Kolosi 1
1
Kine Kine Korop Pamaike Eya Wane Lewet Yemo Kristo, So Kaisale Wane Gege Numa Me Tanik Manik Eŋe Weneŋ Kristo Wano Wat Watko Pamanmaike
Mosop Don
1Paulo, na Kaisale wane pidon Kristo Yesu wane aposolo okangalane Kaisale oŋom bira nange, so kimaze Timoti eŋe weneŋ.
2Ŋeto Kaisale wane ŋei ŋerep magu, Kolosi matko kimakopse Kristo wano ŋine tope kiyaro mali malip korop gemami, ŋinane kibi iwa qe ŋibonmaite,
Kaisale, Magazeŋo maine wet menaŋ so peyam ŋiboniyake.
Bakom Kito Meŋe Meŋen So Mali Malip Korop Gege
3Ŋere naso baŋem meŋenka okanmaite, naso eyao ŋere ŋinane detsorokkete paki, Kaisale Waomze Yesu Kristo wane Magaine bakomine kito meŋenka okanmaite. 4-6Ŋere ŋinane don mo iwa yale detmaite, kisi maep wane don wele mo ŋinano wakonge detmami, ŋine kinekine bile, eya mo malip kakoi, eya mo Waom oŋom ŋinane ma wakone more qeliwo motke, ŋine maikei wane tomaka gemami. Pakimo, ŋine yalewa wane Yesu Kristo malip kaluke gemami, so Waom wane magu ŋei ŋerep korop wet maep okan onmami. Pakimo, kepe baŋem ŋei ŋerep loutneŋo malip ka more kisi maep ra qelaŋane mogare arimami, eŋane gegeene eyamo maine menaŋmaike. Tego yewaka ŋinane keuwo wakonge, eya wane ŋine kiyeke more mikepka kisi maep Waom wet maepinane kine momaine dere lulukmami. 7Ŋine Epaprasŋo kisi maep wane done maine mo yewa kiyeke kito ŋidangi detkoi, Epapras eŋe Kristo wane urata ŋei weku mane, eŋe ŋenerop urataze weku, so ŋene eŋane manerop simin ŋonmaike, eŋe ŋine qesiŋ ŋune more Kristo wane urata maine mauluke mamaike. 8Ŋene mo oŋom Waom wane ŋei ŋerep magu eŋane don tanik manik so simile daleo detlukkene, don kisi yewa mo Asu Koboboineŋo ŋibonge, eya mo korop ŋedan wareke.
9Ŋinane don kisiŋine maine mikep detkone, naso yewa oka kiyeke ŋene naso baŋem Waomŋo qesiŋ ŋuniyakane, ŋinane meŋenka gemaine, ŋene Waom eŋine simileine detkaikei wane, so Kaisaleŋo eŋine simileinane dereret, eya Asu koboboine wet dereret kinekine, eya qewatke ŋiboniyakane olat okanmaine. 10Pakimo ŋine baŋ eweke more Waomŋo eŋine ŋei ŋerewe koune gekei wane detmaike, eya wane rokop gekei, so naso baŋem ŋine urata kinekine ma okanbi, tanik manik ŋine kaki menageyake, pakimo ŋine baŋ urata kinekine loutne maine maikei, so naso yewao Waom eŋine detluk kaikei, so ŋine wet dereret ŋine naso baŋem Kaisale wano more eŋerop gege eyaŋo baŋ suwa ariyake. 11So ŋene iwa yale meŋenka okanmaine, ŋine Kaisale eŋine zonom togogole weku mane, zonom eyaŋo ma togole ŋungi, ŋine maine togole okora more, umat kinekine kutŋino waki ewekeu paki, wet maepko batneka kauke okorau, umat eya baŋ mida leleyake, paki ŋine wet pesek dere bakom kitokei. 12So ŋine batneka Magak bakomine kitokei, yemo mo oŋo ŋibuki ŋine mo tanik manik me numa maine gesokmami. Eya wane ŋine baŋ kinekine mayakakatne mo ŋinane biŋek qeke, eya maikei, ŋine eya baŋ Waom eŋine ŋei ŋerewekoune eŋerop maikei, tego me magu yewa ŋene mo Waom wane qelaŋan koto gemaine. 13Ŋene mo panaman koto gekone, eŋe panaman wane zonomgo ŋine makokŋonge paki, ŋebu seseŋone ari eŋine gipon maepinane mat urum koto biraŋonge. 14Yemo ŋene eŋane weŋemineŋo mo qoleŋone more siwotŋonge, so sot turuŋze eyamo mo mataliki siukke.
Kristo Wane Masi So Uratainane Pauloŋo Rake
15Ŋene Kaisale maine mi kaikene, ŋo gipole Kristo eŋe Kaisale sane, deŋo mi kakaine, eŋine kait toqa Kaisale yale, eŋe Kaisale eŋine alakan Medep, eŋe Kaisaleŋo yeye kinekine korop ma wakonge, eya wane lewet so eŋane suwaineene. 16Medep eyaŋo, eŋane kutko so metino Kaisale eŋe yeye kinekine korop qeli kotino so kepe kutno ma wakonwareke, kinekine deŋo kakaine, so mi kakaine, eya so aŋelo kinekine zonom ewe bibienerop, so asu zonom gorop, so kinekine natne asu qotkoinane zonom gorop, ŋei waom, ware ware, so ŋei ŋetne korop, Kaisaleŋo yeye kinekine korop eŋano so eŋane biŋek mawakon wareke. 17Kristo eŋe yeye kinekine korop mawakongi, eŋane bango mokaka qei kinoka kiyeke, ge sari geke, so yeye kinekine eya korop eŋane zonomŋo malipongi mayakakatneka, numaeno numaeno pawaremami. 18Doku tautau magu, eŋe eŋane kiye metine korop, eŋane lewetene, yemo oŋom okanmaike, doku tautau maguŋo eŋane solaine, eŋe sola wane gege ma wakone more ware kaki, doku tautau eŋe gege inerop okane pamaike, eŋe gege eya wane kine, eŋe Kaisale wane medep alakan wako wakone, eŋe seuseuwo ŋine wiyeke, eya wane kiye kiyek, oŋo kiyeke wisikae wiyeke, yemo eŋe wekuku ŋo alakane yeye kinekine korop qeli so kepe kotino, eŋane numa ene maine oŋo ma mo lewetene okanmaike. 19Kaisale eŋe detki menaŋgi, gipole eŋe oŋomka Kaisale eŋine gege so zonom wane namu ŋine, eŋano watwatko payakane eŋe qe watkeluke mange. 20Kaisale eŋe yeye kinekine korop, qeli so kepe kotino, koso ebu more, eŋino biraoniyakane, so wet weku okanikei wane wetkeki paki, gipole birakaki, gipoleŋo kibego seukki, weŋemineŋo peyam so gege maep ma wakonge, pakiso yeye kinekine korop, kepe kutno so qeli kotino pamaike, eya koso ebu mainone more, eŋino takotone more biraonwareke.
Yesu Wane Seuseuineŋo Qeturaŋŋongi Kaisalerop Weku Okangone
21Ŋine mokaka Kaisale ŋadek kau paki, eri ekeket gekoi, so Kristo wane ŋaba koune amaŋ okane gekoi, onoka wane ŋine borikinekinekine makoi, so wetke magekoi, eya wane. 22Wane ukude yemo Gipoleŋo sola bikumine korop wakone more kibeŋ qabego wisika qolu seukke, masi yewa wane Kaisaleŋo eŋine ŋaba koune okangone, eya ŋebu miliŋŋonge, so wetine weku okangi, paki ŋebuki, koboboine, libe libe qelaŋan gorop, so sot midaine okane eŋine kaitino gekei wane biraŋunge. 23Eya wane ŋine takotke more, mali malipŋo nago nagonŋine okangi, eyao ra bidange togogole okorakei, paki ŋine ŋidomka misuk detonbi, kisi maep teba teba ma wakone ŋibonge, eya kinekine maneŋo misuk ruzakki buratke qake kesiyake, kisi maep don iwa ŋei ŋerep korop kepe baŋem mo ra edanwarekone, na Paulo kisi maep iwa, eya wane qelit ŋei okangole, paki, kepe baŋem ŋei eŋano ŋene zonom eyaŋo qebinŋongi, urataze sorin borin mamaine.
Pauloŋo Kolosi Doku Tautau Magu Qesiŋonge
24Na ŋinane rawe paki, wikile kutno ge more, ukude na oi bakom so wetne pesemaike, detpe nae solaineŋo wikile desikale, yemo na Kristo wane sola inane wikile sotakine pamaike, eya mo doku tautau magu, eya takotke qesiŋka wikile desikale. 25So na doku tautau magu eŋane ra qelit ŋei, Kaisaleŋo neuki paki, urata eya mawe ŋine menaŋgei wane ra ninge, eya yemo Kaisale eŋine donine kisi maep eya korop ra qelaŋanbe, rokopkeyakane ninge. 26Don eya yemo sane, eŋe motkeki sanka qei kino ŋine nasoine nasoine korop pa saki, ŋei kinekine eŋe korop mi detkakoi, wane ukude yemo ŋei ŋerep doku tautau magukoune eŋane kaitko didiwo maputulake sikanongi, ka waremami. 27Kaisale wetinane kine yemo iwa yale, don sanine eya tingo ra wakongi, ŋei ŋerep magukoune eŋe detkei, don sane riwe moriyanine kakapa suwaine, so qeli ewe zonom gorop, eya yemo eŋe ŋene so ŋei ŋerep magukoune korop, ŋine Yuda ŋadino gemami, eŋane biŋek weneŋ mage waremaike, so don sane yemo iwa yale, Kristo eŋe ŋinane koto ŋino gemaike, eya wane kine yemo ŋine baŋ Kaisale wane kibi qelaŋane eya weneŋ eŋerop qeliwo makei. 28Eya wane ŋene Kristo wane don kisi ŋei ŋerep korop ra ŋidan okanmaine, ŋene ŋei ŋerep korop girem ŋidan okanmaine, so kito ŋibon okanmaine, yemo korop wet so dereret korop, eya mo ŋei ŋerep bonep bonep ŋibuŋem, ŋine doku tautau magu wele okane, Kaisale wane kaitko maine lotke more, kotoŋine menaŋgi, Kristorop gekei. 29Eya mawe qoeyakane, na urataine togogole wikilerop, so qeka makaine rop mamaile, Kristoŋo zonom suwaine more ninmaike, eyaŋo naŋane kotono urata ma qelaŋangi, na urata eya gereu nerop mamaile.
Currently Selected:
Kolosi 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Kolosi 1
1
Kine Kine Korop Pamaike Eya Wane Lewet Yemo Kristo, So Kaisale Wane Gege Numa Me Tanik Manik Eŋe Weneŋ Kristo Wano Wat Watko Pamanmaike
Mosop Don
1Paulo, na Kaisale wane pidon Kristo Yesu wane aposolo okangalane Kaisale oŋom bira nange, so kimaze Timoti eŋe weneŋ.
2Ŋeto Kaisale wane ŋei ŋerep magu, Kolosi matko kimakopse Kristo wano ŋine tope kiyaro mali malip korop gemami, ŋinane kibi iwa qe ŋibonmaite,
Kaisale, Magazeŋo maine wet menaŋ so peyam ŋiboniyake.
Bakom Kito Meŋe Meŋen So Mali Malip Korop Gege
3Ŋere naso baŋem meŋenka okanmaite, naso eyao ŋere ŋinane detsorokkete paki, Kaisale Waomze Yesu Kristo wane Magaine bakomine kito meŋenka okanmaite. 4-6Ŋere ŋinane don mo iwa yale detmaite, kisi maep wane don wele mo ŋinano wakonge detmami, ŋine kinekine bile, eya mo malip kakoi, eya mo Waom oŋom ŋinane ma wakone more qeliwo motke, ŋine maikei wane tomaka gemami. Pakimo, ŋine yalewa wane Yesu Kristo malip kaluke gemami, so Waom wane magu ŋei ŋerep korop wet maep okan onmami. Pakimo, kepe baŋem ŋei ŋerep loutneŋo malip ka more kisi maep ra qelaŋane mogare arimami, eŋane gegeene eyamo maine menaŋmaike. Tego yewaka ŋinane keuwo wakonge, eya wane ŋine kiyeke more mikepka kisi maep Waom wet maepinane kine momaine dere lulukmami. 7Ŋine Epaprasŋo kisi maep wane done maine mo yewa kiyeke kito ŋidangi detkoi, Epapras eŋe Kristo wane urata ŋei weku mane, eŋe ŋenerop urataze weku, so ŋene eŋane manerop simin ŋonmaike, eŋe ŋine qesiŋ ŋune more Kristo wane urata maine mauluke mamaike. 8Ŋene mo oŋom Waom wane ŋei ŋerep magu eŋane don tanik manik so simile daleo detlukkene, don kisi yewa mo Asu Koboboineŋo ŋibonge, eya mo korop ŋedan wareke.
9Ŋinane don kisiŋine maine mikep detkone, naso yewa oka kiyeke ŋene naso baŋem Waomŋo qesiŋ ŋuniyakane, ŋinane meŋenka gemaine, ŋene Waom eŋine simileine detkaikei wane, so Kaisaleŋo eŋine simileinane dereret, eya Asu koboboine wet dereret kinekine, eya qewatke ŋiboniyakane olat okanmaine. 10Pakimo ŋine baŋ eweke more Waomŋo eŋine ŋei ŋerewe koune gekei wane detmaike, eya wane rokop gekei, so naso baŋem ŋine urata kinekine ma okanbi, tanik manik ŋine kaki menageyake, pakimo ŋine baŋ urata kinekine loutne maine maikei, so naso yewao Waom eŋine detluk kaikei, so ŋine wet dereret ŋine naso baŋem Kaisale wano more eŋerop gege eyaŋo baŋ suwa ariyake. 11So ŋene iwa yale meŋenka okanmaine, ŋine Kaisale eŋine zonom togogole weku mane, zonom eyaŋo ma togole ŋungi, ŋine maine togole okora more, umat kinekine kutŋino waki ewekeu paki, wet maepko batneka kauke okorau, umat eya baŋ mida leleyake, paki ŋine wet pesek dere bakom kitokei. 12So ŋine batneka Magak bakomine kitokei, yemo mo oŋo ŋibuki ŋine mo tanik manik me numa maine gesokmami. Eya wane ŋine baŋ kinekine mayakakatne mo ŋinane biŋek qeke, eya maikei, ŋine eya baŋ Waom eŋine ŋei ŋerewekoune eŋerop maikei, tego me magu yewa ŋene mo Waom wane qelaŋan koto gemaine. 13Ŋene mo panaman koto gekone, eŋe panaman wane zonomgo ŋine makokŋonge paki, ŋebu seseŋone ari eŋine gipon maepinane mat urum koto biraŋonge. 14Yemo ŋene eŋane weŋemineŋo mo qoleŋone more siwotŋonge, so sot turuŋze eyamo mo mataliki siukke.
Kristo Wane Masi So Uratainane Pauloŋo Rake
15Ŋene Kaisale maine mi kaikene, ŋo gipole Kristo eŋe Kaisale sane, deŋo mi kakaine, eŋine kait toqa Kaisale yale, eŋe Kaisale eŋine alakan Medep, eŋe Kaisaleŋo yeye kinekine korop ma wakonge, eya wane lewet so eŋane suwaineene. 16Medep eyaŋo, eŋane kutko so metino Kaisale eŋe yeye kinekine korop qeli kotino so kepe kutno ma wakonwareke, kinekine deŋo kakaine, so mi kakaine, eya so aŋelo kinekine zonom ewe bibienerop, so asu zonom gorop, so kinekine natne asu qotkoinane zonom gorop, ŋei waom, ware ware, so ŋei ŋetne korop, Kaisaleŋo yeye kinekine korop eŋano so eŋane biŋek mawakon wareke. 17Kristo eŋe yeye kinekine korop mawakongi, eŋane bango mokaka qei kinoka kiyeke, ge sari geke, so yeye kinekine eya korop eŋane zonomŋo malipongi mayakakatneka, numaeno numaeno pawaremami. 18Doku tautau magu, eŋe eŋane kiye metine korop, eŋane lewetene, yemo oŋom okanmaike, doku tautau maguŋo eŋane solaine, eŋe sola wane gege ma wakone more ware kaki, doku tautau eŋe gege inerop okane pamaike, eŋe gege eya wane kine, eŋe Kaisale wane medep alakan wako wakone, eŋe seuseuwo ŋine wiyeke, eya wane kiye kiyek, oŋo kiyeke wisikae wiyeke, yemo eŋe wekuku ŋo alakane yeye kinekine korop qeli so kepe kotino, eŋane numa ene maine oŋo ma mo lewetene okanmaike. 19Kaisale eŋe detki menaŋgi, gipole eŋe oŋomka Kaisale eŋine gege so zonom wane namu ŋine, eŋano watwatko payakane eŋe qe watkeluke mange. 20Kaisale eŋe yeye kinekine korop, qeli so kepe kotino, koso ebu more, eŋino biraoniyakane, so wet weku okanikei wane wetkeki paki, gipole birakaki, gipoleŋo kibego seukki, weŋemineŋo peyam so gege maep ma wakonge, pakiso yeye kinekine korop, kepe kutno so qeli kotino pamaike, eya koso ebu mainone more, eŋino takotone more biraonwareke.
Yesu Wane Seuseuineŋo Qeturaŋŋongi Kaisalerop Weku Okangone
21Ŋine mokaka Kaisale ŋadek kau paki, eri ekeket gekoi, so Kristo wane ŋaba koune amaŋ okane gekoi, onoka wane ŋine borikinekinekine makoi, so wetke magekoi, eya wane. 22Wane ukude yemo Gipoleŋo sola bikumine korop wakone more kibeŋ qabego wisika qolu seukke, masi yewa wane Kaisaleŋo eŋine ŋaba koune okangone, eya ŋebu miliŋŋonge, so wetine weku okangi, paki ŋebuki, koboboine, libe libe qelaŋan gorop, so sot midaine okane eŋine kaitino gekei wane biraŋunge. 23Eya wane ŋine takotke more, mali malipŋo nago nagonŋine okangi, eyao ra bidange togogole okorakei, paki ŋine ŋidomka misuk detonbi, kisi maep teba teba ma wakone ŋibonge, eya kinekine maneŋo misuk ruzakki buratke qake kesiyake, kisi maep don iwa ŋei ŋerep korop kepe baŋem mo ra edanwarekone, na Paulo kisi maep iwa, eya wane qelit ŋei okangole, paki, kepe baŋem ŋei eŋano ŋene zonom eyaŋo qebinŋongi, urataze sorin borin mamaine.
Pauloŋo Kolosi Doku Tautau Magu Qesiŋonge
24Na ŋinane rawe paki, wikile kutno ge more, ukude na oi bakom so wetne pesemaike, detpe nae solaineŋo wikile desikale, yemo na Kristo wane sola inane wikile sotakine pamaike, eya mo doku tautau magu, eya takotke qesiŋka wikile desikale. 25So na doku tautau magu eŋane ra qelit ŋei, Kaisaleŋo neuki paki, urata eya mawe ŋine menaŋgei wane ra ninge, eya yemo Kaisale eŋine donine kisi maep eya korop ra qelaŋanbe, rokopkeyakane ninge. 26Don eya yemo sane, eŋe motkeki sanka qei kino ŋine nasoine nasoine korop pa saki, ŋei kinekine eŋe korop mi detkakoi, wane ukude yemo ŋei ŋerep doku tautau magukoune eŋane kaitko didiwo maputulake sikanongi, ka waremami. 27Kaisale wetinane kine yemo iwa yale, don sanine eya tingo ra wakongi, ŋei ŋerep magukoune eŋe detkei, don sane riwe moriyanine kakapa suwaine, so qeli ewe zonom gorop, eya yemo eŋe ŋene so ŋei ŋerep magukoune korop, ŋine Yuda ŋadino gemami, eŋane biŋek weneŋ mage waremaike, so don sane yemo iwa yale, Kristo eŋe ŋinane koto ŋino gemaike, eya wane kine yemo ŋine baŋ Kaisale wane kibi qelaŋane eya weneŋ eŋerop qeliwo makei. 28Eya wane ŋene Kristo wane don kisi ŋei ŋerep korop ra ŋidan okanmaine, ŋene ŋei ŋerep korop girem ŋidan okanmaine, so kito ŋibon okanmaine, yemo korop wet so dereret korop, eya mo ŋei ŋerep bonep bonep ŋibuŋem, ŋine doku tautau magu wele okane, Kaisale wane kaitko maine lotke more, kotoŋine menaŋgi, Kristorop gekei. 29Eya mawe qoeyakane, na urataine togogole wikilerop, so qeka makaine rop mamaile, Kristoŋo zonom suwaine more ninmaike, eyaŋo naŋane kotono urata ma qelaŋangi, na urata eya gereu nerop mamaile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.