2 Korinti 9
9
Doku Tau Tau Kimakopene Wesi More Qesiŋonikei Wane Edange
1Yuda Kisi Maep ŋei maulukone more wesi ebonikei wane, eya mo maine detmami, eya wane daleo zok qe ŋibonikale. 2Iwa mo na detmaile Akaiya doku tau tau magu ŋine koma qei bano wesi maratkamore qeturaŋ eya kiyekkoi, na don kisi eya Makedoniya ŋei edanbe, ŋei natne korop eŋe ŋinane sorin borin so togole togoleŋinane kisi detpi qomene kitoke. 3Ŋene mawalak ŋungone yewaŋo wele midaine okaniyakane na kimakopne biraonbe uwi ŋine siluŋ na rakole yale waka kine kine okan onikei wane ewekkei. 4Na Makedoniya ŋei eŋerop weneŋ uŋem ŋine wesi mot mot wane ŋaŋae-keiwo, eŋe kau don yewa wele midaine okangi ŋine so na weneŋ gamu kutzo wayake, paki ŋine koso mane mi mauluk ŋunikene. 5Eya wane kimakopne raonbe alakane umami. U lotkeu qom menaŋ wesi mosikei wane nolatkoi, eya lewine ma qeturage motpi mesiyake. Eyamo aŋa togon wesi midaka, Kisi Maep wane so peyam gege qom menaŋ wesi, sikanonikei.
Qomi Qomineka Kine Kine Mot Mot Me Oka Okan Eya wane Kaisaleŋo Detki Menaŋ Okanmaike
6So iwa yale desikei, Mane eŋe waet ewekine ebosiyake eŋe wele ewekineka mane qe ne okaniyake, ŋo mane eŋe waet loutne ebosiyake eŋe wele loutne mane qe okaniyake. 7Eya wane iwa yale okanwarekei. Mane eŋe qomne bapne mi raki paki kine kineine qom ewekinane rokopko mosiyake, qebi qebingo me aŋa togon wane midaka. Kine kine yaup qomne bapne mi raki paki mosiyake, ŋei yaline eŋane Kaisaleŋo detki simileka okanmaike. 8So Kaisale eŋe zonom welaineŋo qom ewekinane mosop ŋungi moriyan wakone ŋibongi ŋin ŋine mane qene okane ge more urata kinekine maine maikei wane kine kine mane mi zuwaŋgei. 9Eya wane Kaisale wane ekapko iwa yale qeqine,
“Eŋe ma pororoke damo qe aboŋene midaine ebon okanmaike, eŋane mayakatneineŋo papa togon pa ariyake.” 10Eŋe ŋei waet ma wakone ebongi qe met okan okanmamiso wele ma wakone ebongi ma ne okan okanmami, Kaisale eŋe ŋine yaleka qe met okanikei wane, waet ma wakone ŋibone more mosop-kaki qom ewek ŋinane wele wakone suwa leule okaniyake. 11Paki mo riwe moriyan gorop okane, ŋei aboŋene midaine kito qesiŋ okan okanikei, eŋe ŋenane ra more Kaisale bakom mawa mawa okankaikei. 12Ŋine Kisi Maep ŋei wet pesek kine kine okanonbi, eyaŋo bodi ŋine esop kayake, eyaka midaka, eyaŋo bakom mawa mawa eya wane moriyan ma wakongi, Kaisale wane okaniyake. 13Ŋine Kristo wane Kisi Maep don dere tewek okan okanmami, eya wane kine wet pesekkine kine ŋineŋo ma wakongi Kisi Maep ŋei so doku tau tau magu natne korop eŋerop kima kima tako rakot ŋine wakongi, eŋebaŋ Kaisale mawakaikei. 14So ŋinano Kaisale Kisi Maepinane wele wakone suwa leule okanmaikane, weteneŋo luk-ŋone more Kaisale meŋenkaikei. 15Ŋene Kaisale wane bakom maine mi rawakonikene, yaup welelepke more mawa-kaŋem!
Currently Selected:
2 Korinti 9: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Korinti 9
9
Doku Tau Tau Kimakopene Wesi More Qesiŋonikei Wane Edange
1Yuda Kisi Maep ŋei maulukone more wesi ebonikei wane, eya mo maine detmami, eya wane daleo zok qe ŋibonikale. 2Iwa mo na detmaile Akaiya doku tau tau magu ŋine koma qei bano wesi maratkamore qeturaŋ eya kiyekkoi, na don kisi eya Makedoniya ŋei edanbe, ŋei natne korop eŋe ŋinane sorin borin so togole togoleŋinane kisi detpi qomene kitoke. 3Ŋene mawalak ŋungone yewaŋo wele midaine okaniyakane na kimakopne biraonbe uwi ŋine siluŋ na rakole yale waka kine kine okan onikei wane ewekkei. 4Na Makedoniya ŋei eŋerop weneŋ uŋem ŋine wesi mot mot wane ŋaŋae-keiwo, eŋe kau don yewa wele midaine okangi ŋine so na weneŋ gamu kutzo wayake, paki ŋine koso mane mi mauluk ŋunikene. 5Eya wane kimakopne raonbe alakane umami. U lotkeu qom menaŋ wesi mosikei wane nolatkoi, eya lewine ma qeturage motpi mesiyake. Eyamo aŋa togon wesi midaka, Kisi Maep wane so peyam gege qom menaŋ wesi, sikanonikei.
Qomi Qomineka Kine Kine Mot Mot Me Oka Okan Eya wane Kaisaleŋo Detki Menaŋ Okanmaike
6So iwa yale desikei, Mane eŋe waet ewekine ebosiyake eŋe wele ewekineka mane qe ne okaniyake, ŋo mane eŋe waet loutne ebosiyake eŋe wele loutne mane qe okaniyake. 7Eya wane iwa yale okanwarekei. Mane eŋe qomne bapne mi raki paki kine kineine qom ewekinane rokopko mosiyake, qebi qebingo me aŋa togon wane midaka. Kine kine yaup qomne bapne mi raki paki mosiyake, ŋei yaline eŋane Kaisaleŋo detki simileka okanmaike. 8So Kaisale eŋe zonom welaineŋo qom ewekinane mosop ŋungi moriyan wakone ŋibongi ŋin ŋine mane qene okane ge more urata kinekine maine maikei wane kine kine mane mi zuwaŋgei. 9Eya wane Kaisale wane ekapko iwa yale qeqine,
“Eŋe ma pororoke damo qe aboŋene midaine ebon okanmaike, eŋane mayakatneineŋo papa togon pa ariyake.” 10Eŋe ŋei waet ma wakone ebongi qe met okan okanmamiso wele ma wakone ebongi ma ne okan okanmami, Kaisale eŋe ŋine yaleka qe met okanikei wane, waet ma wakone ŋibone more mosop-kaki qom ewek ŋinane wele wakone suwa leule okaniyake. 11Paki mo riwe moriyan gorop okane, ŋei aboŋene midaine kito qesiŋ okan okanikei, eŋe ŋenane ra more Kaisale bakom mawa mawa okankaikei. 12Ŋine Kisi Maep ŋei wet pesek kine kine okanonbi, eyaŋo bodi ŋine esop kayake, eyaka midaka, eyaŋo bakom mawa mawa eya wane moriyan ma wakongi, Kaisale wane okaniyake. 13Ŋine Kristo wane Kisi Maep don dere tewek okan okanmami, eya wane kine wet pesekkine kine ŋineŋo ma wakongi Kisi Maep ŋei so doku tau tau magu natne korop eŋerop kima kima tako rakot ŋine wakongi, eŋebaŋ Kaisale mawakaikei. 14So ŋinano Kaisale Kisi Maepinane wele wakone suwa leule okanmaikane, weteneŋo luk-ŋone more Kaisale meŋenkaikei. 15Ŋene Kaisale wane bakom maine mi rawakonikene, yaup welelepke more mawa-kaŋem!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.