Kolosi 2
2
Togogoleka Kristo Malipka More Isi Don Kinekine Eya Korop Qepap Kaikene
1Ŋine iwa yale ŋidanbe desikei wane nanmaike, na Laodikeya matko ŋei ŋerep doku tautau magu gemami, ŋine korop so ŋei ŋerep doku tautau magu natne eŋe kaitne mi nangoi, ŋinano urata suwaine zok, eya qesiŋ ŋunikalane ma okanmaile. 2Na urata togogole mawe, eŋane kotoeno sorin borinŋo maine watke payake, so eyaŋo ma wisikaeŋungi, Kaisale wane ŋei ŋerep eŋerop wet maepŋo weneŋ orodoŋka qeturage maine wet weku paki, eŋe dereret weleŋo riwe moriyan wat watko tebakaki sarimaike, eya magekei, paki eŋe baŋ Kaisale wane san qabuine detlukkakei, eya yemo Kristo oŋom eya wane kine okanmaike. 3Eŋe yemo ki, eyaŋo qekokki korop Kaisale wane wet dereret so dereret aboŋine kine mane kine mane, natne Kristo wano san motkeki pamaike, eya didiwo wakonwareyake.
4Eya wane na ŋidanbe ŋine detonbi, ŋei natne edo misuk isi don so aŋa kelok okane, eyaŋo isiŋunikei, eya wane na don iwa ramaile. 5Na solaneŋo yemo abaran gemaile, ŋo wetneŋo yemo ŋinerop gemaike, paki ŋine mali malipŋine Kristo wano motpi paki, gesoke togogole koboine okorauŋunbe, wetne menaŋgi bakom kitomaile.
Ŋene Kristo Wano Makatake More Wisika Gege Maikene
6Ŋine Kristo Yesu eŋe Waomŋine okaniyakane makoi, wane eŋane gegeo takotke more eŋerop weneŋ gekeiwane rake. 7Eya wane ŋine eŋano togogole more eŋerop weneŋ weku okane okorakei, yemo ekiŋo kepe qeirop ŋodine biraki ketki, ma qotke okoramaike, yale ma qotke luke okorakei. So mat mane bosiŋ togoleŋo maŋem metmaike, eya wane rokop ŋine mali malipŋine togoleka bosiŋŋine Yesu Kristo eŋano so kisi maepine kito ŋidangone, yewa wane kutno motpi payake. So mali malip wane numa kito ŋibone more sikanŋungone, eya wane rokopko mali malipŋineŋo manerop suwa togoleyake, so Kaisale bakom man manŋo ŋinano manerop pa ariyake.
8So ŋine weneŋ kaulukkei, ŋei maneŋo eŋine wetkoŋine isi don ŋei dereret isisine, wele midaine, eya kito amanagu sa gekoi, ŋei yaline eŋe esep milopkop ŋine mo sogine mage sakoi, eŋane dereret so kepeo ŋine, asu qotkoinane ŋetne eŋano ŋine, so ŋei eya eŋe Kristo wano ŋine wet dereret mane koboboine, eya mi mage mami wane, ŋine ŋei eya eŋane diyamene seleleine makei.
Kaisaleŋo Kristo Wano Takotŋonge
9Ŋine mo det waremami, Kaisale wane wisika gege tanik manik, eyaŋo Kristo wane kotino so solaine korop watka paki kepeo geke, ŋo eŋe siluŋ ŋei yauwine yale ŋenane rokop wakonge. 10Kine kine zonom gorop eŋane lewet so ŋine gegeŋine eŋerop tako rakot weneŋ gekei wane ŋibonge, Kristo eŋe gege so numa kinekine mot okanmami, eya wane ŋetne, so zonom kinekine pa ebonmaike, eya wane Asu Koboine so qotkoine eŋane ŋei waom suwaine magu eŋane Lewet so Wawaineene.
11Ŋine mo eŋano takotke more eŋerop weku okangoi, yewaŋo ŋine mo kibi ŋibuke, eyaŋo eŋe sola kita kitat wele makoi, me eyaŋo eŋe sola oken midaka. Ŋine mo Kristo wane gegeine weneŋ eyaŋo zonom qe more siwot ŋungi paki, koto ŋino kibi ŋibuke, yewaŋo mo masi koboboine okanmaike. 12Ŋine kisi maep doku taukoi, naso yewao Kaisaleŋo Kristorop weneŋ deŋesereo duk ŋunge, wane ŋine koso Kaisale wane zonomŋo Kristo deŋesereo ŋine koso ma wiyeke, ŋine yewa malipka more peyam doku tauwi, Kaisaleŋo ŋine koso Kristorop weneŋ ma wirikŋungi wiyekoi. 13Ŋine mokaka qelaŋ, solaŋine Yuda wane kibi midaine geu paki, borikinekinekine qotkoine mau, eyaŋo oŋa oŋaŋine mataliki seuseune gekoi, naso yewao yemo ŋine sogi numa gesokkoi, pakimo Kaisaleŋo siluŋ seuseuwo ŋine Kristorop weneŋ ma wirik ŋungi, wisikae wiye more gege ŋine wakonge, so Kaisaleŋo turuŋze eya korop qeliŋ wareke. 14Eŋe sot kinekine okane gekone, eya wane rara togon donŋo sotze makoke ŋeboniyakane, zaleine so nasoine more numaine kibiwo qe more sake, so ŋebu maket biraŋongi, eŋane zonominane bango gekoi, so dongo biraŋoniyakane rokop, eyamo Kaisale Magak oŋom korop sauke rakoke qeke so matali more, ra rokop wane numa eya kiruŋaŋo Kristo wane kibego rasu pelekki siukwareke. 15So kibeŋ qabeŋ kutno okora more, asu togogole eŋane zonom matali wareke, so Kristo eŋe oŋomka ŋei waom so ŋei wawaine eŋane zonomgo ŋine makok naguke, eŋe asu qotkoine wawaine so zonom gorop eŋane zonom maqororoŋgi paki, ŋei ŋerep eŋane kaitko yuwanone more, berum maki paki kineene ma wakonge, so eŋe iwa yale sikanonge, eŋe mo yuwan one more maki, zonomene mida lele waremaike.
Ra Togon Donŋo Mi Mapitŋoniyake Ŋene Mo Yesu Kristorop Seukŋem Qoeke
16Eya wane ŋei mane detkau, oŋo ŋara nene me doku nene, me zonom mama naso nigatne metmet wane me meso musele eya wane taboŋ metmet wane, me qezareko taboŋ met met wane numa mane misuk mosiyake, so qom qeqe don okan ŋuniyake. 17Kinekine korop yaline, eya yemo baŋ ŋado kinekine wakoniyake, eya wane oŋa oŋaine, ŋo wele yemo Kristo. 18Ŋei natne eŋe enŋenane ra okanmami, eŋe mayakakatne, onoka wane eŋe wetene zingeki kulu kuluwo kinekine ka okanmami, so solaŋoka ketkele sola geu paki, aŋelo meŋenon okan mami, ŋei yaline det onbi misuk maket biraŋunikei, ŋei yaline eŋe dereret sogine mogare okoramami, eŋane dereretenane tanikene yemo korop kine midaine eŋe enŋenane detpi, mayakakatne okanmaike. 19So eŋe Kristo maine mi malipkluke okoramami, oŋo lewetze, ŋo ŋene kiye metine so sola bikumine, Kristoŋo kiye mete so sola bikum eya korop ware kaki, eŋane bango geki ŋara gumekamaike, so tutuine eya maturage more ginogom gorop malipkeki, Kaisaleŋo suwayakane detokanmaike, eya wane rokopko zonom mangi, suwa togole okanmaike.
Seuke More Kristorop Weneŋ Gekene
20Ŋine Kristorop weneŋ seukkoi, paki kepe so qeli wane asu qotkoinane zonomŋo ware ŋungi gekoi, eyamo korop qeliŋ warekoi, paki mo ŋine onoka wane kepe iwa wane ŋei okane gemami? Ŋine onoka wane don numa iwa yaline deret ewek mami? 21“Yewa misuk makene,” “Yewa misuk nekene,” “Ge yewa det kanom, eŋe geŋane sola ŋono misuk pora uwa gangep me?” 22Rara togon don kinekine eya korop ŋene maikenane rau, urataine atak weku maŋem eya kaki bori okanmaike, so eya yemo ŋei edomka rara togon don kito ebon ebon wane don so numa eya motkoi. 23Welekatne, rara togon don yaline, yemo iwa yale kaikene, eŋe kisi maep donŋo ŋebu wiye wet dereretze, eya qeu kesiyake, pakimo solaŋoka qebinŋone gereune okan ŋonikei, eya wane ŋei natne eŋe ramami, rara togon don eyamo numa so dereret maine, solaŋoka ketkele geu pakiso, aŋelo meŋenon okanmami, eya wele midaine, ŋo rara togon don yewaŋo maine mi qesiŋ ŋoniyake, eya wele midaine, so gege me wet dereret sogine eya mi qeki kesiyake.
Currently Selected:
Kolosi 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Kolosi 2
2
Togogoleka Kristo Malipka More Isi Don Kinekine Eya Korop Qepap Kaikene
1Ŋine iwa yale ŋidanbe desikei wane nanmaike, na Laodikeya matko ŋei ŋerep doku tautau magu gemami, ŋine korop so ŋei ŋerep doku tautau magu natne eŋe kaitne mi nangoi, ŋinano urata suwaine zok, eya qesiŋ ŋunikalane ma okanmaile. 2Na urata togogole mawe, eŋane kotoeno sorin borinŋo maine watke payake, so eyaŋo ma wisikaeŋungi, Kaisale wane ŋei ŋerep eŋerop wet maepŋo weneŋ orodoŋka qeturage maine wet weku paki, eŋe dereret weleŋo riwe moriyan wat watko tebakaki sarimaike, eya magekei, paki eŋe baŋ Kaisale wane san qabuine detlukkakei, eya yemo Kristo oŋom eya wane kine okanmaike. 3Eŋe yemo ki, eyaŋo qekokki korop Kaisale wane wet dereret so dereret aboŋine kine mane kine mane, natne Kristo wano san motkeki pamaike, eya didiwo wakonwareyake.
4Eya wane na ŋidanbe ŋine detonbi, ŋei natne edo misuk isi don so aŋa kelok okane, eyaŋo isiŋunikei, eya wane na don iwa ramaile. 5Na solaneŋo yemo abaran gemaile, ŋo wetneŋo yemo ŋinerop gemaike, paki ŋine mali malipŋine Kristo wano motpi paki, gesoke togogole koboine okorauŋunbe, wetne menaŋgi bakom kitomaile.
Ŋene Kristo Wano Makatake More Wisika Gege Maikene
6Ŋine Kristo Yesu eŋe Waomŋine okaniyakane makoi, wane eŋane gegeo takotke more eŋerop weneŋ gekeiwane rake. 7Eya wane ŋine eŋano togogole more eŋerop weneŋ weku okane okorakei, yemo ekiŋo kepe qeirop ŋodine biraki ketki, ma qotke okoramaike, yale ma qotke luke okorakei. So mat mane bosiŋ togoleŋo maŋem metmaike, eya wane rokop ŋine mali malipŋine togoleka bosiŋŋine Yesu Kristo eŋano so kisi maepine kito ŋidangone, yewa wane kutno motpi payake. So mali malip wane numa kito ŋibone more sikanŋungone, eya wane rokopko mali malipŋineŋo manerop suwa togoleyake, so Kaisale bakom man manŋo ŋinano manerop pa ariyake.
8So ŋine weneŋ kaulukkei, ŋei maneŋo eŋine wetkoŋine isi don ŋei dereret isisine, wele midaine, eya kito amanagu sa gekoi, ŋei yaline eŋe esep milopkop ŋine mo sogine mage sakoi, eŋane dereret so kepeo ŋine, asu qotkoinane ŋetne eŋano ŋine, so ŋei eya eŋe Kristo wano ŋine wet dereret mane koboboine, eya mi mage mami wane, ŋine ŋei eya eŋane diyamene seleleine makei.
Kaisaleŋo Kristo Wano Takotŋonge
9Ŋine mo det waremami, Kaisale wane wisika gege tanik manik, eyaŋo Kristo wane kotino so solaine korop watka paki kepeo geke, ŋo eŋe siluŋ ŋei yauwine yale ŋenane rokop wakonge. 10Kine kine zonom gorop eŋane lewet so ŋine gegeŋine eŋerop tako rakot weneŋ gekei wane ŋibonge, Kristo eŋe gege so numa kinekine mot okanmami, eya wane ŋetne, so zonom kinekine pa ebonmaike, eya wane Asu Koboine so qotkoine eŋane ŋei waom suwaine magu eŋane Lewet so Wawaineene.
11Ŋine mo eŋano takotke more eŋerop weku okangoi, yewaŋo ŋine mo kibi ŋibuke, eyaŋo eŋe sola kita kitat wele makoi, me eyaŋo eŋe sola oken midaka. Ŋine mo Kristo wane gegeine weneŋ eyaŋo zonom qe more siwot ŋungi paki, koto ŋino kibi ŋibuke, yewaŋo mo masi koboboine okanmaike. 12Ŋine kisi maep doku taukoi, naso yewao Kaisaleŋo Kristorop weneŋ deŋesereo duk ŋunge, wane ŋine koso Kaisale wane zonomŋo Kristo deŋesereo ŋine koso ma wiyeke, ŋine yewa malipka more peyam doku tauwi, Kaisaleŋo ŋine koso Kristorop weneŋ ma wirikŋungi wiyekoi. 13Ŋine mokaka qelaŋ, solaŋine Yuda wane kibi midaine geu paki, borikinekinekine qotkoine mau, eyaŋo oŋa oŋaŋine mataliki seuseune gekoi, naso yewao yemo ŋine sogi numa gesokkoi, pakimo Kaisaleŋo siluŋ seuseuwo ŋine Kristorop weneŋ ma wirik ŋungi, wisikae wiye more gege ŋine wakonge, so Kaisaleŋo turuŋze eya korop qeliŋ wareke. 14Eŋe sot kinekine okane gekone, eya wane rara togon donŋo sotze makoke ŋeboniyakane, zaleine so nasoine more numaine kibiwo qe more sake, so ŋebu maket biraŋongi, eŋane zonominane bango gekoi, so dongo biraŋoniyakane rokop, eyamo Kaisale Magak oŋom korop sauke rakoke qeke so matali more, ra rokop wane numa eya kiruŋaŋo Kristo wane kibego rasu pelekki siukwareke. 15So kibeŋ qabeŋ kutno okora more, asu togogole eŋane zonom matali wareke, so Kristo eŋe oŋomka ŋei waom so ŋei wawaine eŋane zonomgo ŋine makok naguke, eŋe asu qotkoine wawaine so zonom gorop eŋane zonom maqororoŋgi paki, ŋei ŋerep eŋane kaitko yuwanone more, berum maki paki kineene ma wakonge, so eŋe iwa yale sikanonge, eŋe mo yuwan one more maki, zonomene mida lele waremaike.
Ra Togon Donŋo Mi Mapitŋoniyake Ŋene Mo Yesu Kristorop Seukŋem Qoeke
16Eya wane ŋei mane detkau, oŋo ŋara nene me doku nene, me zonom mama naso nigatne metmet wane me meso musele eya wane taboŋ metmet wane, me qezareko taboŋ met met wane numa mane misuk mosiyake, so qom qeqe don okan ŋuniyake. 17Kinekine korop yaline, eya yemo baŋ ŋado kinekine wakoniyake, eya wane oŋa oŋaine, ŋo wele yemo Kristo. 18Ŋei natne eŋe enŋenane ra okanmami, eŋe mayakakatne, onoka wane eŋe wetene zingeki kulu kuluwo kinekine ka okanmami, so solaŋoka ketkele sola geu paki, aŋelo meŋenon okan mami, ŋei yaline det onbi misuk maket biraŋunikei, ŋei yaline eŋe dereret sogine mogare okoramami, eŋane dereretenane tanikene yemo korop kine midaine eŋe enŋenane detpi, mayakakatne okanmaike. 19So eŋe Kristo maine mi malipkluke okoramami, oŋo lewetze, ŋo ŋene kiye metine so sola bikumine, Kristoŋo kiye mete so sola bikum eya korop ware kaki, eŋane bango geki ŋara gumekamaike, so tutuine eya maturage more ginogom gorop malipkeki, Kaisaleŋo suwayakane detokanmaike, eya wane rokopko zonom mangi, suwa togole okanmaike.
Seuke More Kristorop Weneŋ Gekene
20Ŋine Kristorop weneŋ seukkoi, paki kepe so qeli wane asu qotkoinane zonomŋo ware ŋungi gekoi, eyamo korop qeliŋ warekoi, paki mo ŋine onoka wane kepe iwa wane ŋei okane gemami? Ŋine onoka wane don numa iwa yaline deret ewek mami? 21“Yewa misuk makene,” “Yewa misuk nekene,” “Ge yewa det kanom, eŋe geŋane sola ŋono misuk pora uwa gangep me?” 22Rara togon don kinekine eya korop ŋene maikenane rau, urataine atak weku maŋem eya kaki bori okanmaike, so eya yemo ŋei edomka rara togon don kito ebon ebon wane don so numa eya motkoi. 23Welekatne, rara togon don yaline, yemo iwa yale kaikene, eŋe kisi maep donŋo ŋebu wiye wet dereretze, eya qeu kesiyake, pakimo solaŋoka qebinŋone gereune okan ŋonikei, eya wane ŋei natne eŋe ramami, rara togon don eyamo numa so dereret maine, solaŋoka ketkele geu pakiso, aŋelo meŋenon okanmami, eya wele midaine, ŋo rara togon don yewaŋo maine mi qesiŋ ŋoniyake, eya wele midaine, so gege me wet dereret sogine eya mi qeki kesiyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.