane misuk piŋino ŋine sakesiyake. 9Ŋine doku tautau magu isisine natne eŋerop misuk okan nagukei, onoka wane ŋine koto ŋinane wet dereret sogine tanik manik ŋine qotkoine rop kine mane manerop okanbi, bori worine eya mo qeliŋka warekoi. 10Pakimo ŋine ŋei musele okangoi, eya yemo Waom oŋom ŋibuki mo, ŋine ŋei musele okangoi, eya wane eŋe dereret musele natne zok manerop koso ŋibonge, paki eŋe ŋibuki ŋine ŋei musele, so eŋine tanik manik so kait toqaine eya wakon lulukkoi 11Ŋene mo ŋei musele okangone, eya wane weleine, yemo ŋene Grik ŋei eŋane tego me Yuda ŋei eŋane tego mida, me ŋene solaene mo kita kitatne me mi kita kitatne, kubai ŋei me sawek ŋei, ŋene taongo ŋine me mat ŋeine, qelit qeqe me ŋei wawaine, midakaka, Kristoŋo yemo korop, kotozo qeturaŋ ŋone ge waremaike, so gege me wet dereret sogine eya esopka ŋebongi paki, korop gege muselo ŋebu biraŋon okangi paki, oŋom keuzo ge waremaike.
Ŋene Wet Maep Korop Gekene Eya Wane Don
12Ŋine Kaisaleŋo mo ma wesakŋunge, eya wane ŋine eŋane ŋei ŋerep okane gemami, eŋe ŋinane zok manerop siminkamaike. Eya wane ŋine masi tanik kinekine iwa yale eyaŋo maine okanikei, kima natne eŋane zok manerop qom borik okanikei, so maulukonikei. Ŋine ŋinŋine ma ket biranagu more, ŋei bororom okanonikei, so ŋei edo mataliŋunbi, eya wane ra qom gerep misuk maratkaikei, wet momoine, eyaŋo takotŋine okangi, birau kesiyake. 13Ŋo ŋei mane keuŋino, eŋe don mane kimaineŋo kinekineine mane mo matali mangeo, eŋe umat yewa mawaluke more, kimainane sot eya qelige maniyake, ŋinane sot turuŋŋine eya mo suwaine ŋo qelige ŋibonge, eya wane ŋine yalewaka kima eŋane sot turuŋene eya qelige ebonikei. 14Ŋine wet dereret ŋineŋo kima kopŋine ŋei ŋerep natne eya ebu maliponlukkei, masi yewaŋo tanik manik natne, eya korop yuwanka waremaike. Pakimo, eyaŋo suwa wakone togole yakeo, yemo maine wet qedugu okora okora, eya wakoni yake. 15So eŋe ŋine yale waka sikanŋungi, bororomgo okan nagukei, paki mo bororomgo wet maep korop gege, eyaŋo wetŋine warekaki, maine geulukkei, Waom eŋe ŋidora newanŋungane, ŋine sola bikum weku okane more, wet maep okan luluke gekei, so naso baŋem Waom wane bakom kito mawaka gekei. 16Kristo wane don korop riwe moriyanine suwaine, eyaŋo yemo ŋinane koto ŋino ket more payake, kito amanagu qe managu so ma togole qe togole eya mo wet dereret korop okangei, Sam ekapko ŋine eŋet kitokei, kisi maep eŋet musele kitokei, so bakom eŋet kitokei, Kaisale koto ŋineŋo oi bakom okan kau paki eŋet kitokei. 17Yeye kinekine okangei me rakei, yemo korop Waom Yesu wane eŋetko ora okangei, eya mo ŋine eŋe bakomine kito more Kaisale Magak oi bakomine kitokei.
Ŋao Ŋanom, Ŋerep Medep So Nabok Magak Eŋane Don
18Ŋerep, ŋine ŋaokop ŋine eŋane bango ge more aŋa ene tewekkei, ŋine doku tautau magu gemamiŋo yemo yale okane gekei, masi me tanik manik yewaŋo suwaineze Yesu wane kaitko mayakatne okaniyake.
19Ŋei, ŋine ŋanowe kopŋine wet maep okanongei, so don togole misuk okanongei, paki weteene mau misuk sigile yake, ŋineŋano wekop ŋine eŋane siminŋuniyake.
20Ŋerep medep nigatne, ŋine yewa mo doku tautau magu ŋinane urata so numa ŋine togogole naso baŋem nabok magak kinekine wane ra ŋunbi, aŋa ene tewekeu, Kaisaleŋo detki ŋinane simile kayake.
21Nabok magak ŋine doko ŋine okan onbi, soteene osiki busu misuk lelekei, ŋine ŋerep mede wekopŋine sot osi osiwo okan onbi, kotoene misuk matalikei, eŋe yale okan ikeiwo, yemo eŋe urata wele mane maine mama wane mi wetkekei.
Qelit Mama So Ŋei Waom Eŋane Don
22Urata medep ŋine ware warekop ŋine, eŋane don kinekine korop eya tewekkei, ŋine don kelok okane more eŋe osop osop geu, eŋane ra more me edo ŋunikeiwane ra urata maine maikei. Yale mida, ŋo ŋine weti suwainane kaetŋungi, ŋine naso baŋem dereretŋoka nasoo, numaino, mau mena geyakane wetkeu, paki makei. 23Ŋine urata kinekine natne makei eya korop maine so togole zonom gorop so simile dere more wet korop togogoleka mauluke maikei so Waomŋo detki menageyakane wetke makei, ŋo ŋei edo detpi mena geyakane, eya midakaka. 24Ŋo detmami, ŋine Waomŋo baŋ turuŋine ŋiboniyake, eŋe mo oŋom ŋei ŋerep magukoune eŋane biŋek kinekine wareki pamaike eya baŋ ŋine weneŋ ŋibongi makei, Kristo eŋe ŋei Waom welekatne, ŋine aŋaine teweke qelitine qe okanbi, oŋom ŋinane ware ware wele okanŋuniyake, yewao baŋ ŋibongi makei. 25So ŋei mane eŋe borikine mama, urata borikine mayake, eya wane turuŋine yemo eŋe baŋ lewine borikineka mainge maniyake, Kaisale eŋe ŋei gege mage enane rokopko dere wanok okanone okanmaike, eŋe baŋ ŋei borikine eya mi loloŋ oniyake.
Currently Selected:
Kolosi 3: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Kolosi 3
3
Ŋene Mo Yesurop Wisikae Wiyekone
1Ŋine mo Kaisaleŋo Yesurop ma wirik ŋungi wisikae wiyekoi, eya wane ŋine wetŋine motpi, weti qeli kotino yeye kinekine pamaike eyao payake, eya wane urataine maikei, yewao Kristo eŋe Ŋei Waom wane metino, Kaisale wane wonino metmaike. 2Eya wane ŋine wet dereret ŋine motpi, kinekine weti wane koboine ariyake, iwa kepeo yeye kinekine pamaike, yewao misuk motpi payake. 3Ŋine, mo kepe wane ra more seukkoi, ŋo ŋinane gege ŋine yemo Yesurop weneŋ Kaisale wano san siusiuko pamaike. 4Ŋinane gege ŋinane wele so kine yemo Kristo, wane eŋe didiwo wakoniyake naso yewao, ŋine baŋ yaleka eŋerop weneŋ didiwo wakonikei paki, eŋane qeli ewe zonom so qelaŋan eya wane kotino biraŋuniyake!
Ŋene Wakonluke More Ŋei Ŋerep Musele Okangene
5Ŋine koto ŋino kepe wane simile kinekineŋo urata ma okanmaike eya qeu siukeyake, kinekine iwa yale, ŋerep yau yaup ebu ebu, masi tanik di inerop oka okane, borikine mama wane qom wiyeki, simile zok mage mage, sigit borikine, so wetŋo ŋei natne eŋane kinekine wane bailalaŋ qole qole, eya yemo lopio so waom isisine meŋen ka okanmami. 6Eya wane ŋei yaline borikine kinekine me masi tanik manik eya okane more, Kaisale sot osi osi okankau, turuŋ ene borikine ma more toma onmaike, eŋane aŋaine mi dere tewek okanmami, ŋei yaline eŋane kuteno baŋ payake. 7Sogine ŋine yalewaka ŋei yewa eŋerop geu, gege ŋino tanik eyaŋo watke paki, masi kinekine yaline ma gekoi.
8Wane ukude yemo ŋine kinekine eya korop qeliŋ warekei wane ramaile, sot osi osi, wet togon, so kotoka ŋaba wetke mage mage, so don borikine me don sinoine sogino ŋinera kima natne eda edan, eya mane misuk piŋino ŋine sakesiyake. 9Ŋine doku tautau magu isisine natne eŋerop misuk okan nagukei, onoka wane ŋine koto ŋinane wet dereret sogine tanik manik ŋine qotkoine rop kine mane manerop okanbi, bori worine eya mo qeliŋka warekoi. 10Pakimo ŋine ŋei musele okangoi, eya yemo Waom oŋom ŋibuki mo, ŋine ŋei musele okangoi, eya wane eŋe dereret musele natne zok manerop koso ŋibonge, paki eŋe ŋibuki ŋine ŋei musele, so eŋine tanik manik so kait toqaine eya wakon lulukkoi 11Ŋene mo ŋei musele okangone, eya wane weleine, yemo ŋene Grik ŋei eŋane tego me Yuda ŋei eŋane tego mida, me ŋene solaene mo kita kitatne me mi kita kitatne, kubai ŋei me sawek ŋei, ŋene taongo ŋine me mat ŋeine, qelit qeqe me ŋei wawaine, midakaka, Kristoŋo yemo korop, kotozo qeturaŋ ŋone ge waremaike, so gege me wet dereret sogine eya esopka ŋebongi paki, korop gege muselo ŋebu biraŋon okangi paki, oŋom keuzo ge waremaike.
Ŋene Wet Maep Korop Gekene Eya Wane Don
12Ŋine Kaisaleŋo mo ma wesakŋunge, eya wane ŋine eŋane ŋei ŋerep okane gemami, eŋe ŋinane zok manerop siminkamaike. Eya wane ŋine masi tanik kinekine iwa yale eyaŋo maine okanikei, kima natne eŋane zok manerop qom borik okanikei, so maulukonikei. Ŋine ŋinŋine ma ket biranagu more, ŋei bororom okanonikei, so ŋei edo mataliŋunbi, eya wane ra qom gerep misuk maratkaikei, wet momoine, eyaŋo takotŋine okangi, birau kesiyake. 13Ŋo ŋei mane keuŋino, eŋe don mane kimaineŋo kinekineine mane mo matali mangeo, eŋe umat yewa mawaluke more, kimainane sot eya qelige maniyake, ŋinane sot turuŋŋine eya mo suwaine ŋo qelige ŋibonge, eya wane ŋine yalewaka kima eŋane sot turuŋene eya qelige ebonikei. 14Ŋine wet dereret ŋineŋo kima kopŋine ŋei ŋerep natne eya ebu maliponlukkei, masi yewaŋo tanik manik natne, eya korop yuwanka waremaike. Pakimo, eyaŋo suwa wakone togole yakeo, yemo maine wet qedugu okora okora, eya wakoni yake. 15So eŋe ŋine yale waka sikanŋungi, bororomgo okan nagukei, paki mo bororomgo wet maep korop gege, eyaŋo wetŋine warekaki, maine geulukkei, Waom eŋe ŋidora newanŋungane, ŋine sola bikum weku okane more, wet maep okan luluke gekei, so naso baŋem Waom wane bakom kito mawaka gekei. 16Kristo wane don korop riwe moriyanine suwaine, eyaŋo yemo ŋinane koto ŋino ket more payake, kito amanagu qe managu so ma togole qe togole eya mo wet dereret korop okangei, Sam ekapko ŋine eŋet kitokei, kisi maep eŋet musele kitokei, so bakom eŋet kitokei, Kaisale koto ŋineŋo oi bakom okan kau paki eŋet kitokei. 17Yeye kinekine okangei me rakei, yemo korop Waom Yesu wane eŋetko ora okangei, eya mo ŋine eŋe bakomine kito more Kaisale Magak oi bakomine kitokei.
Ŋao Ŋanom, Ŋerep Medep So Nabok Magak Eŋane Don
18Ŋerep, ŋine ŋaokop ŋine eŋane bango ge more aŋa ene tewekkei, ŋine doku tautau magu gemamiŋo yemo yale okane gekei, masi me tanik manik yewaŋo suwaineze Yesu wane kaitko mayakatne okaniyake.
19Ŋei, ŋine ŋanowe kopŋine wet maep okanongei, so don togole misuk okanongei, paki weteene mau misuk sigile yake, ŋineŋano wekop ŋine eŋane siminŋuniyake.
20Ŋerep medep nigatne, ŋine yewa mo doku tautau magu ŋinane urata so numa ŋine togogole naso baŋem nabok magak kinekine wane ra ŋunbi, aŋa ene tewekeu, Kaisaleŋo detki ŋinane simile kayake.
21Nabok magak ŋine doko ŋine okan onbi, soteene osiki busu misuk lelekei, ŋine ŋerep mede wekopŋine sot osi osiwo okan onbi, kotoene misuk matalikei, eŋe yale okan ikeiwo, yemo eŋe urata wele mane maine mama wane mi wetkekei.
Qelit Mama So Ŋei Waom Eŋane Don
22Urata medep ŋine ware warekop ŋine, eŋane don kinekine korop eya tewekkei, ŋine don kelok okane more eŋe osop osop geu, eŋane ra more me edo ŋunikeiwane ra urata maine maikei. Yale mida, ŋo ŋine weti suwainane kaetŋungi, ŋine naso baŋem dereretŋoka nasoo, numaino, mau mena geyakane wetkeu, paki makei. 23Ŋine urata kinekine natne makei eya korop maine so togole zonom gorop so simile dere more wet korop togogoleka mauluke maikei so Waomŋo detki menageyakane wetke makei, ŋo ŋei edo detpi mena geyakane, eya midakaka. 24Ŋo detmami, ŋine Waomŋo baŋ turuŋine ŋiboniyake, eŋe mo oŋom ŋei ŋerep magukoune eŋane biŋek kinekine wareki pamaike eya baŋ ŋine weneŋ ŋibongi makei, Kristo eŋe ŋei Waom welekatne, ŋine aŋaine teweke qelitine qe okanbi, oŋom ŋinane ware ware wele okanŋuniyake, yewao baŋ ŋibongi makei. 25So ŋei mane eŋe borikine mama, urata borikine mayake, eya wane turuŋine yemo eŋe baŋ lewine borikineka mainge maniyake, Kaisale eŋe ŋei gege mage enane rokopko dere wanok okanone okanmaike, eŋe baŋ ŋei borikine eya mi loloŋ oniyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.