2 Korinti 10
10
Paulo Kisi Maep Uratainane Iretke More Don Rake
1Iwa na Paulo noŋo Kristo qom menaŋinane so wet pesekinane ŋidanbe detpi. Natneŋo naŋane iwa yale ra okanmami. Eŋe iwa sari ge more kima don okanŋon okanmaike, ŋo eriwa ari ge more kawali don okanŋon okanmaike. 2Na ŋinano u ge more, kawali don ŋidanikalane mi qebin nanikei, natneŋo naŋane sola-oken eya wane biŋek gemaike, yale ra okanmami, ŋei yewa eŋe yemo kawali don maine edanikalane wetne ewek okanmaike. 3Ŋene solarop kepeo gege i welekatne, ge okanmaine, ŋo kawalirop qeli wane gege yemo sola waneŋo mi ge okanmaine. 4Ŋene tebe bim ba kawali qekenane maqe okanmaine, yemo kepeo ŋine midaka. Yemo Kaisale wano ŋine tebe bim zonomine togogole, eyaŋo ŋaba wane sen turoŋ togogole kito ra barakeŋem eŋe ari okanmaike, so isi kine kine-inane ŋetne kitipke rape seŋem ket okanmaike. 5Ŋene aŋa soraŋ, wawaine me isisi don kine kine, yewaŋo Kaisale wane don yuwanka okanmaike, yewa qe ra zoratkeŋem ket okanmaike, paki ŋene dereret kine kine korop, yewaŋo Kristo wane aŋa tewe tewekka wakoniyakane, wokomka more matogole okanmaine. 6Eya wane ŋene Kristo so ŋenane aŋa don tewekeu kamaine, yewao ŋei natneŋo aŋa mi tewekeu, eya sot turuŋene ebonŋem kaikei.
7Ŋine sola-okengo yeye kine kine yauwine eya wane detpi wele okan okanmaike, ŋinano ŋine ŋei maneeŋe eŋinane detki Kristo wane ŋei wele okan okanmaikeo, iwa yale desiyake. Eŋe wekuŋo Kristo wane ŋei mi ge okanmaike, ŋene koropŋo Kristo wane ŋeikouneka ge okanmaine. 8So eyaka mida, Waomŋo Aposolo urata makenane zonom ŋebonge, eya wane mawa mawa don manerop raikaleo, na eya wane gamu kutno mi wayake, zonom yemo ŋinano urata maŋem ŋibu kesiyakane mida, ŋibu wiyeki menaŋgei wane ŋebonge. 9Na ekapko kibi qe ŋibon okanmaile, eya wane detpi kaet donka mi okaniyake. 10Ŋei natneŋo naŋane iwa yale ra okanmami, “Paulo eŋe donine gereunerop so togogole qe ŋebon okanmaike, ŋo solaineŋo ŋenerop weneŋ gemaikeo, yemo zonomine midaine, so don raraineŋo yemo ketkele.” 11Ŋei yaline eŋane iwa yale rawe desikei, ŋene abaran geŋem paki kibi qe ŋibon okanmaine, rokop yalewaka keu ŋino geŋem paki don ŋidan okanmaine.
Urata Wane Sola Mawa Mawa Mi Gekene
12Ŋei sola mawa mawa ge okanmami, ŋene yalineŋo eŋano takotke more rokop weku maine mi okangene. Ŋei yewa eŋe natne ŋenane okane mamaze eya wane mi wetkeu paki enŋenaneka ra more sola mawa mawa don zauŋ zauŋ ra okanmami. 13Ŋo ŋene yemo Kaisaleŋo urata wane rokop more ŋebonge, yale ma umage ŋinano lotkekone, eya wane dere more mawa mawa don ra okanmaine, ŋo rokop midaine, yaup rara eyamo mi okan okanmaine. 14Uratazane zawoine yemo welekatne ŋinano pamaike, ŋene uratazane rokop yewa mi ra suwa okanmaine, ŋedo lewine ŋinano lotke more Kristo wane Kisi Maep Don Maine mikepka ŋidangone. 15Ŋene ŋei natne eŋane uratao kobu waket okora more sola mawa mawa don qazaŋ rara eya mi okan okanmaine. Ŋo ŋenane wetzeŋo wetkemaine yemo iwa yale, ŋinane mali malip ŋine suwa kakapa lele ariki, ŋenane urataze ŋinane keuwo mamaine eyaŋo takotke suwa ariyake. 16Paki ŋene Kisi Maep Don Maine yewa kepe natne natne ŋinane ŋadeŋino yewao maine edane arikene, so ŋeimane wane urataine kepe mane make, wele eya wane welaine okangi, so sola mawa mawa yemo mi okanikene.
17“Ŋo ŋei mane mawa mawa don rawe, raso yemo eŋe Waom mawaka more eŋe eŋet biŋek maniyake.” 18So ŋene mo detmaine, ŋei mane eŋe wawaine okane more eŋine eŋet ma wiye more Waom qeliŋ-kayake, yemo eŋane eŋet mane Waom wano eya mo mida, wane Waom eŋe eŋet biŋek eya yemo baŋ ŋei mane maniyake.
Currently Selected:
2 Korinti 10: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Korinti 10
10
Paulo Kisi Maep Uratainane Iretke More Don Rake
1Iwa na Paulo noŋo Kristo qom menaŋinane so wet pesekinane ŋidanbe detpi. Natneŋo naŋane iwa yale ra okanmami. Eŋe iwa sari ge more kima don okanŋon okanmaike, ŋo eriwa ari ge more kawali don okanŋon okanmaike. 2Na ŋinano u ge more, kawali don ŋidanikalane mi qebin nanikei, natneŋo naŋane sola-oken eya wane biŋek gemaike, yale ra okanmami, ŋei yewa eŋe yemo kawali don maine edanikalane wetne ewek okanmaike. 3Ŋene solarop kepeo gege i welekatne, ge okanmaine, ŋo kawalirop qeli wane gege yemo sola waneŋo mi ge okanmaine. 4Ŋene tebe bim ba kawali qekenane maqe okanmaine, yemo kepeo ŋine midaka. Yemo Kaisale wano ŋine tebe bim zonomine togogole, eyaŋo ŋaba wane sen turoŋ togogole kito ra barakeŋem eŋe ari okanmaike, so isi kine kine-inane ŋetne kitipke rape seŋem ket okanmaike. 5Ŋene aŋa soraŋ, wawaine me isisi don kine kine, yewaŋo Kaisale wane don yuwanka okanmaike, yewa qe ra zoratkeŋem ket okanmaike, paki ŋene dereret kine kine korop, yewaŋo Kristo wane aŋa tewe tewekka wakoniyakane, wokomka more matogole okanmaine. 6Eya wane ŋene Kristo so ŋenane aŋa don tewekeu kamaine, yewao ŋei natneŋo aŋa mi tewekeu, eya sot turuŋene ebonŋem kaikei.
7Ŋine sola-okengo yeye kine kine yauwine eya wane detpi wele okan okanmaike, ŋinano ŋine ŋei maneeŋe eŋinane detki Kristo wane ŋei wele okan okanmaikeo, iwa yale desiyake. Eŋe wekuŋo Kristo wane ŋei mi ge okanmaike, ŋene koropŋo Kristo wane ŋeikouneka ge okanmaine. 8So eyaka mida, Waomŋo Aposolo urata makenane zonom ŋebonge, eya wane mawa mawa don manerop raikaleo, na eya wane gamu kutno mi wayake, zonom yemo ŋinano urata maŋem ŋibu kesiyakane mida, ŋibu wiyeki menaŋgei wane ŋebonge. 9Na ekapko kibi qe ŋibon okanmaile, eya wane detpi kaet donka mi okaniyake. 10Ŋei natneŋo naŋane iwa yale ra okanmami, “Paulo eŋe donine gereunerop so togogole qe ŋebon okanmaike, ŋo solaineŋo ŋenerop weneŋ gemaikeo, yemo zonomine midaine, so don raraineŋo yemo ketkele.” 11Ŋei yaline eŋane iwa yale rawe desikei, ŋene abaran geŋem paki kibi qe ŋibon okanmaine, rokop yalewaka keu ŋino geŋem paki don ŋidan okanmaine.
Urata Wane Sola Mawa Mawa Mi Gekene
12Ŋei sola mawa mawa ge okanmami, ŋene yalineŋo eŋano takotke more rokop weku maine mi okangene. Ŋei yewa eŋe natne ŋenane okane mamaze eya wane mi wetkeu paki enŋenaneka ra more sola mawa mawa don zauŋ zauŋ ra okanmami. 13Ŋo ŋene yemo Kaisaleŋo urata wane rokop more ŋebonge, yale ma umage ŋinano lotkekone, eya wane dere more mawa mawa don ra okanmaine, ŋo rokop midaine, yaup rara eyamo mi okan okanmaine. 14Uratazane zawoine yemo welekatne ŋinano pamaike, ŋene uratazane rokop yewa mi ra suwa okanmaine, ŋedo lewine ŋinano lotke more Kristo wane Kisi Maep Don Maine mikepka ŋidangone. 15Ŋene ŋei natne eŋane uratao kobu waket okora more sola mawa mawa don qazaŋ rara eya mi okan okanmaine. Ŋo ŋenane wetzeŋo wetkemaine yemo iwa yale, ŋinane mali malip ŋine suwa kakapa lele ariki, ŋenane urataze ŋinane keuwo mamaine eyaŋo takotke suwa ariyake. 16Paki ŋene Kisi Maep Don Maine yewa kepe natne natne ŋinane ŋadeŋino yewao maine edane arikene, so ŋeimane wane urataine kepe mane make, wele eya wane welaine okangi, so sola mawa mawa yemo mi okanikene.
17“Ŋo ŋei mane mawa mawa don rawe, raso yemo eŋe Waom mawaka more eŋe eŋet biŋek maniyake.” 18So ŋene mo detmaine, ŋei mane eŋe wawaine okane more eŋine eŋet ma wiye more Waom qeliŋ-kayake, yemo eŋane eŋet mane Waom wano eya mo mida, wane Waom eŋe eŋet biŋek eya yemo baŋ ŋei mane maniyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.